Yohana 6:2 - Kutsingken Ira Rimam ti Saen Kyag

² Ande jwunn ba putsa wu ikyaen ti, aba nung pu ba iken ti ku fur ayib ti awu nde uwog ande ti acaeb ti ru ba uwog-wu.

Yohana 6:2 Iomraidhean Croise

Matiyu 12:15

Yesu nungye pu wu iken ti aba ku nde u nwunn uwog wu. Ande tum atso putsa wu, awu ama ku nde jim kicaeb-ba

Matiyu 13:2

Ande yang-ba ru ba byir pakob-wu. Ikyaen yine, awu ru ka sang uwae kuyae u som atang, ande ba ama tsi ti ukunn uyinn.

Matiyu 14:14

Ti Yesu tsoye uwae kuyae, awu nung kumbub ande funn atang. Ama risi ye wu. Awu nwangru ande ti acaeb ti ta atang.

Matiyu 8:1

Kiye ti Yesu sī rikwen ba ande tum atso putsa wu.

Markus 1:45

Amaa, unde wu ruye atang u sa ira yi ku kyang ri te ande kyife uwog meme. Yesu tu-wu riyae ti wu sang uwae uten wurr cwucwo be. Awu ku som ti ufang ti ufang. Ama ande ku ru kyife uten meme ru ba uwog wu atang.

Markus 6:33

Amaa ande yang akwen nung ba ti aba nwunn ku ru, ama aba nungye ba. Ikyaen yine aba nwunn ruye uwae uten atang ti inyae u rwae rifab-ba kyig kyig kyig ka unju uyinn tiyang. Aba ta uwe uwe ka sang uwog ti Yesu ti ande ti imbyi-wu ku ru yi atang.

Yohana 11:47

Ikyaen yine aba ande ti Farisi ti ande ti uwe akwen Rimam ru ka kunn byir ande ndufu ti ku myae ira meme u ru ka ri te ba baa, “Ati u nde rimang? Unde wune ku nde wande ti tsotso ti ku fur ayib.

Yohana 12:18

Iken ti nde titawe ande yang akwen ru ba byir uwog wu, si ikyaen ti, aba fxen pu ba baa, awu na nde wande ti ku fur ayib wune.

Yohana 12:37

Ko ti awu nde wande tiyang ti tsotso uwe ande, aba ru-ba uwae kinjo uwog-wu be.

Yohana 2:11

Iken ti Yesu nde uwae uten ti Kana ti Galili wune, si iken ti ku fur ayib ti kucang ti Yesu nde ti wu tso kuko-wu atang. Ikyaen iken yine ti awu nde, ande ti ku putsa wu ru uwae kinjo uwog-wu.

Yohana 2:23

Kiye ti Yesu ta Urushelima kiye na ukwab tiyang, awu nde iken ti ku fur ayib uwe ande atang. Ande yang-ba akwen nung iken yi u ru kubenti uwog-wu.

Yohana 20:30

Yesu nde wande ti ku fur ayib ko timambe ayib ande ti putsa-wu ti a bae-ba ayi uwae kutsingken wune be.

Yohana 3:2

Utitang usir iki awu ru ba uwog Yesu u ri baa, “Unde ti uwe, ati nung pu ti baa, afu na si unde tiyang ti Rimam tom ru ba. Unde iki u nde tu-wu wande tiyang ti afu ku nde ne be, se unde ti Rimam a te wu som tetso tawe.”

Yohana 6:14

Kiye ti ande nung iken yi ti ku fur ayib ti awu nde ne aba ri baa, “Kubenti, awune ti si Unde wu ti ku ya iskin ira Rimam ti kubenti ti a ri baa, awu na u sang ba utense.”

Yohana 6:22

Ucwefam-yi ande ti nae ti ukunn uyinn akwen ku sha rifab Yesu, ikyaen ti, aba nung baa, kuyae kinjo amam ti ta atang, ama Yesu na sang-wu uwae kuyae wu ti ande ti imbyi-wu sang atang be. Nyáng aba amam uwae kuyae wu.

Yohana 6:26

Yesu cwe ba unju baa, “Ame ku ri te ni kubenti, iken ti nde nee ani ku sha rifab-m si ikyaen ti, ani ci u kyaen ti buredi yi kiye wu, si-yi ikyaen ti ani nung iken ti tatso kuko Rimam be.

Yohana 6:30

Aba ama jwam wu baa, “Nde wande ti kuko ti ati u sae u ru uwae kinjo uwog-fu! Tatso ti iken ti afu u ndetu.