Filipi 2:6 - UWONBƆR A GBƆNPƆŊ LIKƆƆNL

⁶ U jɔɔ Uwonbɔr a nunaŋ le, amaa waa tiɛr ke un ta u ba kpaag nin Uwonbɔr bee niwann nan wee u li choo,

Uwumbɔr aagbaŋ

⁶ U bi ke Uwumbɔr aah bi pu na. U mu aa dak ke ni ye limukl ke u ni Uwumbɔr li ŋak.

Filipi 2:6 Iomraidhean Croise

Matiu 1:23

“Lig! Usapɔɔn wan kaa nyi uja na li choo lipool ki maa kibijag, le bi na li yin u yinl ke Imanuel.” Ni taai le ye, “Uwonbɔr be nin ti.”

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 10:30

Min nin n Baa ye nba le.”

Jɔnn 10:33

Le Juu yaabin jiin ke, “Taa gabiriŋ itangbag i ma bu, ŋaah sugir Uwonbɔr nbu, nan bu-n fin, usaal mu, nan ke fin ye Uwonbɔr.”

Jɔnn 10:38

Amaa ni ye ke n ŋa ni ke, naah kaa le ŋa min yada nan, ni ŋa ligarilin yadau, wee ni mann biɛ ke Baa-n be n ni, le n be Baa-n ni.”

Jɔnn 14:28

“Ni gbir maah ke, ‘N yin fɔɔr le ki ji jirin ni ban.’ Ni ye ke a jiɛm ke, a li jɔɔ nmɔn na, maah chaa Baa-n ban nin, nan bu-n Baa-n li yab ki jom.

Jɔnn 14:9

Le Yisa jiin ke, “Naa nyi maa, Filib, nin maah le nan be ni ban ni yuur man nan a bɔɔn naa? Wan biɛn kam ke u kan Baa-n na. Ni yin ŋa niin ki len ke, ‘Wɔɔn ti Baa-n’ naa?

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 20:28

Le Tomasi bei u ke, “N yudaau nin n Wonbɔru!”

Jɔnn 5:18

Yisa kaah nan len man nin bu le Juu yaab nan walin npɔɔn bu ke bin ku u; baa nan yin ku u ke waah bii likpakɔɔl daal a siimin a binba bu, amaa ke u le ji yi Uwonbɔr le ke u Baa, ki ke uma nin Uwonbɔr kpaa le.

Jɔnn 5:23

ke bininfob biɛn li tenn Bija-n jilima ke baah tenn Baa-n jilima nan nin. Wan kaa sei Bija-n jilima ke waa sei Baa wan nan tun win, jilima.

Rom Yaab 9:5

Bi yaab le ye ti yaajam ninkpeebin, ban nyan ti yaajamin a bolin nin Masiya tɔɔl nyan niin le u ninforin nin bu, U ma ye Uwonbɔr wan jon niwann biɛn, U ma kpaan npagim man kaa jɔɔ diɛm! Ibamɔn.

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

2 Korenti 8:9

Ni nyi ti Yudaau Yisa Masiya a nyunyunbasanl kaah ye man. U nan ye uwandaan le, amaa nim bu le u kpann faladaan, naah li ŋa man wee u fala nmɔn n che ni kpann biwandam.

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 1:6

Uwonbɔr kaah nan ta U bininkpeegin ki dan dulinya nan yaan nin, U ji nan len ke, “Che Uwonbɔr a malakam biɛn n jiɛn u.”

Hiibru Yaab 1:8

Amaa U bija-n ma paam U nan len ke, “A naangbɔŋin, Uwonbɔr aa, a yin gbaa be le hali nin iyoo yan kaa jɔɔ diɛmi, le a buchin li ye a naam a jaangbiɛg

Hiibru Yaab 13:8

Yisa Masiya kaah won be man won nin yaan nin, u le be man le dinan, u le yin gbaa be man le nin iyoo yan kaa jɔɔ diɛmi.

Tibɔkpiirkaan 21:6

Le u beim ke: “Ni ŋau. Min le ye Wan chinn nin Wan joor, Npiinim nin Ndiɛm. Nnyunyum kaah jɔɔ ban nin, n li sei bi limiɛfol a nnyum, man ye nnyunbunkaamin yɔli.