Yohana 3:2 - Kutsingken Ira Rimam ti Saen Kyag

² Utitang usir iki awu ru ba uwog Yesu u ri baa, “Unde ti uwe, ati nung pu ti baa, afu na si unde tiyang ti Rimam tom ru ba. Unde iki u nde tu-wu wande tiyang ti afu ku nde ne be, se unde ti Rimam a te wu som tetso tawe.”

Yohana 3:2 Iomraidhean Croise

Matiyu 22:16

Isim ayine, aba tom ande ti imbyi-ba iki te ariki uwae ande ti isim Herodus ru ka uwog Yesu. Aba ka rang wu baa, “Unde ti uwe, ati nung pu ti baa, afu na si unde ti kubenti ama ku kwen na ande ira Rimam ti kubenti. Afu ku kab-fu rikaen ira ti ande ku kab be, ikyaen ti, afu ku fxen-fu atong risu iken ti unde ku tang baa, awu na si be.

Matiyu 23:7

Aba ku sha ti ande na kunnji ba ira uwae ritug baa, ‘Unde ti uwe.’

Matiyu 23:8

Ni cwe-ni ti ande a kunn ni baa, unde ti uwe be, ikyaen ti, ani si ameinja atso u site nyang unde ti uwe kinjo amam.

Markus 12:14

Aba ba uwog Yesu u ri baa, “Unde ti uwe, ati nung pu ti ti afu ku ri ira-fu ti kubenti. Afu ku tang-fu utob ti ira ti ande ku ri be. Cwucwo, afu si-fu pangma ande iki ti ku cwe ira ande iki skeb ariki be. Ama afu ku kwen na ande fengo ti kubenti na Rimam. Ri te ti, uwae Kutsingken Rimam, a cwe ti unde u pae aser ukwe na Kaisar a? Ati u pae kang aser ukwe na Kaisar ree, re ti ati u pae-ti be?”

Yohana 1:38

Yesu kafe uwe u sae ti aba putsa wu, ama rang baa, “Imi ti ani ku sha?” Aba rang wu baa, “Rabbi, afu ku nae-fu aka?” (Imbyi “Rabbi” baa, unde ti ku kwen na ande.)

Yohana 10:38

Amaa asiti ame a ku nde wande Itse-m, ko ani a ru-ni uwae kinjo uwog-m be, ni ru uwae kinjo uwae wande ti ku tso kuko Rimam ti ame ku nde. Ani a nde ahan, ani u nungye baa, Itse-m na ta uwae-m, ame na ta uwae Itse-m ama.”

Yohana 12:37

Ko ti awu nde wande tiyang ti tsotso uwe ande, aba ru-ba uwae kinjo uwog-wu be.

Yohana 14:10

Filip, afu ru-fu uwae kinjo baa, ame ta uwae Itse-m, Itse-m ta uwae-m, be a? Ira ti ame ku ri te ni ru yi uwog-m ba be. Ayi si awu Itse-m ti ta uwae-m, ti ku nde wande-wu uwae ijwe-m.

Yohana 15:24

A baa, ame na nde-m iken yine be, riraen iki ú ta-yi ukwae-ba be. Amaa tine aba nung pu ba iken ti ame nde, ama aba pyir m ti Itse-m meme u sa ti kuka.

Yohana 2:11

Iken ti Yesu nde uwae uten ti Kana ti Galili wune, si iken ti ku fur ayib ti kucang ti Yesu nde ti wu tso kuko-wu atang. Ikyaen iken yine ti awu nde, ande ti ku putsa wu ru uwae kinjo uwog-wu.

Yohana 20:16

Ama Yesu kunn wu ti rinyi baa, “Mberimu!” Mberimu kafe uwe tag wu u ri ti unju Mbayawuda baa, “Raboni!” (Imbyi-yi baa, “Unde ti ku kwen iken.”)

Yohana 3:26

Aba ande na Yohana kafe ru ba uwog Yohana u ri te wu baa, “Unde ti uwe, unde wu ti tu fu unju unyim ti Yordan akwen, nee afu ri ira risu-wu, awu ta ike u ku nde na ande batisma, ama ande meme ku ter ku ru yi uwog-wu.”

Yohana 4:31

Ti aba ta fengo ku ba, ande na Yesu ama ku ri te Yesu ike baa, “Unde ti uwe, ci wuci!”

Yohana 5:36

Amaa Iken iki ta atang ti ku tso kuko-m, ti rob skeb pu yi ira ti Yohana ri risu-m. Ira yine si wande-m ti ame ku nde. Ayi si wande ti awu Itse-m nda m ti m na nde. Wande yine ku ri ira risu-m u ku tso baa, awu Itse-m ti na tom m ru ba.

Yohana 6:2

Ande jwunn ba putsa wu ikyaen ti, aba nung pu ba iken ti ku fur ayib ti awu nde uwog ande ti acaeb ti ru ba uwog-wu.

Yohana 7:31

Ande ti funn atang yang akwen ru uwae kinjo uwog-wu u ku rang baa, “Kiye ti Unde wu ti Rimam Tsab Tsi a ru ba, awu u nde kyi wande ti u skeb wande ti unde wune nde ne njwaa?”

Yohana 9:16

Ariki uwae kumbub Farisi ri baa, “Unde ti nde wande yine, awu ru-wu uwog Rimam ba be, ikyaen ti, awu ye su-wu icwe na usir ikyinn be.” Ama ariki uwae-ba ku ri baa, “Á baa, unde wu na si-wu unde ti ru uwog Rimam ba be, awu ú kyang rimang titawe m ku nde itso wande ti kuko yine?” Ira yi nda ba kata kumbub ifaen.

Wande Atom 10:38

Ira yi si ti Rimam tsab Yesu unde ti Nazareti tsi, u nda wu kuko na Kusung Rimam. Yesu nwunn ku kyang kyi fe uwog meme, ku nde iken ti tinyang u ku nwangru ande ti ta uwae apyi na Shetann, ikyaen ti, Rimam te wu som te atso.

Wande Atom 2:22

“Ani ande ti Isirela! Ni naa atong! Yesu unde ti Nazareti si Unde wu ti Rimam Tsab Tsi. Rimam tatso pu wu ani ayine uwae wande ti kuko ti ti ku fur ayib ti awu nda Yesu nde. Ani ti risu-ni nung pu ni ayine, ikyaen ti, iken yi meme nde kutampwa-ni ike.

Filipi 1:14

Ama ameinja yang-ba akwen tsi ting ting fengo Itsekuru-ti Yesu skeb ti kucang, kiye ti aba nung baa, a na ye m cwunnkyi. Aba tsi ti kpakang u ku ya iskin ira Rimam, ikyenricwu ta-yi cwucwo be.