Filipi 3:12 - UWONBƆR A GBƆNPƆŊ LIKƆƆNL

¹² Naa wɔɔn ke min nyaŋ ni niɛ biɛn le, bee min yaa binbem ŋan ki tan diɛ, amaa n pɔɔn nba le ki gbaar n choo nan bu wee Masiya nan choo min.

Uwumbɔr aagbaŋ

¹² Maa len ke m fuu Yesu aah ban pu na, kaa len ke m ye unii u ŋan ti doo na. M pɔɔni mbaa ke m li bi Yesu Kristo aah ban ke m li bi pu na; ba pu? u gaa mi ki ŋa mi waanii la.

Filipi 3:12 Iomraidhean Croise

Matiu 5:48

Mambu, ni li be nbamɔm ke ni paab a Baa kaah be man ni.

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Rom Yaab 8:39

kaa ye nkpikper bee nnyunyɔɔni, kaa ye tiwann yɔɔr tan be tiwann naan wann nin biɛn ni, ni ba kaa be ki li fir bɔgir ti nyan Uwonbɔr a jiɛm man be ti Yudaau Masiya ni-n yaan ni.

1 Korenti 13:10

Amaa nnyinyin man gbeen nin nan dan ke, nnyinyin man kaa gbeen nin biɛn li fɔɔr.

1 Korenti 13:12

Daandaan nan ti ga amaa nin nann taah lig niɛnu le, taa ga nbamɔmi; amaa n-yonn chaan le ti na li kan nbamɔm nin nnumbim. Daandaan nan n nyi wama le amaa n-yonn chaan le n na li biɛ ni biɛn ke Uwonbɔr kaah nyim biɛn man ni.

1 Korenti 9:24

Naa nyi ke bitaaguum gu ke, utaaguun uba kpeŋileŋ le yin guun ki ji ki gaa tiyɔraa? Ni bu, ni li gu nin inunman na wee ki gaa tiyɔr.

2 Korenti 13:9

Ni mɔ ti le n-yonn man wee ti jɔɔ idaburig amaa wee nim pɔɔ ke; ti wonmiɛl ye nan li mann ni le.

2 Korenti 7:1

A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

Galantiya 5:17

Tigbanann kaah ban nan nin kaa chee sei kinaaŋ kaah ban nan nin ni, le kinaaŋ mu kaah ban nan nin kaa chee sei tigbanann kaah ban nan nin ni. I kɔn nin tab le, ni ma le che naa fir tun naah ban nan ni.

Efesusi 1:4

Uwonbɔr kaah kaa la nan naan dulinya n-yonn man nin, le U nan gann tim ke ti li be kasi ki laa jɔɔ igalin U ban ni. U jiɛm bu,

Efesusi 4:12

U nan ŋa ni niɛ nan ke un mann Uwonbɔr a ninfob biɛn le wee bin fir tun Uwonbɔr a toon ki che Uma Masiya a gbanann n maa ki do.

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

Filipi 3:16

Ni le yin che ti li be nin taah nan kan nan nin.

Filipi 3:3

Tim le ye ban gaa ibamɔn a pun jiil nmɔn, tim ban jiɛn Uwonbɔr kinaaŋin nin, le ki jɔɔ jilima taah be nin Masiya n bu, tim kaa jɔɔ tidindann tigbanann bu,

Filipi 3:8

Ni la yab ki jon ni tɔɔ, maah ta niwann biɛn gab nin maah gaa Masiya n yudaau wan jɔɔ tinyɔɔr ki jon niwann biɛn nin, uma bu le n ta niwann biɛn gab. Min ban ke ni ye lifatanpol a mɔɔr le naah li ŋa man wee n fir ki gaa Masiya,

1 Tesalonika 5:15

Ni laa che uba nta tibir ki yɔ tibiri, amaa ni pɔɔn niba ki li jɔɔ nbinben ŋan nin tab nin uninfo biɛn.

2 Tesalonika 2:13

Ni ye ti le li poor Uwonbɔr le iyoo biɛn ni bu, n nabum, nim ban wee Uyudaan jiɛ, nan bu-n npiinimin Uwonbɔr nan gann ni le ke ni kan nŋmarim Kinaaŋin a pɔɔmin ki ŋa ni u kasi a ninfob nin naah ŋa ibamɔn nin yada-n.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

1 Timoti 6:19

Bi ŋa man ke, bi li bil lifaal ki sei biba lan ye lifiɛl lan pɔɔ ki guu n-yonn man chaan nan, wee bin nan fir kan limiɛfol lan ye ibamɔn a miɛfol.

Hiibru Yaab 12:14

Ni pɔɔn niba ki li jɔɔ nposɔɔn nin bininfob biɛn wee ki li be kasi; naa jɔɔ kasi a binbem ke uba kaa li fir kan Uyudaan ni.

Hiibru Yaab 12:23

ni foon biwonjiɛm ban ye nbininkpeemin ban na, ban a yin sɔb dɔ papaabin. Ni foon Uwonbɔr, wan ye bininfob biɛn a bɔjiru win ban na, bininfob buchim ban a naaŋ ŋa kasi,

Hiibru Yaab 13:21

un sei ni nan ŋan biɛn wee ni ta tun u bam, ki che ni tinn nan li gbee u num, Yisa Masiya, wan ŋan nin npagim iyoo yan kaa jɔɔ ndiɛm bu. Ibamɔn.

Jemisi 3:2

Tiwann takpemin, ti biɛn tun ki bura. Ni ye uba kaa nyi ki pag burin u pipagirin ke, u yaadaan ye kasi daan le, ki li fir ŋmag u gbanann nbamɔm.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.