Yohana 3:5 - Kutsingken Ira Rimam ti Saen Kyag

⁵ Yesu ri te wu baa, “Ame ku ri te fu kubenti, unde iki u sang-wu Kujwokwe Rimam be se unde ti a mbae pu ba awu yi fengo na ambyi, ti ana Kusung.

Yohana 3:5 Iomraidhean Croise

Matiyu 18:3

u ri baa, “Kubenti ti ame ku ri te ni, asiti ani a kafe utob-ni u sa ijwe-ni tsi-ni pangma anyisu tinying be, ani u sang-ni kujwokwe Rimam be.

Matiyu 19:24

Ame ku ri te ni kyi cwucwo, ayi caeb skeb pu yi ti unde ti rifunn u sang Kujwokwe Rimam ti ti a u sa kakum nwunn sang umbyi uyi.”

Matiyu 21:31

Umbae titini uwae anyisu bane ti nde iken ti ite-wu ku sha?” Aba ri baa, “Umbae ti kucang.” Yesu ri te ba ama baa, “Ame ku ri te ni kubenti, ande ti ku mbe aser akwe ti iyaen ku sang Kujwokwe Rimam uwe-ni.

Matiyu 28:19

Ikyaen yine, ni ru ti ni ka sha ande ti utense meme ti ni pu ba ba putsa ira-m. Ni nde na ba batisma yi rinyi na Itse ti Umbae ti Kusung ti Saen Kyag,

Matiyu 3:11

Ame ku nde na ni batisma ti ambyi. Ayi ku tatso baa, ani na ya ikentitibi-ni ta pu ni. Unde wu ti ku ba isim-m u ru ba nde na ande batisma ti Kusung Rimam, ti urwa. Awu skeb pu wu ame ti kuko. Ame ko-m ti m u pu ajwo-m ye apwafxen-wu be.

Matiyu 5:20

Kubenti ti ame ku ri te ni, asiti ani a putsa-ni icwe Rimam yine skeb-ni ande ndufu ti nung ira icwe, ti ande ti kumbub Farisi be, ani u sang-ni Kujwokwe Rimam be ko tikiyib.”

Markus 10:14

Ti Yesu nung iken ti atugbug-wu ku nde, awu tso rinae u ri te ba baa, “Ni byangkyi-ni anyisu tinying ba be. Ni ya ba ta ti a ba uwog-m. Ikyaen ti, utso ande ti pangma bane ti Kujwokwe Rimam ta ikyaen-ba.

Markus 16:16

Unde titini ti a ru uwae kinjo kutsa ira tinyang yine, a nde na wu batisma ama, Rimam u nwangru wu uwae ikentitibi-wu. Unde ti a shaen u ru-wu uwae kinjo kutsa ira tinyang yine be, Rimam u pwen wu rikwen iticwu.

Markus 9:47

Asiti riyib-fu a nda fu ti fu u nde ikentitibi, wag ra wu tika. Ayi nyang skeb uwog-fu ti afu u sang kuru Rimam apupwen ti riyib kinjo ti ti aba u sa fu jwunnsi uwog urwa ti ayib-fu ifaen.

Luka 13:24

“Ufu kusog wu yib timambe. Ni kwab kang ti ni sang atang, ikyaen ti, ame ku ri te ni, ande ko timambe u kwab ti a u ru kaa sang atang, amaa, aba u nde num.

Luka 13:3

Iyee! Ame ku ri te ni, asiti ani a ya ikentitibi-ni ta-ni be, meme-ni u cwu pangma ti aba cwu.

Luka 13:5

Iyee, ame ku ri te ni, se ani a ya ikentitibi-ni ta titawe be, meme-ni u cwu pangma ti aba cwu!”

Yohana 1:13

I si-yi unda iki ti kyaen rishwu u mbae ba be, ira unde fa-yi atang be. Rimam ti risu-wu ti si Itse-ba.

Yohana 3:3

Yesu ri te wu baa, “Ame ku ri te fu kubenti, unde ta-wu ti awu u sang Kujwokwe Rimam be, se iken ti a mbae shem pu ba awu tawe.”

Yohana 3:4

Nikodemu rang wu baa, “A u nde rimang titawe a u mbae shem unde ti kwèn mam pu wu? Awu u kafe sang kyi ti uwae rishwu iya-wu itawe a mbae shem wu a?”

Wande Atom 2:38

Bitrus ri te ba baa, “Ni ya ikentitibi-ni ta, ti kafe ba uwog Rimam. Ni ba nde batisma yi rinyi na Yesu Kristi, ti Rimam ā yata na ni ikentitibi-ni. Rimam u nda ni rinyangwae, Kusung-wu ti Saen Kyag.

Wande Atom 3:19

Ikyaen na yine, ni ya ikentitibi-ni ta! Ni kafe ru ba uwog Rimam ti wu ya ta na ni ikentitibi-ni, ikyaen ti ni tu riyae ti ni kyae nyang utob-ni uwog-wu.

Roma 14:17

Ikyaen ti, kujwokwe Rimam si-yi ira na iken ti ci ti iken ti ngwa be. Kujwokwe Rimam si ira risu usom ti kpang atang, ti utob ti nae riben, ti utob ti tsen uwog Kusung Rimam.

Roma 8:2

Imbyi ira yi uwog wune baa, yi fengo Yesu, ti, Kusung Rimam na unyang saen fu ta pu wu uwae ikentitibi te iticwu ikyaen wande na Yesu Kristi.

1 Korinti 15:50

Ameinja, ame ku ri te ni kubenti baa, iken ti a kyae te anying ti akub rimenn u tu-yi iken iki uwae kujwokwe Rimam be.

1 Korinti 2:12

Kusung ti a nda ti si-yi kusung na utense be. Awu si Kusung ti ru uwog Rimam ba. Rimam tom wu ru ba ikyaen ti ati na nungye iken ti tinyang Rimam ti awu ku nda ti.

1 Korinti 6:11

Kute ariki uwae-ni ta uwae utso ande bane. Amaa, Rimam jwosaen pu wu ani uwae ikentitibi-ni u nda ni kafe ande-wu. Ikyaen wande na Itsekuru-ti Yesu Kristi ti kuko na Kusung Rimam, ani kafe ande ti tinyang uwe Rimam.

Galatiya 6:15

Ko unde a tsen kutxin, ko awu a tsen-wu be, ayi si-yi ira iki be. Iken ti skeb si ti Rimam a kyae unde ti tishe.

Afisa 5:26

Awu nde ahan ikyaen ti wu na kyae nyang ba uwe Rimam yi fengo na ira-wu. Ti uwe-yi awu jwo saen ba yi fengo na batisma u sa ba tsi iyen ikyaeb

1 Bitrus 1:2

Rimam Itse nungye pu wu ani ti kucang, u tsab ni ikyaen ti wu na kyaenyang utob-ni, u nda ni nae risu riben uwog Yesu Kristi, yi fengo na Kusung-wu, ikyaen ti anying Yesu Kristi na u jwosaen utob-ni. Rimam ā nda ni itinyang ti kujimshwur ko fufa ru yi uwe uwe.

1 Bitrus 3:21

Ambyi yine ku tatso ijwe ti jwo na batisma ti ku sa ba itinwangru. Ayi si-yi ti ambyi yine u jwo ru ajib ijwe-ti be, ayi si ikyaen ti ati ku jwam Rimam ti utob tinyang. Ati nwangru ikyaen itinwunn Yesu Kristi uwae iticwu.

1 Yohana 2:29

Ti ani nung pu ni baa, Kristi na si Unde ti Sisaen, ani u nung ama baa, unde ti a ku nde iken ti pang atang, awu na si umbae Rimam.

1 Yohana 5:1

Unde ti a ru uwae kinjo baa, Yesu na si Unde wu ti Rimam Tsab Tsi, awu si umbae Rimam. Unde ti a site ure te itse umbae, awu u ye ure te anyisu-wu ama.