Filipi 2:3 - UWONBƆR A GBƆNPƆŊ LIKƆƆNL

³ Ni laa jɔɔ npooton a bam bee ki far igbingban ni, amaa ni li jɔɔ jiininba ki li tenn ni kpiɛtiib jilima ki jo ni ba.

Uwumbɔr aagbaŋ

³ Ni taa li kpa lipiipoln tɔb pu, ki taa li ban ke binib li pak nimi. Ni sunn nibaa taab man, ki li nyuŋni tɔb ki jer nibaa.

Filipi 2:3 Iomraidhean Croise

Tibɔnyaan ti Luk ŋmee ti na 18:14

Le Yisa ji mann bei bi ke, “N bei ni le nan, ulanpogaar n-yaa miɛm le Uwonbɔr nan chee le u nan kun, amaa naa ye Farasii a ninfou n ni. Uninfo wan biɛn don uba paab nan, le Uwonbɔr yin jiin u tum, le wan mu jiin uba tum nan, le Uwonbɔr yin don u paab.”

Rom Yaab 12:10

Ni ta ni baga ki ŋa kunabitiig a jiɛmin yaan. Ki li tenn tab jilima ki jon ni tɔɔl.

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

Rom Yaab 2:8

Amaa ban ban niwann biɛn li ye bi yaan, wee ki yii ibamɔn wee ki nɔɔ titoonbir a samin, Uwonbɔr a ŋuul yin fii bi bu le.

1 Korenti 15:9

Min le nan joor bɔɔn itoon nmɔn yaan kaa bi kpaan nin bi li yim ntoon ni, nan bu-n n nan mugir Uwonbɔr a ninfob le.

1 Korenti 3:3

Ni le la be le ke dulinya yaabin, ni la jɔɔ lipiiponl le nin limɔkpel ni sisiigin, ni toon kaa be le ke dulinya yaab a toon yaa?

2 Korenti 12:20

N lam yugir nin n dan wee kaa na yin kan ni maah ban ni li be man nni, wee ni mu kaa yin kam naah ban n li be man ni. N san bijawaam le nba ke limɔkpel na li be, bee lipiiponl, bee lijagaal, bee nbɔgirim bee kutingbiig, bee libɔɔnsul bee kalanbaani chɔgiŋ, nin kuŋmaruŋ.

Galantiya 5:15

Ni ye ni gbaa boo tab ki tenn tab ndam ke, ni li nyi ke ni li bii tab.

Galantiya 5:26

Ni laa che ti li jɔɔ kalanbaani nin tab, bee ki fiin tab a ŋuui, bee ki li jɔɔ linunchɔril nin tabi.

Efesusi 4:2

Ni jiin niba, ki li be soon, ki li jɔɔ limɔril nin njiɛm nin tab.

Efesusi 5:21

Ni taam ni ba ki sei taba ke naah tenn Masiya jilima man nin.

Filipi 2:14

Ni li tun niwann biɛn na ki laa ŋulin ni bee ki far limɔkpel nin tab bi,

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

Kolosiya 3:8

Amaa daandaan nan ni kpaa le nin ni choo ni ba nyan ni niɛ biɛn nin, ni ma ye liŋuul, nin kiŋuufiiŋ, nin kininaŋ, nin kutingbiig nin timɔleenbir tan nya ti mɔɔŋi yin.

1 Timoti 6:4

u ye kalanbaanidaan wan donn uba le kaa sin nyi niba. Ki ji ye wan a mɔsanyum sɔɔn, nin wan a sufu be limɔkpel a famin nin tibɔyɔɔr a pagimin, nin lipiiponl lan jɔɔ nbɔgirim chaan ki che taa nyi ki biɛn tab,

1 Piita 3:8

Nan joor, ni biɛn li jɔɔ nmɔkpaau wee ni baga li be tabin na; ni li jogir taba, ki li jiɛ tab ke nnabumin, ki li san tab kunyunyunbaag nin jiininba.

1 Piita 5:5

Binaachipɔm, man mu li ye ni, ni li jɔɔ limɔcheel ki tenn ban jon ni. Ni biɛn, ni ta jiininba ke tiwann yɔɔr tan wɔɔn ke ni jɔɔ jiininba ki sei tab, nan bu-n, “Uwonbɔr yiin kalanbaanidam le, amaa le ki san jiininbadam kunyunyunbaag.”