Yohana 9:4 - Kutsingken Ira Rimam ti Saen Kyag

⁴ Ti ti usir ta ti atang ati u nde kang wande na AWU ti tom me ru ba. Utitang ru ku ba ti unde iki u nde tu-wu wande cwucwo be.

Yohana 9:4 Iomraidhean Croise

Matiyu 20:7

Ande ba ri te wu baa, ‘Unde iki yae-wu ati wande be.’ Unde ti risaen wu ri te ba baa, ‘Ni ka nde wande uwae risaen-m ama.’

Markus 3:3

Ama Yesu ri te unde wu ti cwu kujwo baa, “Ru ba tsi kutampwa-ti ike!”

Yohana 10:32

Yesu ri te ba baa, “Itse-m nda m wande ti m na nde, ama ame nde pu m wande ti tinyang yang-yi akwen uwe-ni. Ititini uwae-yi ti ani ku sha ti ni u jwunn m atxom risu-yi?”

Yohana 10:37

Asiti ame a ku nde-m wande Itse-m be, ni ru-ni uwae kinjo uwog-m be.

Yohana 12:35

Yesu ri te ba baa, “Uwog ti saen kyag u te ni ta tetso uwae kiye kpang ahan cwucwo. Kiye wune ti uwog ti saen kyag awune te ni ta tetso, ni kyang-ni ikyin-ni ti uwog ti saen paenine ti atang, ikyaen ti, unde ti ku kyang ikyin uwae kufub u ku nung-wu uwog ti awu ku ru yi atang be.

Yohana 17:4

Uwae utense wune, ame tatso pu m ande rurob ukwe-fu. Ame nde tag pu m wande ti afu nda m baa, ame na nde.

Yohana 4:34

Yesu ri baa, “Wuci-m si ti ame u nde wande ti unde ti tom me ru ba ku sha, ama ti m nde tag yi.

Yohana 5:19

Yesu ri te ba baa, “Ame ku ri te ni ira ti kubenti, Umbae Rimam ku nde-wu wande ti risu-wu amam be. Awu ku nde nyáng iken ti awu nung Itse-wu ku nde amam. Iken ti Itse ku nde si iken ti Umbae ku nde ama.

Yohana 5:36

Amaa Iken iki ta atang ti ku tso kuko-m, ti rob skeb pu yi ira ti Yohana ri risu-m. Ira yine si wande-m ti ame ku nde. Ayi si wande ti awu Itse-m nda m ti m na nde. Wande yine ku ri ira risu-m u ku tso baa, awu Itse-m ti na tom m ru ba.

Yohana 7:33

Yesu ri te ba baa, “Usom ti som-m te ni ko-yi ko cwucwo be. Isim-yi, ame u nwunn ru ka tu unde ti tom me ru ba.

Wande Atom 4:20

Ikyaen ti, ira yi ti ati nung, ku fxen, ati u nde tu-ti ti ti fxae ira yi be.”

Galatiya 6:10

Ikyaen yine, ko kiye titini ti ati a tu riyae, ti ndeya ande meme. Ti nde siskeb ru ba uwog ameinja-ti ti ambakaya-ti ande na Yesu.

Afisa 5:16

Ko kiye titini ti ani a tu riyae, ni nde iken ti tinyang ikyaen ti, kiye ti ati ta uwae-yi tine nyang-yi be.

Kolosi 4:5

Ni som ti ben-ayib uwae iken ti ani ku nde te ande ti ru-ba kubenti be. Ni kwab ti ni nde tinyang te ba ko kiye titini.