Filipi 4:3 - UWONBƆR A GBƆNPƆŊ LIKƆƆNL

³ Ni ye ibamɔn le n bei nim ban ye n naajadaag tug tab bamɔm nan, ni ter bipiib ban pɔɔn biba ki kpiɛ n bu wee ti mɔɔn tibɔŋann nan na, nin Kilɛmenn nin ban biɛn ye n toontunn tabin, wee bi yin be limiɛfol a gbɔŋin yaan nin.

Uwumbɔr aagbaŋ

³ Maatutuŋeer bamɔnn, m mee aa mu, ter bipiib ngbaan; ba pu? bi ni Klement ni maatutuŋeerb biken nan tun lituln linimaln m chee, ki ter mi m tuk binib Yesu aabɔnyaan tee. Baayimbil ŋmee limɔfal aagbaŋ ki bi paacham na ni.

Filipi 4:3 Iomraidhean Croise

Tibɔnyaan ti Luk ŋmee ti na 10:20

Amaa ni laa che ni mɔ ni nnaanbiim kaah chee ni mɔbin a binba bu, ni che ni li mɔ na ni yin kaah sɔb dɔ Uwonbɔr a niin nin bu.”

Rom Yaab 12:1

Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Rom Yaab 16:12

Poor Tirafena nin Tirafosa, bipiib ban tun itoon nin linunmanl ki sei Uyudaan nin na. Poor n jɔ kpaarimɔɔn Perisi, upii wan mu ji nan tun itoon nin linunmanl ki sei Uyudaan nin na.

Rom Yaab 16:9

Poor Uribanusi, wan ye ti toon tun kpiɛg Masiya ni-n, nin n jɔ kpaarimɔɔn Sitachisi.

Filipi 1:12

N nabum, n ban ni biɛ ke niwann nan ŋaam nan bu le che tibɔŋann nmɔn fir mɔɔn.

Filipi 1:16

Ban tun nin njiɛmin bi ma nyi ke Uwonbɔr le taam ŋa do ke n ji tibɔŋann nan a siɛra.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Filipi 1:5

nan bu-n naah terim man tibɔŋann nmɔn a toon yin npiinim ki nan kpaa daandaan nan,

Filipi 1:7

Ni ŋan nin maah tiɛr ni biɛn nan bu, naah be n sufu-n nin bu; maah be libaalin bee maah pag ki wɔɔn ki mann tibɔŋannin, ni biɛn nan por Uwonbɔr a nyunyunbasanlin nin ma.

Filipi 4:2

N balin Yuwodiɛ le ki balin Sintiche ke, Uyudaan bu bin pɔɔn biba ki li jɔɔ nmɔkpaau.

Kolosiya 1:7

Ni nan tinn Uwonbɔr a nyunyunbasanl nmɔn ti toontunn kpiɛg Epafarasi wan wee ti ban win ban le, wan sir ti taalin ki ye Yisa a toontunnu wan si bogil liba-n,

Tibɔkpiirkaan 13:8

Bininfob ban biɛn be dulinya nan yaan wee bi yin kaa sɔb ŋa Kipeebig kan wee bi nan ku-n a miɛfol a gbɔŋin yaan dulinya nan a piimin nin, bi biɛn nan yin jiɛn kuwanbiig nmɔn le.

Tibɔkpiirkaan 17:8

Kuwanbiig kan wee a kan nin, nan be le, le kaa ji be daandaan nan ni, le ki na li nyan libogil lan nyɔɔ n-yaan ki jo nan yaan wee bi li bii u. Le kutingbɔŋ yaab ban a yin kaa sɔb be limiɛfol a gbɔŋin n-yaan dulinya a piinimin nin, bi nan kan kuwanbiig nmɔn ke ni li gar bi, nan bu-n u pii nan be, le kaa ji be daandaan nan nin, le ki ji na li dan.

Tibɔkpiirkaan 20:12

Le n kan bitakpiib, ban gbee bitakpiib nin ban kaa gbee bitakpiib kaah si kunaangbɔŋin a nintogil, le tigbann kpaar. Le kugbɔŋ kuba mu ji kpaar, ki ma ye limiɛfol a gbɔŋ. Le bi jin bi tibɔr baah tun nan wee Uwonbɔr sɔb ŋa tigbann nmɔn yaan nin.

Tibɔkpiirkaan 20:15

Ni ye wan a yinl kaa nan sɔb ŋa limiɛfol a gbɔŋin yaan ke, bi nan ti ta u le ki gab nŋmi a mɔgilin yaan.

Tibɔkpiirkaan 21:27

Le niwann nan biɛn jɔɔ tijaginn bee ban biɛn tun ifa bee kularug a toon kaa na li kɔɔ kitiŋ nmɔn yaan ni, amaa ban a yin sɔb be Kipeebigin a miɛfol a gbɔŋin a binba.

Tibɔkpiirkaan 3:5

Wan fir nyaŋ ke u li yee tiwanpenn ke baah yee man nin. Maa li nyan udaan a yinl limiɛfol a gbɔŋin yaan ni, amaa le ki na li tiɛr u yinl n Baa nin U malakam a nintogil.