1 Jɔnn 1:2 - UWONBƆR A GBƆNPƆŊ LIKƆƆNL

² Limiɛfol nmɔn degirin na; ti kan limiɛfol nmɔn ki jin li siɛrau, limiɛfol lan kaa jɔɔ diɛm nmɔn a bɔr le ti pag ki tenn ni nan, lan nan be Baa-n ban nin, li degirin ti buu.

Uwumbɔr aagbaŋ

² Yesu, u ye limɔfal ngbaan na, nan di ubaa mɔk timi. Le ti kan u. Nima pu le ti ji seeraa, le ki tuk nimi limɔfal ngbaan aabɔr. Yesu le ye limɔfal li kaa kpa ndoon na daan. N‑yoonn mɔmɔk u nan bi Tite Uwumbɔr chee, le ki di ubaa nan mɔk timi.

1 Jɔnn 1:2 Iomraidhean Croise

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 1:4

U ni le limiɛfol nan be, limiɛfol nmɔn nan ye usaal a wonweem le.

Jɔnn 10:28

N sei i limiɛfol lan kaa jɔɔ diɛm le, le yaa jɔɔ yin buri; uba kaa li fir fee i n nɔɔn ni.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 15:27

Ni ye ni mu nji n siɛra le, nan bu-n ni be n ban le npiinimin na.

Jɔnn 16:28

N nyann Baa-n ban le ki kɔɔn dulinya ni; daandaan nan n nya dulinya ni le ki chaa jir Baa-n ban.”

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 19:35

Uja wan nan kan man nmɔn nan jin siɛra le, u siɛra nmɔn nan ye ibamɔn le. U nyi ke u pag ibamɔn le, u jin siɛra ke ni mu n ŋa yada le.

Jɔnn 21:14

Ni niɛ nan le nan kpiɛ nfimitaa le Yisa degir u baa u bɔɔnɔɔb ban, waah nan fii nkumin a bɔɔn.

Jɔnn 3:13

Uba kaa be ki nyi don paabi, sei uninfosaal a bija wan nan nyann paabin.

Jɔnn 7:29

amaa min nyi u, nan bu-n uma nan tum le n nyan u ban le ki dan.”

Jɔnn 8:38

N bei ni maah nan kan man le Baa-n a nintogil, le nim ŋaan naah gbir nan ni baa ban.”

Lituln 1:22

naah nan nyan Jɔnn Wan nan Fu Bininfob Uwonbɔr a Nyunfulin ki tan kpaa iyoo yan wee Uwonbɔr nan nan ta Yisa ki don papaab ki sin jiɛn ti-n. U daan le ye wan nan jin Yisa a kum a fiim a siɛra ki kpiɛ ti bu.”

Lituln 10:41

Amaa naa ye bininfob biɛn le nan kan wi, amaa ban wee Uwonbɔr pii gann bi wee bi ye siɛra damin le nan kan u, nin tim ban nan lagin ki jin ki nyun nin u kum a fiim a bɔɔn nin.

Lituln 2:32

“Yisa nmɔn le Uwonbɔr nan fiin u nkumin, le ti biɛn mu le ye u kum a fiim a siɛradam.

Lituln 3:15

Nim le ku limiɛfol daan nmɔn, amaa le Uwonbɔr fiin u nkumin. Le tim le ye ni siɛradam.

Lituln 5:32

Tim nin Kasi a Naaŋin le ye ni nan a siɛradam, le Uwonbɔr ta U Kasi a Naaŋ nmɔn sei ban cheel U mɔb.”

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

Galantiya 4:4

N-yonn nmɔn kaah nan nan foon biɛn nin, le Uwonbɔr tun U tɔɔl a bija, wan wee upii ma u, wee nsiim ŋmag u,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

2 Timoti 1:10

amaa daandaan nan ni kpiir ki wɔɔn ta, ti feegab daan Masiya wan degirin ti bu-n bu, wan nyaŋ nkum wee ki che limiɛfol nin tigbanann tan kaa kpegin nɔɔ tibɔŋann bu ki dan nin.

Taitus 1:2

yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

1 Piita 5:1

Nim ban ye bininkpeeb ni sisiigin ni, n balin ni le maah ye ni ninkpekpiɛgin, wan jin siɛra Masiya a fala a jim nin min wan na li kan n tol u pag a kpiirimin nin:

1 Jɔnn 1:1

Wan nan be npiinimin, wee ti gbir u bu-n, wee ti num kan win, le ti lig u, hali ki ta ti nɔɔi maa win, uma le ti mɔɔn ki jiin u paam ke u ye limiɛfol a mɔbonl le.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

1 Jɔnn 3:5

Amaa ni nyi ke u nan degirin un nan ta ti yaa bir le. Le u ni tibir kaa be.

1 Jɔnn 3:8

Wan tun nan bir ke u ye ulinlaril a ninfou le, nan bu-n ulinlaril pii ye wan tun tibir le npiinimin na. Nan bu wee Uwonbɔr a Bija nan degirin ni, nan ye un bii ulinlaril a toon le.

1 Jɔnn 4:14

Le ti kan ki jin siɛra ke ti Baa-n le nan tunn U Bija ke un nan ŋa dulinya nan a feeru.

1 Jɔnn 4:2

Naah li ŋa man ki biɛ Uwonbɔr a Naaŋ sɔ: Kinaaŋ kan biɛn len ke Yisa Masiya nan dan nin uninfosaal a gbanann le ke, u nyan Uwonbɔr ban le,

1 Jɔnn 5:11

Siɛra nmɔn sɔ: Uwonbɔr sei ti limiɛfol lan kaa jɔɔ diɛma, le limiɛfol nmɔn be U Bija-n ban le.

1 Jɔnn 5:13

N sɔb tiwann nan ki tenn nim ban ŋa Uwonbɔr a Bija a yinlin yada ke nin che ni biɛ ke ni jɔɔ limiɛfol lan kaa jɔɔ ndiɛm.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.