Yohana 8:12 - Kutsingken Ira Rimam ti Saen Kyag

¹² Yesu ri te ande ti kumbub Farisi cwucwo baa, “Ame si uwog ti saen na utense, ko aye ti a putsa m u kyang-wu ikyin uwae kufub be. Ame u nda wu nung uwog paenine, u tu unyang.”

Yohana 8:12 Iomraidhean Croise

Matiyu 5:14

“Ani si uwog ti saen ana utense. Uka ti ta kibab rikwen ku tam-wu tam be.

Luka 2:32

Awu u si urwa ti u tatso ande ti si-ba ande-fu be fengo ti ana-fu. Ama awu u shir riyinn ba uwog ande-fu, ande Isirela.”

Yohana 12:35

Yesu ri te ba baa, “Uwog ti saen kyag u te ni ta tetso uwae kiye kpang ahan cwucwo. Kiye wune ti uwog ti saen kyag awune te ni ta tetso, ni kyang-ni ikyin-ni ti uwog ti saen paenine ti atang, ikyaen ti, unde ti ku kyang ikyin uwae kufub u ku nung-wu uwog ti awu ku ru yi atang be.

Yohana 12:36

Ame ku ri te ni, ru uwae kinjo uwog unde wu ti si Uwog ti Sisaen ti ti awu te ni ta tetso, ikyaen ti ani ama ā si uwog ti sisaen uwog ande iki.” Isim ti Yesu ri mam ira yine awu nwunn u ru ka tam uwog ti ande na u tu-ba wu be.

Yohana 12:46

Ame sang ba uwae utense ike ikyaen ti m u si uwog ti saen, ikyaen ti unde titini ti a ru uwae kinjo uwog-m awu na ā som-wu uwae kufub cwucwo be.

Yohana 14:6

Yesu ri te wu baa, “Ame ti si fengo, ame ti si kubenti, ame ti si unyang. Unde iki u ka-wu uwog Itse-m be, se awu a ru tsa uwog-m.

Yohana 3:19

Nung fengo ti a ku pwen rikwen yi ta ri: Uwog ti saen sang ba pu wu uwae utense, amaa ande pyir-ba awu u ku sha skeb-ba kufub ikyaen ti, aba si ande ti ku nde ikentitibi.

Yohana 7:17

Unde titini ti ku sha ti wu na u nde iken ti Rimam ku sha, awu u nungye baa, iken ti ame ku kwen ru uwog Rimam ba re, re ayi si ana-m ti risu-m amam ra.

Yohana 9:5

Kiye ti ame ta ti utense ike ame ti si uwog ti saen na utense.”

Wande Atom 13:47

Ikyaen ti, Itsekuru fa ti kusen baa, “Ame tsab ra ni tsi ti ni si urwa ti ku cwé uwog ande ti kufub, aba ti nung-ba ame be. Uwog-ni, meme ande ti utense u tu itinwangru.”

Wande Atom 26:23

A ri baa, Unde wu ti Rimam Tsab Tsi na u ngwa kang rikaen. Awu ti na u si unde ti tawe u nwunn uwae iticwu u ya iskin ira Rimam uwog Mbayawuda te ande ti si-ba Mbayawuda be baa, Rimam na u pu ba ba uwog ti sisaen-wu.”

2 Bitrus 2:17

Ande bane pangma ribung ti wuwom, abyi upwen ti tso u kae yag. Ayi si ikyaen-ba ti a kyae uwog ti byi titang tsika.

2 Bitrus 2:4

Rimam ya atom ti apupwen ti nde ikentitibi ta-wu be, u pu ba jwunn sang uvum urwa, u cwong ba afxen te ajwo som uwae kufub, som ku ji usir na rikwen.

1 Yohana 1:6

Asiti ati a ri baa, ati na ren ure te Rimam, ama ku kyang ti uwae kufub bwe, ati ku yer rifen, ku nde-ti kubenti be.

Yawuda 1:13

Aba pangma ufunn ti kpakang ti nwunn uwae uyinn, u ku paen yi tso kumum kumum, ama isim-yi, nyáng úfúnn iken ti rukwae-ba amam ti kag tsi. Aba si pangma aswer ti ku tsi-yi skirr be. Uwog ti som-ba si uwog ti byi tititang ti ititsikunn-yi ta-yi be, ti a kyae tsi ba.

Yawuda 1:6

Aba atom Rimam ti apupwen ti ye su-ba wande-ba ti rurob be, u nwunn ya uwog ti som-ba ta, Rimam cwong ba te iji kiser, u nda ba nae uwog ti kufub tsi ku ji usir ti kuko ti awu u pwen ba rikwen.

Ititatso 21:24

Uwae uwog ti saen-wu, ande ti utense u kyang ikyin atang. Akwe ti utense u ba ti kuko-ba, u ba sang atang.