Filipi 2:5 - UWONBƆR A GBƆNPƆŊ LIKƆƆNL

⁵ Ni che ni binbem li be ke Masiya a binbemin:

Uwumbɔr aagbaŋ

⁵ Ni sunn nibaa taab man ke Yesu Kristo aah sunn ubaa taab pu na.

Filipi 2:5 Iomraidhean Croise

Matiu 11:29

Ta n daagin ki paan a ba bu, wee ki tinn n ban, nan bu-n n ye jiininbadaan le ki jɔɔ jiininba n sufu ni, wee ni naam nkan lifooril.

Tibɔnyaan ti Luk ŋmee ti na 22:27

Nan bu-n wan ka ji tijiir nin wan tol tijiir, ŋma ye uninkpel laa? Naa ye wan ka ki ji-n naa? Amaa n be ni sisiigin le ki nann utoontunn wan tol tijiirin.

Lituln 10:38

ni biɛn nyi Uwonbɔr kaah gbeen Yisa wan nyan Nazarif nan U pɔɔm man, ki sei u Kasi a Naaŋ nin npɔɔn nin waah nan choon ki tun itoon ŋan ki teb ban biɛn nan be ulinlarin a pɔɔmin ni, nan bu-n Uwonbɔr le nan be u ban.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Rom Yaab 14:15

Ni ye a nabig a sufu bii ŋaah ji tijiir tan nin bu ke, man ke ŋaa ji nɔɔ njiɛm a sami. Laa che ŋaah ji tijiir tan nin bii a nabig kan wee Masiya nan kpo u bu-n ni.

Rom Yaab 15:3

Ni ma bu hali Masiya kaa nan tun nan li gbee u tɔɔl a numi, amaa a li ke naah sɔb Uwonbɔr a gbɔŋin ke: “Tisugir tan wee bi sugiriŋin lu min bu le.”

Rom Yaab 15:5

Uwonbɔr wan tenn limɔril nin ngbananpɔɔn nin un sei ni nmɔkpaa a tinaaŋ wee ni li nɔɔ Masiya,

1 Korenti 10:33

Hali nin maah ban uninfo biɛn a num n gbeem nin niwann biɛn nin ni. Maa gbaar ban n yaa binba a ŋam bu amaa n gbaar ban bininfob biɛn a ŋam bu le, naah li ŋa man wee bin kan nŋmarim.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

1 Piita 2:21

Ni nan bu le Uwonbɔr nan yin ni, nan bu-n Masiya nan jin fala ni bu-u, ki wɔɔn ni limagil, ke ni li nɔɔ u tabogi ya.

1 Piita 4:1

Mambu, Masiya kaah nan jin fala u gbanann nin man nin, ni ŋaam sili ki li ŋmag u binbem nmɔn na, nan bu-n wan jin fala u gbanann nin nin diɛ tibir a manuga.

1 Jɔnn 2:6

Wan ke u be nin Uwonbɔr ke, ni kpaa le nin u li be ke Masiya kaah nan be man nin.