Filipi 1:5 - UWONBƆR A GBƆNPƆŊ LIKƆƆNL

⁵ nan bu-n naah terim man tibɔŋann nmɔn a toon yin npiinim ki nan kpaa daandaan nan,

Uwumbɔr aagbaŋ

⁵ bundaln ni nan gaa Yesu aabɔr ki nan saa din na, ni ter mi ke m tuk binib waabɔnyaan tee la.

Filipi 1:5 Iomraidhean Croise

Lituln 2:42

Le bi nan ta bi saŋi ki tinn itoon nmɔn a wɔɔm ki jɔɔ nɔɔ nin tab, ki lagin ji tijiir, ki lagin tab ki miɛ Uwonbɔr.

Rom Yaab 11:17

Ni ye Uwonbɔr gaa kisiig nmɔn a bon iba par ke, wee nim ban ye olif a siigin yan pan itɔɔl wee bi gaa isiig iba ki nan tugin ni wee ni nyu ni pɔɔm nya olif a siigin yaan nin,

Rom Yaab 12:13

Ni li por naah jɔɔ nan ki tenn Uwonbɔr a ninfob ban ye bilanjiimin na. Ki li ŋaan bininfob tiŋann na.

Rom Yaab 15:26

Nan bu-n Masedoniya nin Akaya yaab nan jɔɔ nmɔn ke bin chaar ki sei biwonjiɛm ban nan ye faladam ki be Jerusalam.

1 Korenti 1:9

Uwonbɔr wan yin ni ke ni li jɔɔ nɔɔnintab nin U bija Yisa Masiya wan ye ti Yudaau win, U ye yada daan le.

2 Korenti 8:1

Daandaan nan ti nabum, ti ban ni biɛ Uwonbɔr kaah san Masedoniya a wonjiɛm a laginn kunyunyunbaag man le.

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

Filipi 1:12

N nabum, n ban ni biɛ ke niwann nan ŋaam nan bu le che tibɔŋann nmɔn fir mɔɔn.

Filipi 1:16

Ban tun nin njiɛmin bi ma nyi ke Uwonbɔr le taam ŋa do ke n ji tibɔŋann nan a siɛra.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Filipi 1:7

Ni ŋan nin maah tiɛr ni biɛn nan bu, naah be n sufu-n nin bu; maah be libaalin bee maah pag ki wɔɔn ki mann tibɔŋannin, ni biɛn nan por Uwonbɔr a nyunyunbasanlin nin ma.

Filipi 2:12

Ni ma bu n jɔtiib, naah jɔɔ limɔcheel n-yonn man wee n be ni ban nin, ni le li jɔɔ limɔcheel nmɔn n-yonn man wee maa nan be ni ban na, ni tugir ki li tun ke bininfob ban kan nŋmarimin ki li san bijawaam ki li jegila.

Filipi 2:22

Amaa ni tɔɔl nyi Timoti kaah pɔɔn u ba man, nan bu-n u be ke kibijag kaah be u baa a nintogil man nin le, u terim le tibɔŋann nmɔn a mɔɔnimin.

Filipi 4:3

Ni ye ibamɔn le n bei nim ban ye n naajadaag tug tab bamɔm nan, ni ter bipiib ban pɔɔn biba ki kpiɛ n bu wee ti mɔɔn tibɔŋann nan na, nin Kilɛmenn nin ban biɛn ye n toontunn tabin, wee bi yin be limiɛfol a gbɔŋin yaan nin.

Filemonn 1:17

Ni ma bu ni ye a nyi ke n ye a toontunn kpiɛg ke, gaa mu ke ŋaah bi li gaam man nin.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.