Yohana 3:3 - Kutsingken Ira Rimam ti Saen Kyag

³ Yesu ri te wu baa, “Ame ku ri te fu kubenti, unde ta-wu ti awu u sang Kujwokwe Rimam be, se iken ti a mbae shem pu ba awu tawe.”

Yohana 3:3 Iomraidhean Croise

Matiyu 16:17

Yesu ri te wu baa, “Siman umbae Yohana, itinyang si ana-fu, ikyaen ti, ayi si-yi unde iki ti tatso fu ira yine be, ayi ruye uwog Itse-m ti ta apupwen.

Matiyu 19:24

Ame ku ri te ni kyi cwucwo, ayi caeb skeb pu yi ti unde ti rifunn u sang Kujwokwe Rimam ti ti a u sa kakum nwunn sang umbyi uyi.”

Matiyu 21:31

Umbae titini uwae anyisu bane ti nde iken ti ite-wu ku sha?” Aba ri baa, “Umbae ti kucang.” Yesu ri te ba ama baa, “Ame ku ri te ni kubenti, ande ti ku mbe aser akwe ti iyaen ku sang Kujwokwe Rimam uwe-ni.

Matiyu 5:18

Ame ku ri te ni kubenti, ti ti riben ti apupwen tsi ti atang, iken iki u ruye-yi uwae icwe yine be ko tikiyib, se ti icwe yi a nde tag pu yi wande-yi.

Markus 10:14

Ti Yesu nung iken ti atugbug-wu ku nde, awu tso rinae u ri te ba baa, “Ni byangkyi-ni anyisu tinying ba be. Ni ya ba ta ti a ba uwog-m. Ikyaen ti, utso ande ti pangma bane ti Kujwokwe Rimam ta ikyaen-ba.

Markus 9:47

Asiti riyib-fu a nda fu ti fu u nde ikentitibi, wag ra wu tika. Ayi nyang skeb uwog-fu ti afu u sang kuru Rimam apupwen ti riyib kinjo ti ti aba u sa fu jwunnsi uwog urwa ti ayib-fu ifaen.

Yohana 1:13

I si-yi unda iki ti kyaen rishwu u mbae ba be, ira unde fa-yi atang be. Rimam ti risu-wu ti si Itse-ba.

Yohana 1:5

Uwog ti saen kyag wune ku cwe uwog ti kufub, ama kufub jim fob-wu awu be.

Yohana 1:51

Yesu ri te wu ama baa, “Ame ku ri te fu ira ti kubenti. Afu u nung apupwen u mbubta, afu u nung atom Rimam ku tsutso ku sisi risu Umbae Unde.”

Yohana 12:40

“Rimam mbúb pu wu aba ayib, u yirkyi pu wu aba utob ikyaen ti aba ā sae tu-ba uwog cwucwo be, u kab ye-ba ira ti utob-ba be, be aba u kafe ba uwog-m ama ame ú nwangru ba uwae kicaeb-ba.”

Yohana 3:4

Nikodemu rang wu baa, “A u nde rimang titawe a u mbae shem unde ti kwèn mam pu wu? Awu u kafe sang kyi ti uwae rishwu iya-wu itawe a mbae shem wu a?”

2 Korinti 4:4

Aba si ande ti ru-ba uwae kinjo be, ikyaen ti, Shetann ukwe utense wune byi kyi pu wu utob-ba, ikyaen ti aba ā nung-ba uwog ti paenine ti ku ba uwog-ba be. Uwog ti saen kyag ne si Ira Tinyang risu Yesu Kristi, awu ti site kuko, ku tso ti itso unde ti Rimam tsi.

2 Korinti 5:17

Asiti unde a si ana Kristi, awu kafe pu wu unde tishe. Iken titikyi wur ru pu yi, itishe ba pu yi.

Galatiya 6:15

Ko unde a tsen kutxin, ko awu a tsen-wu be, ayi si-yi ira iki be. Iken ti skeb si ti Rimam a kyae unde ti tishe.

Afisa 2:1

Kute ayi pangma ani na cwucwu, ikyaen ti ani nyatsa icwe na Rimam u nde ikentitibi.

Titus 3:5

u sa ti ruye uwae iken yine. I si-yi ikyaen wande-ti iki ti ati nde be, ayi si ikyaen ti awu nung ti te ayibrisi amam. Awu nde ayine yi fengo na Kusung-wu ti sisaen, awu ti ku kyaenyang utob-ti, ku nda ti unyang tishe.

Yakubu 3:17

Amaa, ben-ayib ti sī apupwen ba si ti saen kyag. Ayi ku shir kujimshwur ba, u ku nda unde nde wande-wu sku sku, u ku naa kutong ku fxen ira ande nyanyang. Ande ti site yi si ande ti ku nung risi ande, u ku nde na ande iken ti tinyang. Aba si-ba ande ti ku tsab ande tsab be, ko ande ti ku ri unju ifaen be.

1 Bitrus 1:3

Ti nde fxaefa na Rimam ti si Ite na Itsekuru-ti Yesu Kristi, ikyaen ti, uwae ayibrisi-wu ti kuko, awu nda ti unyang tishe yi uwae itinwunn na Yesu Kristi uwae iticwu. Ayine nda ti sa uwae tsi

1 Yohana 2:29

Ti ani nung pu ni baa, Kristi na si Unde ti Sisaen, ani u nung ama baa, unde ti a ku nde iken ti pang atang, awu na si umbae Rimam.

1 Yohana 3:9

Unde ti a si umbae na Rimam, awu u tsikunn-wu ikentitibi ti ti nde be, ikyaen ti, itso Rimam ta anying-wu. Awu ama u tsikunn-wu uwae ikentitibi be, ikyaen ti, Rimam si Itse-wu.

1 Yohana 5:1

Unde ti a ru uwae kinjo baa, Yesu na si Unde wu ti Rimam Tsab Tsi, awu si umbae Rimam. Unde ti a site ure te itse umbae, awu u ye ure te anyisu-wu ama.

1 Yohana 5:18

Ati nung pu ti baa, unde ti a si umbae Rimam, awu u tsikunn-wu ikentitibi ti ti nde be, ikyaen ti, Yesu, Umbae Rimam, ku nungkyi wu. Awu Shetann u nde-wu unde wu iken iki be.

1 Yohana 5:4

Ikyaen ti, unde ti a si umbae Rimam, awu ku ci rika risu utense. Iken ti ku nda ti ci rika risu utense si uwae kinjo.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.