Lituln 1:8 - UWONBƆR A GBƆNPƆŊ LIKƆƆNL

⁸ Amaa ni li kan npɔɔn n-yonn man wee Kasi a Naaŋin li jiirin ni bu-n, le ni na li ji n siɛra Jerusalam nin Judiya a timin biɛn nin Samariya nin dulinya nan a logi nan biɛn.”

Uwumbɔr aagbaŋ

⁸ Waafuur Nyaan yaa nan gbiin nimi kan, ni ga li kpa waapɔɔn, ki ga li ye maaseeraadam Jerusalem ponn ni, ni Judea aatim mɔmɔk ni, ni Samaria aatim ni, ni dulnyaa aanaan mɔmɔk ni.”

Lituln 1:8 Iomraidhean Croise

Matiu 24:14

Le bi na li mɔɔn paab a naam nan a bɔŋann ilog biɛn nin ki ŋa siɛra ki sei ibol biɛn wee dulinya a diɛmin nin foon.

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Tibɔnyaan ti Mak ŋmee ti na 16:15

Le u ji bei bi ke, “Ni li chaa ki tan mɔɔn tibɔŋann nmɔn ki wɔɔn uninfo biɛn, kutingbɔŋ nan yaan biɛn na.

Tibɔnyaan ti Luk ŋmee ti na 1:35

Le malaka n bei u ke, “Kasi a Naaŋ li jiirin a bu, Uwonbɔr wan be paab nan a pɔɔm li biin a bu. Ni ma bu ŋaah li maa kibig kan nan yin ye kasi daan le, le bi li yin u Uwonbɔr a Bija.”

Tibɔnyaan ti Luk ŋmee ti na 10:19

N sei ni tininkper a pɔɔm man wee ni li taa iwaa nin inɔɔn bu, ki nyaŋ kidataag Sintani a pɔɔm biɛn; niba kaa li ŋaa ni.

Tibɔnyaan ti Luk ŋmee ti na 24:29

Amaa le bi nan bei u nin inunman ke, “Paar ti ban na, nan bu-n nween lu; le ni nin be nin bɔŋ le.” Le u nan nɔɔ bi ki kɔɔ ki tan be bi ban.

Jɔnn 15:27

Ni ye ni mu nji n siɛra le, nan bu-n ni be n ban le npiinimin na.

Lituln 1:22

naah nan nyan Jɔnn Wan nan Fu Bininfob Uwonbɔr a Nyunfulin ki tan kpaa iyoo yan wee Uwonbɔr nan nan ta Yisa ki don papaab ki sin jiɛn ti-n. U daan le ye wan nan jin Yisa a kum a fiim a siɛra ki kpiɛ ti bu.”

Lituln 1:5

Nan bu-n Jɔnn fun ni nnyum le, amaa naa li yuuri ni li gbee nin Kasi a Naaŋ.”

Lituln 13:31

le ban nan nɔɔ u ki nyan Galilii ki chaa Jerusalam nan, ni nan ga u le idaa biɛn. Daandaan nan bi ma nin ye u siɛra jib ki sei ti ninfob.

Lituln 2:32

“Yisa nmɔn le Uwonbɔr nan fiin u nkumin, le ti biɛn mu le ye u kum a fiim a siɛradam.

Lituln 22:15

A li ŋa u siɛradaau, ki li pag tenn bininfob biɛn ŋaah kan nan nin ŋaah gbir nan.

Lituln 3:15

Nim le ku limiɛfol daan nmɔn, amaa le Uwonbɔr fiin u nkumin. Le tim le ye ni siɛradam.

Lituln 4:33

Iyaayoo nmɔn le itoon nmɔn nan jin Uyudaan Yisa a kum a fiim a siɛra, nin npɔɔn takpen le Uwonbɔr a nyunyunbasanl takpem nan be bi biɛn bu.

Lituln 5:32

Tim nin Kasi a Naaŋin le ye ni nan a siɛradam, le Uwonbɔr ta U Kasi a Naaŋ nmɔn sei ban cheel U mɔb.”

Lituln 6:8

Daandaan nan, Sitifin uja wan wee Uwonbɔr a nyunyunbasanl nin u pɔɔm nan be u bu-n, u nan tun ligaril a siɛra nin lijinjeel a toon le bininfobin a sisiigin.

Lituln 8:1

Sɔɔl tɔɔl nan chee Sitifin a kum buu. Lidaal nmɔn le limugil takpenl nan dan biwonjiɛm a laguŋ kan nan be Jerusalam n bu, le bi biɛn nan nyan ki yal jon Judiya nin Samariya a tinbumin, ki jiɛn Yisa a toon n yaa binba nin yaan.

Rom Yaab 10:18

Amaa le n baan ke, “Baa gbiraa? Ibamɔn bi gbira: “Bininfob gbir bi kukɔl kutingbɔŋ nan a gbanann biɛn na, bi bɔr foo dulinya nan a tariga.”

Rom Yaab 15:19

Le ni ma ye siɛra nin ligaril a toon a pɔɔm nin Kinaaŋin a pɔɔmin. Ni bu naah nyan Jerusalam ki tan kpaa Dalimasiya a yerin, n mɔɔn Masiya a bɔŋann nin ki diɛ niin na.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.