Lituln 13:14 - UWONBƆR A GBƆNPƆŊ LIKƆƆNL

¹⁴ Le bi nyan Pega, ki jon Antiɛg kan be Pisidiya a tiŋin nin. Le likpakɔɔl daal foo le bi kɔɔ kuwonjiɛndiigin ki ka.

Uwumbɔr aagbaŋ

¹⁴ Le bi nyan Pega aatiŋ ni, ki buen ti fuu Antiok aatiŋ ki bi Pisidia aapepel ni na. Juu yaab aakpaakool daal, le bi koo kal mmeen aadiik ni.

Lituln 13:14 Iomraidhean Croise

Tibɔnyaan ti Luk ŋmee ti na 4:16

Le Yisa nan jon Nazarif, nan yaan wee bi nan wubiri u, u buwaan nin nan. Le likpakɔɔl daal nan foo, le u kɔɔ kuwonjiɛndiigin, ke waah pii ti kɔɔ man nin, ki nan fii ke un karin Uwonbɔr a gbɔŋ.

Lituln 13:42

Pɔɔl nin Banabasi kaah nyan kuwonjiɛndiig nmɔn yaan nin, le bininfob nmɔn balin bi ke bin pɔɔn biba wee ki nan jirin likpakɔɔl daal lan chaan nin, ki nan wɔɔn bi tibɔr nmɔn ki kpiɛ.

Lituln 13:44

Likpakɔɔl daal lan paan nin a daal kaah nan nan foo, ni nan gur wama le nin kitiŋ nmɔn a ninfob biɛn n dan ki nan gbir Uyudaan a bɔr.

Lituln 13:46

Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban.

Lituln 13:5

Baah nan foo Salami nan, le bi kɔɔ Juu yaab a wonjiɛndirin le ki mɔɔn Uwonbɔr a bɔr ki tenn bi. Jɔnn le nan be bi ban ki ter bi.

Lituln 14:19

Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Lituln 16:13

Likpakɔɔl daal le ti nɔɔ nyan kitiŋ nmɔn a timansanmɔnn ki jon nkpenn, ti nan ban nan yaan wee ti li miɛ Uwonbɔr le. Le ti kal ki piin ki pag tenn bipiib ban nan lagin niin nmɔn.

Lituln 17:2

Le Pɔɔl tan kɔɔ niin ke waah pii ti kɔɔ man ni. U nan ta ipkakɔɔ itaa le ki be niin, ki wɔɔn bi Uwonbɔr a gbɔŋin a taai,

Lituln 18:4

Le likpakɔɔl daal biɛn ke Pɔɔl n kɔɔ kuwonjiɛndiigin, ki far Juu yaab nin Girig yaab limɔkpel ki ban bin chee u bɔr tan wee u pag tenn bin.

Lituln 19:8

Pɔɔl nan be Juu yaab a wonjiɛndiigin iŋmal itaa le, ki pag Uwonbɔr a bɔr ki tenn bi nin lipoobil, ki pɔɔn uba ke un kpenn bi potiɛl ki jiin Uwonbɔr a naamin paam.

Lituln 9:20

Libol nmɔn le u piin ki mɔɔn Yisa a bɔr tiwonjiɛndirin, ke Yisa ye Uwonbɔr a Big le.

2 Timoti 3:11

nin baah mugirim man, nin n fala a jim, nin tiwann tan biɛn nan kam Antiɛg, nin Ikoniɛm nin Lisitira, nin maah nan pɔɔn nba ki kan limugil lan. Nin ni ma biɛn Uyudaan nan nyan ma.