Yohana 3:8 - Kutsingken Ira Rimam ti Saen Kyag

⁸ Ufunn ku kae ku ru yi uwog ti awu ku sha. Ande ku fxen ujwin ti awu ku kunn, amaa aba nung-ba uwog ti awu kae ku ru atang ba be, u nung-ba uwog ti awu kae ku ru yi atang be. Ayi si ahan uwog unde titini ti a mbae wu uwae Kusung Rimam.”

Yohana 3:8 Iomraidhean Croise

Yohana 1:13

I si-yi unda iki ti kyaen rishwu u mbae ba be, ira unde fa-yi atang be. Rimam ti risu-wu ti si Itse-ba.

Yohana 3:7

Ti ame ri te fu baa, a na mbae kang ni tishe, ayi ā si-yi iken ti ku fur ayib uwog-fu be.

Yohana 3:9

Nikodemu rang wu baa, “Ayine u nde rimang tawe ayi u nde tu?”

Wande Atom 2:2

Ama ti ritsen ahan a fxen ritum iki ti ru apupwen ba. Ritum wu pangma ana ufunn ti ku kae ti ribom. Awu ba munnkyi uwae kusog uwog ti a ku som atang.

Wande Atom 4:31

Isim-yi ti a jwam pu ba Rimam, kusog wu ti aba ta atang kyi ijwe. Meme-ba atang munn ti Kusung ti Saen Kyag Rimam utob-ba. Ama aba nwunn ku ri ira Rimam te ande ti ribom utob.

1 Korinti 12:11

Kusung ti Saen Kyag si kinjo amam, amaa, awu ku nda ande na Rimam nde wande txi txi, ti fengo titini ti nyang uwae-wu.

1 Korinti 2:11

Unde ta-wu ti nung ira ti unde iki ku kab rishwu-wu be, se unde wu ti risu-wu amam. Ayi si ahan ama unde ta-wu ti nung ira ti kab na Rimam be, se Kusung Rimam amam ti nung iken ti ta utob na Rimam.

1 Yohana 2:29

Ti ani nung pu ni baa, Kristi na si Unde ti Sisaen, ani u nung ama baa, unde ti a ku nde iken ti pang atang, awu na si umbae Rimam.