Yohana 4:6 - Kutsingken Ira Rimam ti Saen Kyag

⁶ Ukwae ambyi ti Yakubu mum ta ti atang. Ikyin ti Yesu kyang nda wu ijwe-wu num. Ikyaen yine awu ru ba som unju ukwae ambyi atang. Usir ta kitaen pam pam pam.

Yohana 4:6 Iomraidhean Croise

Matiyu 27:45

Iken ti tsi aser rijwe asu ifaen ti usir ta kitaen ba sang ti aser ita ti ureb, meme uten wu ta uwae kufub.

Matiyu 4:2

Awu nde usir mae ifaen ti utitang mae ifaen atang u cwe unju. Usirtaen ti utitang awu ci-wu wuci be. Isim yine rimenn ku wen wu.

Matiyu 8:24

Ti a nunung, ufunn ti ribom nwunn uwae uyinn atang ku nda kuyae ku txi pu ambyi txi pu ambyi u ku sha ti awu u fxaebur, ama Yesu nae kicwag.

Luka 2:7

Awu mbae umbae ti urom, umbae rifen-wu, u pu atupwa umbae ibyan burkyi wu u sa wu nae fa uwae kupam ti asinn ku ci wuci-yi atang, ikyaen ti, uwae kusog rikyen atang uwog ta-yi ti a u sang atang be.

Luka 9:58

Yesu ri te wu baa, “Ijwong ti kutur ta te iwae-yi, inung ama site afug-yi, amaa Umbae Unde site-wu uwog ti nae be.”

Yohana 11:9

Yesu sunn ira te ba baa, “Ande ku sae uwog tsi ti kiskinn fifae ru ba sang ureb. Asiti unde a ku kyang ikyin usir taen awu u kyen-wu kufxen be, ikyaen ti, awu ku sae uwog ti saen kyag na usir.

Yohana 4:12

Itse-ti Yakubu ti mum ukwae ambyi wune na ti. Awu ti anyisu-wu ti asinn-wu meme ngwa ambyi rijaa wune. Afu skeb pu fu awu a?”

Yohana 4:5

Ti awu kyang ku ru tsa uten ti Samariya, awu ru ba sang uwae umbae uten iki ti a ku kunn rinyi-wu baa, Sikar. Sikar wune ta fer ti riben ti Itse-ti Yakubu nda uyin-wu Yusufu ti kute.

Yohana 4:7

Unda iki ti uten ti Samariya atang ru ba ti awu na u ba txi ambyi. Yesu ri te wu baa, “Txi ambyi na m ti m ngwa.”

2 Korinti 8:9

Ani nung pu ni rinyangwae na Itsekuru-ti Yesu Kristi. Ko ti awu site rifunn, awu sa ijwe-wu kafe unde ti rikaen ikyaen-ni, ikyaen ti awu u sa ni kafe ande ti rifunn uwae rikaen ti awu ngwa.

Mbaibrane 2:17

Ikyaen yine, awu kafe kang pangma ameinja-wu yi fengo ti tsotso, ikyaen ti wu ā site ayibrisi, u si kukwen tiyang ti kubenti uwae wande Rimam, u twen ikentitwen ikyaen ikentitibi ande.

Mbaibrane 4:15

Awu kukwen tiyang-ti wune si unde ti site ayibrisi risu-ti. Awu nung pu wu uwog ti ati pù iskin atang ti awu u ndeya ti, ikyaen ti, kiye ti awu ta utense, a myae wu myae pangma ti a ku myae ti ama. Amaa, ana-wu, kiye ti a myae wu, awu jwunnsi-wu uwae ikentitibi be.