Yohana 3:16 - Kutsingken Ira Rimam ti Saen Kyag

¹⁶ “Rimam ye ure te ande ti utense ko timambe, ne iken ti nde awu nda ba Umbae-wu ti si nyáng kinjo-wu amam, ikyaen ti unde titini ti a ru uwae kinjo uwog-wu, awu ā twenji-wu be, amaa, awu ā tu unyang ti tsi kukunn.

Yohana 3:16 Iomraidhean Croise

Kucangtsi 22:12

Atom wu ri baa, “Ya ajwo ta ijwe mbae wune. Nde-fu awu iken iki be. Tine ame nung pu m baa, afu na site ikyenricwu Rimam, ikyaen ti, afu byang-fu ame umbae-fu ti si kum awu amam be.”

Kucangtsi 22:2

Ama Rimam ri baa, “Sa umbae-fu, ti urom ti si kum awu kinjo-wu amam, awu Ishaku, ti afu site ure te wu timambe. Ru yi uten Moriya, u ka sa wu twen ikentitwen atang na m, utaen rikwen ti ame u tso fu.”

Matiyu 9:13

Ni ru ti ni ka sha imbyi ira yi ti a bae uwae Kutsingken Rimam baa, Rimam na sha-wu ti a yerwen na wu ibye be, awu na ku sha ti ande na site utob na risi. Ame ba-m utense ikyaen ti m kunn ande ti ku nde iken ti tinyang be. Ame ba ikyaen ande ti ku nde ikentitibi.”

Markus 12:6

Tsitsi unde kinjo ti unde ti risaen site wu amam tiri; awu si umbae-wu ti utob uwae-wu. Awu ku tang baa, aba na u fxen kang umbae-wu. Ama awu tom ra umbae-wu ru uwae risaen atang.

Luka 2:14

“Rurob ā si ana Rimam ti skeb tag patag. Kujimshwur ā ba uwog ande ti awu ku tsen utob te ba uwae utense.”

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Yohana 1:18

Unde iki ta-wu ti nung ji pu wu Rimam be. Umbae-wu kinjo-wu amam, awu ti risu-wu ti si Rimam, ku som rinwan Itse-wu. Awu ti nda ande nungye Rimam.

Yohana 1:29

Ucwefam kiskinn Yohana nung Yesu ru ku ba yi uwog-wu. Awu ri baa, “Ni sae unde ti ru ku ba ne. Awu ti si umbae iwentam Rimam ti u su ikentitibi na ande ti utense ru.

Yohana 10:28

Ame ku nda ba unyang ti tsi kukunn, aba u cwu-ba cwu cwucwo be, ama unde iki ta-wu ti wu u rwae mbe ba ru uwog-m be ama.

Yohana 3:15

ikyaen ti unde titini ti a ru uwae kinjo uwog-wu, awu ā tu unyang ti tsi kukunn.

Yohana 3:18

“Unde titini ti a ru uwae kinjo uwog Umbae Rimam wu, rikwen u ye-yi awu be. Amaa unde ti a ru-wu uwae kinjo uwog-wu be, rikwen ye pu yi awu, ikyaen ti, awu ru-wu uwae kinjo uwog Umbae Rimam awu kinjo-wu amam be.

Yohana 3:36

Unde titini ti a ru uwae kinjo uwog Umbae Rimam wu site unyang ti tsi kukunn. Unde titini ti a pyir ira Umbae Rimam, awu u tu-wu unyang ti tsi kukunn be. Rinae Rimam u tsikunn risu-wu ru fife yi uwe.”

Yohana 6:40

Iken ti Itse-m ku sha si ti unde titini ti a sae Umbae-wu u ru uwae kinjo uwog-wu, unde wu na tu unyang ti tsi kukunn. Ame ama u kunn nwunn wu uwae iticwu uwae usir ti ricwunnkyi.”

Roma 5:10

Ati si ande rika Rimam, amaa, a pu ti kafe ba ren ure ti Rimam uwae iticwu na Umbae-wu, m baa tine ti ati ren pu ti ure te wu, ati u nwangru kang yi fengo na unyang na Umbae-wu.

Roma 5:8

Amaa, Rimam tatso ure-wu ba uwog-ti, ikyaen ti, ti ti ati ta uwae ikentitibi ti ti nde, Kristi cwu ricwu ikyaen-ti.

Roma 8:32

Awu ti byang-wu ati Umbae-wu be, ama cwe, u sa wu ruye ikyaen-ti meme, awu u sha na-wu ati iken ti tsitsi ti utob-wu kinjo be a.

Afisa 2:4

Amaa ayibrisi na Rimam ko timambe. Ure-wu uwog-ti si-yi ti ti ri be.

2 Tesalonika 2:16

Ameinja, ati ku jwam Itsekuru-ti Yesu Kristi risu-ni, ti Itse-ti Rimam ti site ure te ti, ama tatso ti itinyang-wu yi fengo na kpakang utob ti tsikukunn fa te uwae ti tsi risu iken ti tiyang ti ku ba uwe.

Titus 3:4

Amaa, Rimam, awu ti nwangru-ti, tso itinyang-wu ti ure-wu ru ba uwog-ti,

Mbaibrane 2:9

Amaa, ati nung unde wu ti a ko ra wu sī skeb atom ti apupwen, awu si Yesu. A nda wu rurob ti riyinn, ikyaen ti, awu ngwa rikaen iticwu. Ayine si ikyaen ti, yi rinyangwae Rimam, awu na u cwu kutunn unju ande meme.

1 Yohana 3:1

Ni sae utso ure ti Itse-ti Rimam ye te ti, ti awu cwe ti a na kunn ti baa anyisu-wu. Kubenti, ati si anyisu-wu ara. Iken ti nde ne ande ti utense nung-ba ati be si ikyaen ti, aba nung-ba Itse-ti Rimam be.

1 Yohana 4:19

Ati ku ye ure te ande ikyaen ti, Rimam tawe ye ure te ti.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.