Yohana 9:1 - Kutsingken Ira Rimam ti Saen Kyag

¹ Usir iki ti Yesu kyang pu ikyin-wu ku ru, awu nung unde iki ti mbub ayib ti ti a mbae wu.

Yohana 9:1 Iomraidhean Croise

Matiyu 20:30

Ande ti mbub ayib ifaen som iyen fengo atang. Kiye ti aba fxen baa, Yesu na ku ru fengo atang, a taen ira tso ritsen baa, “Umbae Dawuda, sae ti te ayibrisi!”

Matiyu 9:27

Ti Yesu nwunn atang u ku ru, ande ti mbub ayib ifaen putsa wu isim. Aba jwub ira u ku ri baa, “Umbae Dawuda, sae ti te ayibrisi.”

Markus 9:21

Yesu rang itse umbae wu baa, “Kiye titini ti kicaeb yine ye umbae wu?” Awu ri baa, “Kicaeb yi tu wu ti ti awu si umbae ti kitinying.

Luka 8:43

Unda iki ta atang ku ngwa rikaen te ise ti ta, si-yi ti ti ri be. Ise yi pyir ti ti yer ka pu yi asang rijwe asu ifaen. Meme ande ti to na wu acin to num pu ba. Unda wu wen iken yang-yi risu ise-wu ayine, amaa awu nde num se.

Yohana 5:5

Unde iki ta atang ti nae kicaeb ka pu wu asang rijwe ita asu itsongta.

Yohana 8:59

Ikyaen ira yine ti awu ri ne, aba tob pu atxom ti a na u jwunn wu ti riben atang, amaa awu tam byinn u ya kusog Rimam atang ta.

Yohana 9:2

Ande ti putsa Yesu rang wu baa, “Unde ti uwe, ayi si ikentitibi-wu ree, re ana iya-wu ti itse-wu nee awu mbub ayib ti ti a mbae wu?”

Wande Atom 14:8

Uwae uka ti Lisitira, unde iki ta atang, awu pxib afxen. Awu pxib afxen ti ti a mbae wu u kyang fob-wu ikyin usir iki be.

Wande Atom 28:4

Ande ba ti uten atang nung ikentibi wu kyin si kujwo Bulus, a ku ri ira te atso baa, “Unde wune si kang unde ti ku wen ande. Ko ti awu nwangru uwae uyinn amaa iticwu putsa wu tsa se.”

Wande Atom 4:22

Unde ti a nwangru wu ne, asang-wu skeb pu yi mae ifaen.

Wande Atom 9:33

Ti awu ka atang, unde iki ta atang ti a ku kunn wu baa, Eneyas. Awu cwu afxen ti ajwo. Uwae asang itsongta awu nde tu-wu ti wu u nwunn iken ti nae-wu be.