Lituln 12:7 - UWONBƆR A GBƆNPƆŊ LIKƆƆNL

⁷ Libol nmɔn le Uyudaan a malaka degirin, le nwonween wonn kuloondiig nmɔn yaan. Le u dam dam Piita a bɔsipar ki fiin u, ki bei u ke, “Fii weema.” Le tikulorin pir ki lu.

Uwumbɔr aagbaŋ

⁷ Kinyeek ngbaan, le Tidindaan aatuun dan ki nan sil u chee. Le nwiihn woln kidiik ponn ni. Le u gbaa finn Piita, ki bui u ke, “Fii sil mala mala.” Waah len kina na, le tikululn ngbaan chuu leer lir.

Lituln 12:7 Iomraidhean Croise

Matiu 2:13

Baah nan kun a bɔɔn le Uyudaan a malaka nan dan Josef ban tidindɔgin nin, ki bei u ke. “Fiim ki ta kibiliɛg nmɔn nin ki na ki li gu chaa Ijibir a tiŋin na, hali nin maah na li yin ni, nan bu-n ubɔr Herɔd yin ban kibigin a bol le un ku ki.”

Tibɔnyaan ti Luk ŋmee ti na 2:9

Le Uyudaan a malaka nan degir bi bu. Le Uyudaan nmɔn a pag a weem wonn bi bu. Le bijawaam nan choo bi takpem.

Tibɔnyaan ti Luk ŋmee ti na 24:4

Baah nan si kaa ji nyi baah tiɛr man nin, le libol nmɔn yaan bijab bilee ban nan yee tiwanpenn tan nyagin nan sir bi ban.

Lituln 10:30

Le Kɔnelu jiin u ke, “Ni ween ina sɔ dinan, le n nan be miɛ Uwonbɔr n niin nan a yoo bu, njɔween paam a kur titaa. Libol nmɔn le n kan uja uba le u yee tiwann yɔɔr le ti nyagin ki nan sir n nintogil,

Lituln 12:23

Libol nmɔn le Uyudaan a malaka che kuwiɛnbirug choo Herɔd le igoor jin u le u kpo, waah kaa nan pagir Uwonbɔr nbu.

Lituln 12:6

Herɔd nan lol ke ni won njakpanyiɛn ke, u li nyan Piita ki ji u tibɔr, le Piita dɔ biguguub bilee a sisiigin ki jiɛn le bi ta tikulor tilee ki baan u, le ban guun nmɔn a ni bibam mu guu kuloondiigin a timansanmɔnn.

Lituln 12:8

Le malaka n bei u ke, “Yeem a wan yɔɔr ki tag a naatagiya.” Le Piita ŋa man. Le malaka n ji bei u ke, “Ta a kinkenl gaba ki li nɔɔm ni.”

Lituln 16:26

Libol nmɔn le kitiŋ dam, le kuloondiig nmɔn a fiɛl tɔɔl nan dam dam. Le tidir a timansanmɔɔŋi loor nba bu, le baah nan baan bi tibaandaar tan ni choo gɔgir lu.

Lituln 2:24

Amaa, le Uwonbɔr fiin u nkumin ki nyan u nkum a nan wii ni, nan bu-n nkum kaa jɔɔ npɔɔn man li fir ŋmag wi.

Lituln 5:19

Amaa lidaal a nyiɛg le Uyudaan a malaka jiirin ki nan loor kuloondiigin a naanganl, ki nyan itoon nmɔn niin.

Lituln 9:3

N-yonn man wee u nan chaa ki tan mal Damasiko nan, le nwonween nyan paab, ki jiirin ki nan wonn ki linn u.

Efesusi 5:14

nwonween le wonn niwann biɛn bu le ti ga. Mambu le ni sɔb Uwonbɔr a gbɔŋin ke, “Fin wan dɔ jiɛn nan, ligira, fii nkumin na, wee Masiya a wonweem nwonn a bu.”

Hiibru Yaab 1:14

Naa ye malakam biɛn ye nnaam ban tun itoon le ki tenn ban biɛn yin kan nŋmarimin naa?

Tibɔkpiirkaan 18:1

Ni bɔɔn bu le n ji kan malaka kaah nyan paab ki chaa jiirin. U nan jɔɔ tininkper a pɔɔm takpem. Le u wonweem man nyan u ni wonn dulinya biɛn bu.