Yohana 4:10 - Kutsingken Ira Rimam ti Saen Kyag

¹⁰ Yesu ri te wu baa, “A baa, afu na nung rinyangwae Rimam ko afu na nung unde wu ti ku jwam fu ambyi ne, afu ú jwam pu fu awu, awu ama u nda fu ambyi ti ku nda unde unyang.”

Yohana 4:10 Iomraidhean Croise

Itiruye 17:6

Ame u tsi uwe-ni fer ti kutxú ana rikwen ti Horeb. Ama afu u sa ukum byinn kutxú wu. Ambyi u ten ruye atang ti ande ba ā ngwa.” Musa nde ti mbwe-yi uwe ande ndufu Isirela ba.

Luka 11:13

Asiti ani ande ti ku tang ira ti titibi a ku pu na anyisu-ni iken ti tinyang, Itse-ti ti ta apupwen ama re? Awu u tom kang Kusung-wu si ba-wu risu ande ti jwam wu be a.”

Yohana 16:3

Aba u nde iken yine te ni ikyaen ti, aba nung-ba Itse-m be, a nung-ba ame be ama.

Yohana 17:3

Unde ti site unyang ti tsi kukunn, awu u nungye fu Rimam, afu amam ti si Rimam ti kubenti. Cwucwo, awu u nungye Yesu Unde ti Rimam Tsab Tsi, u tom ba.

Yohana 3:16

“Rimam ye ure te ande ti utense ko timambe, ne iken ti nde awu nda ba Umbae-wu ti si nyáng kinjo-wu amam, ikyaen ti unde titini ti a ru uwae kinjo uwog-wu, awu ā twenji-wu be, amaa, awu ā tu unyang ti tsi kukunn.

Yohana 4:14

Amaa unde ti a ngwa ambyi ti ame ku ri ne, awu u fxen-wu unwaen cwucwo be, ikyaen ti, ambyi yi ti ame u nda wu u ba kafe pangma ambyi ti ku tso riben. Ayi u nda wu unyang ti tsi kukunn.”

Yohana 6:35

Yesu ri te ba baa, “Ame ti si buredi ti ku nda unyang. Unde titini ti awu a ru ba uwog-m, awu u fxen-wu rimenn be. Unde titini ti awu a ru uwae kinjo uwog-m ama u fxen-wu unwaen cwucwo be.

Yohana 6:51

Ame ti risu-m ti si wuci yi ti si apupwen ba, awu ti ku nda unde unyang. Unde titini ti a ci wuci yine, awu u som yiyer. Wuci ti ame u nda ande ti utense ti a na tu unyang si ibye rimenn-m.”

Wande Atom 9:11

Yesu ri baa, “Nwunn, si fengo ti a ku kunn wu baa, Fengo ti Ndabta. Ru ka kununn Yawuda. Afu a ka pu fu, rang rifab unde iki ti ru uten Tarsus ba atang. Rinyi-wu baa, Sawulu. Awu ku jwam Rimam.

Roma 8:32

Awu ti byang-wu ati Umbae-wu be, ama cwe, u sa wu ruye ikyaen-ti meme, awu u sha na-wu ati iken ti tsitsi ti utob-wu kinjo be a.

1 Korinti 1:30

Rimam ti nda ni ren risu te Itsekuru-ti Yesu Kristi. Awu ti nde fengo nee Yesu Kristi kwen na ti ben-ayib ti kubenti. Uwae wande na Yesu Kristi, Rimam nung ti ati si ande ti kubenti. Awu jwosaen utob-ti u saen ti ta uwae ikentitibi.

1 Korinti 10:4

Meme-ba ama ngwa ambyi na kusung, ayi ambyi ti ruye ijwe kutxom na kusung ti te ba ku kyang ikyin tetso, ama Kutxom wu si Kristi.

2 Korinti 9:15

Ati ku nde na Rimam fxaefa ikyaen rinyangwae ti awu nda ti, ti unju-ti ko-yi ti ti u nde na wu fxaefa risu-yi be.

Afisa 2:8

I si ikyaen rinyangwae na Rimam ti ani nwangru kiye ti ani ru uwae kinjo uwog na Yesu Kristi. I si-yi ikyaen itikwab-ni ti ani nde be, ayi si iken ti Rimam nde na ni ti rinyangwae.

Mbaibrane 6:4

Asiti unde a nung pu wu itinyang ti rinyangwae Rimam, u tu pu wu kutunn-wu na Kusung ti Saen Kyag, ama u kaensi, ayi u caeb timambe ti a u shir wu kafe ba.

1 Yohana 5:20

Ati ama nung pu ti baa, Umbae Rimam na ba nda pu wu ati itinungye, ti ti na nung Rimam, awu ti si kubenti. Ati ama ta uwog awu ti si kubenti, ikyaen ti, ati bae fa Umbae-wu Yesu Kristi. Awu ti si Rimam ti kubenti, u si unyang ti tsi kukunn.

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.

Ititatso 22:17

Kusung ti Saen kyag, ti Unda ishe, ri baa, “Ba.” Unde ti a ku fxen ira yine, awu ā cwe baa, “Ba.” Unde ti a ku fxen te unwaen, awu ā ba. Awu a ku sha, awu ā ba mbe ambyi unyang ti a ku jab-ba wu jab be.

Ititatso 7:17

Ikyaen ti, Mbae utam wu ti tsi konje kutxomkwe, ti u shi ba. Awu ti tae ba ru yi isatsub ambyi unyang ti tsi kukunn, ama Rimam u fen ba aten ayib.”