Lituln 1:3 - UWONBƆR A GBƆNPƆŊ LIKƆƆNL

³ U fala a jim a bɔɔn, le u ta u baa ki wɔɔn bi ki jin siɛra takpem ke u fo. U nan degir bi bu ki be nin bi iweehn pina ki wɔɔn bi Uwonbɔr a naamin a bɔr.

Uwumbɔr aagbaŋ

³ Waah kpo ki fikr nkun ni na, le u di ubaa mɔk bi n‑yoonn n‑yoonn, le ki ti saa iwiin imonko ilee, ki mɔk bi chain ke u sil kpa limɔfal. Binimbil nan kan u. Le u len bi chee, ki tuk bi Uwumbɔr aanaan aah bi pu na.

Lituln 1:3 Iomraidhean Croise

Matiu 21:43

“Ni ma bu, n bei ni le nan, Uwonbɔr na li gaa u naam ni ban ki sei bininfob ban li lo mi looi.

Matiu 28:9

Baah nan chaa-n, libol nmɔn le Yisa kenn bi nsann ki ke, “N poor ni,” le bi dan, ki choo u taafar le ki jiɛn u.

Matiu 3:2

ki ke “Ni jiɛn tibira, nan bu-n paab a naamin a jim mala.”

Matiu 4:2

Waah nan lol bimɔb iweehn pina nin tinyiɛr pina-n a bɔɔn bu, le nkom nan choo u.

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Jɔnn 20:26

Iween ilile a bɔɔn U bɔɔnɔɔb ji nan be iniin le, le Tomasi nan be bi ban. Hali inaangan nan kpal le, amaa le Yisa kɔɔn ki nan sir bi sisiigin ki bei bi ke, “Nposɔɔn li be nin ni!”

Jɔnn 21:1

Ni bɔɔn bu, Yisa ji nan degir u bɔɔnɔɔb bu Tiberiya a mɔgilin. Naah nan tun man sɔ:

Jɔnn 21:14

Ni niɛ nan le nan kpiɛ nfimitaa le Yisa degir u baa u bɔɔnɔɔb ban, waah nan fii nkumin a bɔɔn.

Lituln 13:31

le ban nan nɔɔ u ki nyan Galilii ki chaa Jerusalam nan, ni nan ga u le idaa biɛn. Daandaan nan bi ma nin ye u siɛra jib ki sei ti ninfob.

Lituln 19:8

Pɔɔl nan be Juu yaab a wonjiɛndiigin iŋmal itaa le, ki pag Uwonbɔr a bɔr ki tenn bi nin lipoobil, ki pɔɔn uba ke un kpenn bi potiɛl ki jiin Uwonbɔr a naamin paam.

Lituln 28:23

Le bi nan siin lidaal lan wee bi li jir u ban, le bininfob takpem nan lagin u niin kɔɔ kaai nmɔn yaan le u piin ki wɔɔn bi Uwonbɔr a naam a bɔr njakpanyiɛn ki tan kpaa kujɔɔg, ki wɔɔn bi Yisa a bɔr tan be Moziz a siimin yaan, nin Uwonbɔr a linlem a sɔbimin kaah ye man ki gbaar un kpenn bi potiɛl wee bin ŋa Yisa yada.

Lituln 28:31

U nan mɔɔn Uwonbɔr a naamin a bɔr le, ki wɔɔn bininfob Uyudaan Yisa Masiya a bɔr nin lipoobil le uba kaa ŋɔɔr wi.

Lituln 8:12

Amaa Filib kaah dan ki nan wɔɔn bi Uwonbɔr a naam a bɔŋann nin, nin Yisa Masiya a yinlin, bijab nin bipiib nan ŋa u yada, le u fun bi Uwonbɔr a nyunful.

Rom Yaab 14:17

Nan bu-n Uwonbɔr a naamin kaa ye tijikaar nin tiwann nyuwann a bɔri, amaa mi ye nbuchin binben le, nin nposɔɔn, nin nmɔn Kasi a Naaŋin yaan,

Kolosiya 1:13

Nan bu-n U fee ti libunbɔnl a pɔɔmin na, le ki ta ti ki kɔɔn u bijiɛkaag a naam a yerin nin,

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

1 Jɔnn 1:1

Wan nan be npiinimin, wee ti gbir u bu-n, wee ti num kan win, le ti lig u, hali ki ta ti nɔɔi maa win, uma le ti mɔɔn ki jiin u paam ke u ye limiɛfol a mɔbonl le.