Luke 8:10 - Yaubada Yana Walo Yemidi Vauvauna

¹⁰ Na iya iwalo, ‘Omiu Yaubada alimiyai italam ta yana loina holana moiha ana tauhanapuwo, na hesi bagibagilidi walo vegevegedi a'ava hibenalei. “Na adi nuwamasele nigele hiyahanapui, yo hinage ana hanapu hibehabehaei na hesi nigele hiyalobai.”

Luke 8:10 Iomraidhean Croise

Madiu 11:25

Hauga tenem ainai Yeisu iwalo, ‘Yauwedo Tamagu, owa galewa na bale'u adi tauloina, hanapu teina udadawanine tauhanapuwo yo taunuwamaselewo aidiyena, na hesi taunuwapwanopwanowo aidiyai uve'itaedine.

Madiu 16:17

Na Yeisu Pita iwalo auline, iwalo, ‘Saimoni, Yona natuna, owa moiha tauyaliyaya ehebo, wuwuna yam nuwamasele teina nigele tomowa aidiyena, na hesi Tamagu galewai yana hanapu imomohegone.

Maki 4:11

Na Yeisu iwalo, ‘Omiu bada Yaubada hanapu imohegomiu'o yo yana loina holadi amhanahanapuidi, na hesi tomowa bagibagilidi nigele.

Maki 4:12

Hiya walovegevegedi hibenalei na ana nuwamasele nigele hiyahanapui, na hinage ana hanapu hibehabeha na nigele howahowadi hilobai. Eeta hinage nigele howahowana yadi pwanoliwone aidiyena hinuwabui na Yaubada inuwahamuidi.’

Yoni 12:40

‘Yaubada bada mehedi i'abiye gibudi'o, yo hinage yadi nuwatuwu i'abi auhidi'o, Eeta nigele howahowana ta mehediyena hi'itadi, na nigele howahowadi yadi nuwatuwu ainaena hanapu hivai, na nigele howahowadi hi'ita gwaipilema aliguwai ta ebe ya'abiye namwanamwadi.’

Loma 16:25

Ainaena teina hauga Yaubada tano'owei, wuwuna ibom howahowana na i'abiye wahiyalagomiu, yau yagu guguya ainaena, neta Yeisu Besinana wasana. Na hinage mwalona bolimai daodaodi aidiyai wasa teina dawadawanina na teina hauga i'abiye mahalavaya'o.

1 Kolinita 12:11

Aiyauya teina Alu'aluwa Ve'ahihi iya ivesinuwa, na i'aiyauya ehebo ehebo alidai, na imohegita na dova tapaihowaidi.

Kolose 2:2

Ta ebe ainaena hibom velauwena hi'awa heliheliyam moiha ma'adi lautowoi namwanamwana yo mayadi nuwamasele moiha. Ainaena hiyaliyaya mwala'ina, wuwuna bada nuwadi imasele'o mwalona nuwatuwu dawadawanina vehabana, neta iya Besinana.

1 Timoti 3:16

Moiha ta'i, yada tapwalolo ana hanapu dawadawanina, na ginauli mwala'ina Besinana vehabana teina: Bada ivetomowa, na Alu'aluwana ainaena iwahiyala, na tausagenawasa hi'itaya'o, na wasana tupwa bagibagilidi hibenaledi, ta taumiya bale'u tupwadi hiyemidiyei, na mulitai ihae tupwa wasawasa ainai.