Yohana 7:1 - Kutsingken Ira Rimam ti Saen Kyag

¹ Isim ti ira yine wur ru pu yi, Yesu kyang ikyin-wu uwae uten ti Galili. Awu ku sha-wu ti wu na u kyang ikyin uwae uten ti Yawudiya be, ikyaen ti, ande ndufu Yawudiya atang ku pwen ti a na u wen wu wen.

Yohana 7:1 Iomraidhean Croise

Matiyu 10:23

Asiti ande a ku nde ni rikaen uwae uten iki, ni ter ru atang ti ni ru yi uten iki. Ame ku ri te ni, ani u ka tag-ni uwae uten Isirela titawe Umbae Unde u ba be.

Matiyu 21:38

Ama ti ande ti ritom ba pu ayib nungye umbae wu, a ri te atso baa, ‘Nung umbae ti u ci rifunn unde wu ta ri. Ni ba ti ti wen wu, ti ti tso kyi rifunn-wu.’

Markus 11:18

Ti ande ti uwe na akwen Rimam, ti ande ndufu ti ku kwen na ande icwe Rimam fxen ira Yesu, aba sha fengo ti a wen wu. Aba ku kyen ikyenricwu-wu, ikyaen ti, ande meme ku fxen iken ti kwen-wu, ama ayi ku fur ba ayib.

Yohana 1:19

Kiye iki ande ndufu Mbayawuda ti ta Urushelima tom ande ti imbyi-ba ti ande ti ku nde wande kusog Rimam ru yi uwog Yohana ti a na ka rang wu ira baa, “Afu si aye?”

Yohana 4:3

Ti awu nungye ira yine, awu nwunn u ya uten ti Yawudiya ta u kafe ku ru ti yi uten Galili.

Yohana 4:54

Ayine si wande ti fa ti ifaen ti Yesu nde nee awu tso kuko-wu, isim ti awu nwunn uten ti Yawudiya ru ba Galili.

Yohana 6:1

Isim yine Yesu yen ru yi ukunn uyinn ti Galili ti uwe akwen. (Uyinn wune, ariki ku kunn wu baa, uyinn ti Tiberiya.)

Yohana 7:11

Uwog ukwab atang, ande ndufu uten ti Yawudiya ku sha rifab-wu. Aba ku rang ande baa, “Yesu ta aka?”

Yohana 7:13

Ama unde iki ta-wu ti wu ri tso ise ira risu Yesu wurr atang be, ikyaen ti, aba ku kyen ikyenricwu ande ndufu Mbayawuda.

Yohana 7:19

Unde ti nda ni Icwe si-wu Musa be a. Amaa, ani putsa-ni ayi be, ko unde kinjo uwae-ni. Ama imi ti nde ani ku sha ti ni na u wen m?”

Yohana 7:25

Ama ande iki ti ta uwae uten Urushelima atang rang atso baa, “Awune si-wu unde wu ti a ku sha ti a u wen wu wen be a?

Yohana 7:35

Ande ndufu aba ri ira ti unghae u ku rang atso baa, “Aka ti awu ku ru ti ati u ru ka fob-ti atang be? Ko awu ku sha ti wu na u ru yi uten na ande ti Helene uwog ande-ti ti shag ru ka atang ti wu na u kwen na ba ira-wu ayi ahoo?

Yohana 8:37

Ame nung pu m baa, ani na si anyisu ti rishi Ibrahim. Amaa ani ku kwab ti ni na u wen m wen, ikyaen ti, ani paembe-ni iken ti kwen-m be.

Yohana 8:40

Amaa ko ti ame ku ri te ni ira ti kubenti ti ame fxen uwog Rimam, ani ku kwab ti ni na u wen m. Ibrahim nde ji-wu itso iken yine be.

Wande Atom 10:38

Ira yi si ti Rimam tsab Yesu unde ti Nazareti tsi, u nda wu kuko na Kusung Rimam. Yesu nwunn ku kyang kyi fe uwog meme, ku nde iken ti tinyang u ku nwangru ande ti ta uwae apyi na Shetann, ikyaen ti, Rimam te wu som te atso.