1 Jɔnn 3:2 - UWONBƆR A GBƆNPƆŊ LIKƆƆNL

² N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

Uwumbɔr aagbaŋ

² Maanigeekaab, dandana wee ti ye Uwumbɔr aabim la. Taa kee nyi taah ga nan li bi pu na. Ti po nyi ke Yesu yaa nan gir ni kan, ti ga kan waah bi pu na. Nima pu le ti mu ga li naahn u.

1 Jɔnn 3:2 Iomraidhean Croise

Matiu 5:8

Tikaar be ban a sufu be kasi nan bu, nan bu-n bi ma na li kan Uwonbɔr.

Tibɔnyaan ti Luk ŋmee ti na 17:30

“Lidaal lan wee min Uninfosaal a Big na li kpiirin ni, ni na yin ye man le.

Tibɔnyaan ti Luk ŋmee ti na 20:36

le baa ji na li kpo; nan bu-n bi na yin nann malakam le. Bi ye Uwonbɔr a buwaab le, baah ye nkum a fiim a buwaabin bu.

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Jɔnn 11:52

le naa ye bi bol a binba bu, amaa Uwonbɔr a bum ban yaalin, ke un lagin bi bogil liba wee bi ŋa ninfo uba.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Rom Yaab 8:16

Uwonbɔr a Naaŋin tɔɔl le jin siɛra ti naaŋin ke ti sin ye Uwonbɔr a buwaab le.

Rom Yaab 8:18

N chee ke fala kan wee ti ji daandaan nan kaa foo ti ta bigin kupag kan wee Uwonbɔr na yin kpiir ti ni nni.

Rom Yaab 8:19

Niwann nan wee Uwonbɔr naan nan biɛn le guu le bi sufu ŋa sili ki lig lidaal lan wee Uwonbɔr na yin kpiir U naachimin ni.

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

1 Korenti 13:12

Daandaan nan ti ga amaa nin nann taah lig niɛnu le, taa ga nbamɔmi; amaa n-yonn chaan le ti na li kan nbamɔm nin nnumbim. Daandaan nan n nyi wama le amaa n-yonn chaan le n na li biɛ ni biɛn ke Uwonbɔr kaah nyim biɛn man ni.

1 Korenti 15:49

A li ke taah jɔɔ uja wan nan nyan titann nin nan a nunaŋin, man mu le ti ji yin jɔɔ uja wan nyan paab nan mu a nunaŋ.

1 Korenti 2:9

Ke naah sɔb Uwonbɔr a gbɔŋin ke, “Linunbil kaa kan ni, Litul mu kaa gbiri, le uninfosaal a sufu mu kaa nyi, nan wee Uwonbɔr ŋa ni sili ki guun ban ban win ni.”

2 Korenti 3:18

Amaa tim ban wee likinkenl kaa deg ti num paamin, le ti kan ti Yudaau kaah jɔɔ tiŋann man takpem, le ni kpenn ti le ti nann u, le ti yaa ŋam nmɔn kpiɛg, le tiŋam nmɔn nyan Uwonbɔr wan ye kinaaŋin ban le.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Galantiya 4:6

Naah ye Uwonbɔr a buwaabin bu le Uwonbɔr tun U big nmɔn a Naaŋ le ki dan ki nan be ti sufu ni, le kinaaŋ nmɔn yi ke, “Ti dindaau, ti baa.”

Filipi 3:21

Uma wan ta u pɔɔm ki lagin niwann biɛn u nintogilin, u li kpenn ti gbanann tan kaa pɔɔ-n ki ŋa ti u jilima a gbanann.

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

2 Piita 1:4

Ni niɛ nan bu, le u sei ti imɔsiin takpen yan ŋan wee ni ma bu nin che ni por Uwonbɔr a wonaaŋ a pɔɔm wee ki ŋmar dulinya a ŋmaruŋin kan nyann tibir a kɔlisa-n.

1 Jɔnn 2:28

Tɔ daandaan nan n bijiɛkaam ni li be u ban na, wee u nan degirin ke ti li jɔɔ tidindann ki laa san ifa u jirimin daali.

1 Jɔnn 2:7

N jɔtiib, naa ye nsiim pɔm le n sɔb ki tenn ni, amaa nsiim kpegim, man wee ni nan jɔɔ npiinimin nin. Nsiim kpegim le ye tibɔr tan wee ni gbirin.

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

1 Jɔnn 3:10

Ni niɛ le che ti biɛr ban ye Uwonbɔr a buwaab nin ban ye ulinlaril a buwaab: Ban kaa tun nan ŋan bee kaa jiɛ bi nabumin kaa ye Uwonbɔr a buwaabi.

1 Jɔnn 3:21

N jɔtiib, ni ye ti sufu kaa bii ti ke, ti jɔɔ tidindann Uwonbɔr ban,

1 Jɔnn 5:1

Uninfo wan biɛn ŋa yada ke Yisa le ye Masiya ke, Uwonbɔr le ma u, le uninfo wan biɛn jiɛ Baa-n jiɛ U bigin tɔɔl.

Tibɔkpiirkaan 2:28

N ji li sei u njakpanyiɛn a ŋmabil.

Tibɔkpiirkaan 22:4

Bi na li kan u num paam, le u yinl na li paa bi yutun bu.