Lituln 13:15 - UWONBƆR A GBƆNPƆŊ LIKƆƆNL

¹⁵ Baah karin Moziz a siim nin Uwonbɔr a linlem a sɔbim n-yaan a bɔɔn bu, le kuwonjiɛndiig nmɔn a ninkpeeb bei Pɔɔl nin Banabasi ke, “Ti na a bum, ni ye ke ni jɔɔ tibɔŋann tan wee ni yin pag pɔɔg ti gbanann ke, ni paga.”

Uwumbɔr aagbaŋ

¹⁵ Le unii ubaa karn Uwumbɔr Aagbaŋ ponn ni. U karn Moses ni Uwumbɔr aabɔnabtiib aah nan ŋmee pu na. Waah karn doo na, le mmeen aadiik aaninkpiib tun unii bi chee, ke u ti tuk bi ke bi yaa ban bi tuk binib tibɔr ti ga pɔɔk bitaakpab na kan, bi tuk bi.

Lituln 13:15 Iomraidhean Croise

Tibɔnyaan ti Mak ŋmee ti na 5:22

Le uja uba dan nin yaan, le u yinl ye Jairu; u nan ye kuwonjiɛndiig a ninkpelu le. Uja-n kaah nan kan Yisa n-yonn man nin, le ki gbaan u nintogil.

Tibɔnyaan ti Luk ŋmee ti na 16:16

“Bi nan mɔɔn Nsiimin nin Bilinlem a bɔr le hali nin Jɔnn kaah nan nan foon. Naah nan nyan iyaayoo ki nan kpa daandaan nan, bi mɔɔn tibɔŋann tan pag ki jiin Uwonbɔr a niin a naam npaam le, le bininfob mugir biba ke bin nan kɔɔ Uwonbɔr a niin a naam nmɔn yaan.

Lituln 1:16

ki len ke, “N nabum, Uwonbɔr a leen yan wee Kasi a Naaŋ nan che Defid pag Judasi a bɔr n-yonn man nan jon nni, ye nin gbeen le. U ma nan liin nsan ki tan wɔɔn le bi choo Yisa.

Lituln 13:27

Jerusalam yaab nin biyudam kaa nan biɛ Yisa, nin nima biɛn ni, bi nan ku u le ni gbeen bilinlem a bɔr tan wee bi jɔɔ karin likpakɔɔl daal biɛn nin.

Lituln 15:21

Nan bu-n Moziz a siimin, ti yaajam a yonn le u nan mɔɔn nsiimin kitiŋ biɛn nin, le bi karin nsiim nmɔn tiwonjiɛndirin likpakɔɔl daal biɛn.”

Lituln 15:7

Bi nan pag ti ni yuur le Piita nan nan fii sir ki ke, “N nabum, ni nyi ke iyoo yan jon nin, Uwonbɔr nan gannim le ni poolin ke n pag tibɔŋann nin ki sei ban kaa ye Juu yaab, wee bin gbir ki ŋa yada.

Lituln 18:17

Le bi biɛn choo Sositenesi, wan ye kuwonjiɛndiig a yudaau ki boo u tibɔr a jibol, amaa le Galio a baga kaa be niin ni.

Lituln 18:8

Le kuwonjiɛndiig nmɔn a yudaau Kerepusi nin u niin yaab biɛn ŋa Uyudaan yada; le Korenti yaab takpem mu gbir u bɔr nmɔn le ki ŋa yada. Le bi fun bi Uwonbɔr a nyunful.

Lituln 2:29

Le Piita ji mann len ke, “N na a buwaab n li fir pag nin tidindann ke ti yaaja ubɔr Defid kpo le bi pii u, ke u kaag la be nin dinan.

Lituln 2:37

Bininfobin kaah nan gbir man ni, le bi sufu nan bii takpem, le bi baan Piita nin u tooi tabin ke, “Ti na a buwaab ti yin ŋa nii?”

Lituln 2:4

Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Lituln 20:2

U nan chonn ntim man be niin nmɔn le, ki wɔɔn biwonjiɛm ban be niin nmɔn Uwonbɔr a bɔr takpem, ki pɔɔg bi sufu, ni joorimin le u tan foo Giresi,

Lituln 22:1

“N nabum nin n baam, ni gbirim n siɛra nan.”

Lituln 4:36

Uja uba nan be niin le u yinl ye Josef, u nan ye Liifai yaab a bol a ninfou le, wan wee bi ma u Saipuru a tiŋin nan, itoon nin yi u ke Banabasi (ni taai ye pɔɔninba daan a bija),

Lituln 7:2

Le Sitifin jiin ke, “N nabum nin n baam, ni pel n bɔr nan na man! N-yonn man wee ti yaaja Abiraham nan be Mesopotamiya a tingbɔŋin, iyaayoo ki miin waa la jon Haran ni, le Uwonbɔr a pag degir u bu.

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

1 Korenti 14:3

Amaa wan pag ilinlen leen ke u pag tenn bininfob le npɔɔn, ki pɔɔgir bi gbanann nin ibalin.

2 Korenti 3:14

Amaa bi le laa ye tukangbirdam le, hali nin dinan, ni ye bi karin Moziz a gbann nin ke, likinkenl nmɔn la deg bi num paam le. Laa la degiri. Nan bu-n Masiya a binba bu le li degir.

1 Tesalonika 2:3

Taah bei ni tibɔr tan nan kaa ye kuŋmaruŋi, kaa ji ye ti jɔɔ lipotiɛbiril liba le, kaa ye kularug mu.

Hiibru Yaab 13:22

N nabum, n balin ni le ke, ni li jɔɔ limɔril wee ki gaa n kpaan nan a bɔra, nan bu-n tibɔr wama le n ta sɔb kugbɔŋ nan ki sei ni.