Filipi 2:2 - UWONBƆR A GBƆNPƆŊ LIKƆƆNL

² ni bi li mɔŋim pam ni ye ni potiɛl bi nann tab, wee ni jɔɔ njiɛm nba, ki jɔɔ kinaaŋ kiba nin ibonn iba.

Uwumbɔr aagbaŋ

² nima pu na, ni li kpaan kimɔbaan, ki li gee tɔb, ki li kpaan nlandak mbaa. Ni yaa ŋa kina kan, m ga li kpa mpopiin mbamɔm.

Filipi 2:2 Iomraidhean Croise

Jɔnn 3:29

Lipiichanil daan li ye upii wan wee bi chann ni. Lipiichanil daan a jɔ wan dan u ban nin si guu u le ki sin pelig, le ki nan gbir Lipiichanil daan a kukɔl ke u pool nsɔŋ. Nposɔɔn nmɔn ye n yaan le, mambu n gbee nin nposɔɔn na.

Lituln 1:14

Bi biɛn nan ti lagin tab le nin bipiib biba nin Yisa a na Meri, nin Yisa a watiib, ki miɛ Uwonbɔr nin potiɛl liba kaa peri.

Lituln 2:1

Kuchiig kan wee bi yi ki ke Pentikosi a daal kaah nan nan foo-n, bi nan lagin be bogiliba le.

Lituln 2:46

Lidaal biɛn bi lagin iwonjiɛn niin a loob le ki jiɛn Uwonbɔr, ki lagin tab bi niin ki ji tijiir, ki jɔɔ nmɔn nin ibamɔn nin tab,

Lituln 5:12

Itoon nin nan tun ligaril a siɛra nin lijinjeel a toon le takpem bininfobin a sisiigin. Biwonjiɛm biɛn nan ti lagin tab Solomɔnn a dɔŋin le.

Rom Yaab 12:16

Ni li be nin tab nin nmɔn na. Ni laa jɔɔ kalanbaani; amaa ni chee ki li be nin bilanjiima. Ni laa wɔɔn ni biɛmi.

1 Korenti 1:10

N nabum, n balin ni le ti Yudaau Yisa Masiya a yinlin, ke ni biɛn chee sei taba wee nbɔgirim laa be ni sisiigin ni, wee ni li jɔɔ nmɔkpaa man pɔɔ nin lipotiɛl liba.

2 Korenti 13:11

Ni joorimin n nabum, n chabir ni le, ni li ban nbinben ŋan na, ni gbirim maah len nan nan, ni li jɔɔ lipotiɛl libau, ki li be nin nposɔɔn, le Uwonbɔr wan jɔɔ njiɛm nin nposɔɔni li be nin ni.

2 Korenti 2:3

Ni bu le n nan sɔb kugbɔŋ nan ke, maa ban n dan ki nan kan npoobiin ban bi li che ni li mɔm n ban ni. N jɔɔ tidindann ni biɛn nan bu, ke ni biɛn na li ji n mɔm.

2 Korenti 7:7

Naa ye u dam n-yaa binba le nan sɔŋ ti sufu, amaa lisufusɔŋil lan wee ni nan ta sei u nbu. U nan bei ti naah ban ni kam man na, ni poobiim nin ni baga kaah be n ni man, naah li ŋa man wee nin mɔŋim ki jo naah nan mɔm man ni.

Filipi 1:4

Iyoo biɛn ni ye n miɛ Uwonbɔr ki tenn ni biɛn nan ke, n miɛ nin nmɔn le,

Filipi 2:16

ke naah ta limiɛfol a bɔr wɔɔn bi man nin, naah li ŋa man wee n li fir fa ligbingbanl Masiya a jirin daal ke n taguunl nin n baginn kaa gab yɔli.

Filipi 2:20

Maa ji jɔɔ uba ki kpiɛ u bu, wee u baga sin be ni ni ibamɔn nin.

Filipi 4:2

N balin Yuwodiɛ le ki balin Sintiche ke, Uyudaan bu bin pɔɔn biba ki li jɔɔ nmɔkpaau.

Kolosiya 2:5

Nan bu-n, hali maah kaa be ni ban nin tigbanann ni, n be ni ban kinaaŋin le ni mɔm, le ban n kan naah si nbamɔm man nin naah ŋmag ni yada-n man kenken Masiya ni.

2 Tesalonika 2:13

Ni ye ti le li poor Uwonbɔr le iyoo biɛn ni bu, n nabum, nim ban wee Uyudaan jiɛ, nan bu-n npiinimin Uwonbɔr nan gann ni le ke ni kan nŋmarim Kinaaŋin a pɔɔmin ki ŋa ni u kasi a ninfob nin naah ŋa ibamɔn nin yada-n.

2 Timoti 1:4

N nan tiɛr a nyinyinn mɔɔŋin bu ke, ni ban n kaŋ le wee nin mɔŋim.

Filemonn 1:20

N na big, n bi ban ke n kan tinyɔɔr tiba le a ban ti yudaau bu; pɔŋ n sufuu Masiya ni.

2 Jɔnn 1:4

Ni seim nmɔn takpen le maah kan ke a buwaab biba nɔɔ ibamɔn a samin, ke ti Baa kaah siin ti man nin.

3 Jɔnn 1:4

Maa jɔɔ npopeen niba bu ki lagir nin maah gbir ke n buwaab nɔɔ ibamɔn a samin ni.