Yohana 8:2 - Kutsingken Ira Rimam ti Saen Kyag

² Ti ucwe fam ku si, awu nwunn u kafe ru yi Kusog Rimam tiyang. Meme ande ru ba funn pakob wu. Awu som riben u ku kwen na ba iken.

Yohana 8:2 Iomraidhean Croise

Matiyu 26:55

Kiye wune Yesu kafe uwe u ri ira te ande ba ti ku ye wu ye ne baa, “Imi ti nde ani ba ku ye m te asim ti ipug pangma ame na si unde ti ku shir mbeb uten? Ame te ni ta tetso usir ti usir uwae kusog Rimam u ku kwen na ande iken atang, ani ye-ni ame be.

Luka 21:37

Uwae kiye wune Yesu ku kwen na ande iken Kusog Rimam tiyang. A ba ye ureb awu ku ruye uwae uten u ku tso ka nae rikwen ti a ku kunn wu baa Rikwen Zetunn.

Luka 21:38

Kiskinn fifae ti usirsir ande ku ru ka som Kusog Rimam ikyaen ti a na fxen ira ti awu u kwen na ba.

Luka 4:20

Isim ti awu nung putsa mam kutsingken wu awu burkyi kutsingken wu u nda unde ti ku nungkyi kusog Rimam wu. Isim yine awu som riben ti wu ya iski ira Rimam. Meme ande ti ta kusog Rimam atang pu ayib cwutsa wu piin.

Luka 5:3

Kinjo uwae ayae yi si ana Siman Bitrus. Yesu sang uwae kuyae wune u ri te Siman baa, awu na jwora wu na ko sang yi uwae uyinn kpang. Yesu som si uwae kuyae u kwen na ande ira Rimam.

Yohana 4:34

Yesu ri baa, “Wuci-m si ti ame u nde wande ti unde ti tom me ru ba ku sha, ama ti m nde tag yi.

Yohana 8:20

Kiye ti Yesu ku kwen na ba iken yine awu ta kusog Rimam tiyang. Awu tsi fer ti uwog ti ande ku pu rinyangwae na Rimam tsi atang. A ye-ba wu be, ikyaen ti, kiye ti Rimam sa tsi wu ru ba-yi khika be.

Yohana 8:3

Ande ti ku kwen na ande ira Icwe, ti ande ti kumbub Farisi pu unda iki ba. Awu si unda ti aba ye wu ti amae ti nae. Aba sa wu ba tsi uwe ande.

Wande Atom 5:21

Ti atom na Yesu fxen ira yine, aba nwunn ti kiskinn fifae, ru ka tsi Kusog Rimam Tiyang, ku kwen na ande ira risu Yesu atang. Ti Kukwen tiyang, ti ande ti ta te wu ru ba, aba kunn byir ande ti rurob na Isirela meme ikyaen ti a na pwen rikwen yi. A tom ande ru yi kusog pursuna ti a na ka pu atom Yesu na ru ba.