Lituln 13:3 - UWONBƆR A GBƆNPƆŊ LIKƆƆNL

³ Le bi lol imɔɔŋ ki miɛ Uwonbɔr, ni bɔɔn bu le bi ta bi nɔɔi paan bi bu, le ki che bi jon.

Uwumbɔr aagbaŋ

³ Le Yesu aanib lul bumɔb, ki mee Uwumbɔr, ki di biŋaal paan bi pu, le ki cha bi buen.

Lituln 13:3 Iomraidhean Croise

Tibɔnyaan ti Luk ŋmee ti na 2:37

le u chal kpo ki jiɛn u lipukɔɔl le ki nan ye ibin piniin nin ina; amaa waa nan per iwonjiɛn niin n-yaa kɔɔm nween nin kunyiɛgi, ki jiɛn nween ki lolig bimɔb ki miɛ u.

Lituln 1:24

Le ki miɛ Uwonbɔr ke, “Uyudaan, fin le nyi uninfo biɛn a sufu ni. Wɔɔn ti bininfob bilee nan a sisiigin wan wee a gann,

Lituln 13:2

Baah nan be jiɛn Uwonbɔr ki lolig imɔɔŋin, le Kasi a Naaŋ nan bei bi ke, “Ni nyam Banabasi nin Sɔɔl, wee bin tun itoon yan wee N yin bi ke bin tun ni.”

Lituln 13:4

N-yonn nmɔn le Kasi a Naaŋ nan ta bininfob bilee nmɔn ki nyan nsan bu, le ki che bi jon Selesiya ki tan kɔɔ kuŋaluŋ niin ki jon Saipuru.

Lituln 14:23

Le Pɔɔl nin Banabasi nan gann biwonjiɛm a laguŋ ni biba le ki ŋa bi bisanliib tiwonjiɛndir biɛn nin, le ki lol bimɔb ki miɛ Uwonbɔr, ki ta bi ŋa Uyudaan wan wee bi gaa u jin nan a nɔɔn.

Lituln 14:26

Le bi nyan Ataliɛn ki kɔɔ kuŋaluŋ ki jir Antiɛg, nin yaan le bi nan ta bi ŋa Uwonbɔr a nyunyunbasanlin, nin baah tun itoon ki diɛ nbu.

Lituln 15:40

Amaa le Pɔɔl mu gann Silasi. Le biwonjiɛmin ta bi ki ŋa Uwonbɔr a nyunyunbasanlin le bi jon.

Lituln 6:6

Le bi ta bi jon itoon nan ban, le bi ta bi nɔɔi ki paan bi bu ki miɛ Uwonbɔr ki sei bi.

Lituln 9:17

Le Ananiɛsi nan jon ki tan kɔɔ iniin nmɔn yaan, ki ta u nɔɔi ki paan Sɔɔl bu, le ki bei u ke, “N nabig Sɔɔl, n Yudaau Yisa wan degir a bu nsan n-yonn man wee a nan chaan do nan ni, u ma tunim ke n nan ligir a num wee a gbee nin Kasi a Naaŋ.”

Rom Yaab 10:15

Ke bi yin ŋa nii ki mɔɔn ti wee naa ye bi tun bi lee? A li ke naah sɔb man Uwonbɔr a gbɔŋin nin, “Ban mɔɔn tibɔŋann nin tenn bininfobin tenn bi tibɔmɔnn le.”

1 Timoti 4:14

Laa che a piin yin ŋa yɔli, nan ye ilinlen leen ki seiŋ n-yonn man wee bininkpeeb nan ta bi nɔɔ-i paan a bu-n.

1 Timoti 5:22

Laa jegil ki ta a nɔɔi ki paag bininfob bu, ki laa kpiɛ ban tun tibir bu wee ni tun ni. Li ŋmag a ba kasi.

2 Timoti 1:6

Ni niɛ nan bu le n tiɛriŋ ke a figir Uwonbɔr a piin yan be a ni-n, maah nan ta n nɔɔi ki paan a bu n-yonn man ni.

2 Timoti 2:2

Ta tibɔr tan wee a gbir n pag kuninfogbaluŋ a numin nin, ki wɔɔn bininfob ban si nbamɔm wee ki mu ye ban li fir wɔɔn bi kpiɛtiibin.

3 Jɔnn 1:6

Bi bei biwonjiɛm a laguŋ ŋaah jiɛ bi man na. Pɔɔn a ba ki ter bi wee bin chonn bi sanchonl, nan li gbee Uwonbɔr a num.

3 Jɔnn 1:8

Mambu ni kpaa le nin ti gaa bininfob nmɔn kuchɔŋ wee ti lagin tun nin ibamɔn.