Luke 8:11 - Yaubada Yana Walo Yemidi Vauvauna

¹¹ ‘Na walo vegevegedinane ana livahi teina dova: Patune neta Yaubada yana walo.

Luke 8:11 Iomraidhean Croise

Madiu 13:18

‘Ainaena patu ana vehulu budebudeyana ana hanapu ambenalei.

Madiu 13:19

Ebe yaiya Yaubada yana Abaloina aubabadana ibenali mohilei, na nigele iyanuwamasele, mata howola abo tauyababawa ilaoma na walowowa towaho atenaena ivaivehuludi. Neta patuwa hibebe'une amwaha papalinai ana masele.

Maki 4:13

Ta Yeisu aidiyai iwalo, ‘Vedova yagu walovegevegedi teina nigele amyanuwamasele awa? Yede vedova mata tupwana walovegevegedi teina dova amnuwamaseleine?

Luke 8:12

Na patuwowa amwahai hibebe'une hiya neta tomowa walo hibenali mohilei, na hesi Tomodulele ilaoma ta atediyena walowa ivaivehulune, ta nigele howahowana hiyemidi ebeha Yaubada howahowana ihaguidi.

Yemesa 1:21

Eeta yami mumuga yo yami paihowa yababadi amtauvehuludi, na amtalamwegomiu Yaubada ainai, na hinage Yaubada walowa atemiyai i'u'umaiwa amyemidiyei, na am'awa abiyei ta ebe ainaena livahi amlobai.