Filemonn 1:6 - UWONBƆR A GBƆNPƆŊ LIKƆƆNL

⁶ N miɛ Uwonbɔr le ke a li tun nin linunmanl ki li por yada kan wee a jɔɔ-n, wee nin che a biɛ nbamɔm niwann ŋan nan biɛn wee ti jɔɔ Masiya ni-n.

Uwumbɔr aagbaŋ

⁶ Saah tii Kristo naadii pu na, le aa nyi tiwanyaan nimɔk ti kpa u pu na, le m mee Uwumbɔr ke nima le ga cha aa yakr tiwanyaan ngbaan tii biken.

Filemonn 1:6 Iomraidhean Croise

Matiu 25:16

Wan nan gaa miŋmu-n nan nyan le weem ki tan ta piin kpoŋkpoŋ, ki kan tinyɔɔr salima a bɔɔlim miŋmu ki kpiɛ i bu.

Matiu 5:16

Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.

1 Korenti 14:25

Iyaayoo le u sufu ni a bɔwoonkaar biɛn li nyan npaan ni, le un gbaan tum ki jiɛn Uwonbɔr ki len ke, “Uwonbɔr sin be nin ni.”

1 Korenti 16:9

nan bu-n itoon takpem a naanganl loor le ki seim nin n tun, amaa le bininfob takpem mu kaa chee seim nin n tun ni.

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

Kolosiya 1:9

Ni niɛ nan bu, lidaal lan wee ti gbir ni bu-n, taa ta Uwonbɔr a miɛm ni bu ki jiɛn ni, le ki le miɛ Uwonbɔr ke Un gbeen ni nnyinyin man ye u bam ki sei ni kinaaŋ a lam nin nbiɛm.

Kolosiya 3:10

ki yee nbinben pɔɔn le, nbinbem nmɔn le Uwonbɔr pɔŋir mi nin nyinyimin le mi nann uma wan naan min.

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

Jemisi 2:14

N nabum, ni ŋam ye baa, ni ye uninfo ke u jɔɔ yada wee u yada nmɔn kaa tun itoon ke, yada nmɔn a bosu li fir fee u jaa?

Jemisi 2:17

Ni ye man le, yada a ŋaam a binba wee yada nin itoon kaa nɔɔ tab ke, yada kpiiŋ le yen.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 3:1

Nim biniinpiib, man mu le ye ni, ni li cheel ni chiɛb a mɔɔŋi ya, ni ye bi ni uba kaa ŋa Uwonbɔr a bɔr yada ke, ni binbem bu bi li ŋa yada, ke naa kpaa talar nin ni pag niba gbaa,

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.

2 Piita 1:8

Ni ye nbinben ŋan nan a bosu magir ni ki kpiɛ ke, mi li che naa li walin gurin bee naa li ye ban kaa jɔɔ nyɔɔri, ni biɛm ti Yudaau Yisa Masiya ni.