Yohana 4:12 - Kutsingken Ira Rimam ti Saen Kyag

¹² Itse-ti Yakubu ti mum ukwae ambyi wune na ti. Awu ti anyisu-wu ti asinn-wu meme ngwa ambyi rijaa wune. Afu skeb pu fu awu a?”

Yohana 4:12 Iomraidhean Croise

Matiyu 12:42

Usir rikwen wu, Ukwe ti Unda ti ta uten ti isku u nwunn u rimbeb ni ande ti kiyiku ne, ikyaen ti, awu ruye iyen na utense ba ti wu na u ba fxen ira ben-ayib na Solomon. Sae, ira ti ba uwog-ni tine ko skeb ira Solomon yi.

Yohana 4:13

Yesu ri te wu baa, “Asiti unde a ngwa ambyi na rijaa wune, unwaen u ye kyi wu cwucwo.

Yohana 4:20

Ti kute abitse-m ti Samariya ku fen Rimam risu rikwen awune, ama ani Mbayawuda ku ri baa, Urushelima amam ti na si uwog ti a na u fen Rimam atang.”

Yohana 4:5

Ti awu kyang ku ru tsa uten ti Samariya, awu ru ba sang uwae umbae uten iki ti a ku kunn rinyi-wu baa, Sikar. Sikar wune ta fer ti riben ti Itse-ti Yakubu nda uyin-wu Yusufu ti kute.

Yohana 4:6

Ukwae ambyi ti Yakubu mum ta ti atang. Ikyin ti Yesu kyang nda wu ijwe-wu num. Ikyaen yine awu ru ba som unju ukwae ambyi atang. Usir ta kitaen pam pam pam.

Yohana 8:53

Afu skeb itse-ti Ibrahim ti cwucwu a? Aba ande ti ku ya iskin ira Rimam cwu pu ba. Afu ku sae risu-fu baa, afu na si imi?”

Mbaibrane 3:3

A ku nda Yesu rurob skeb Musa, pangma ti unde ti ku mbye kusog site rurob skeb kusog ti awu mbye tsi.