Yohana 3:11 - Kutsingken Ira Rimam ti Saen Kyag

¹¹ “Ame ku ri te fu kubenti baa, ati ku ri ira risu iken ti ati nungye u ku ri te ni ira risu iken ti ati sae ti ayib-ti, amaa ani paembe-ni ira-ti ayi be.

Yohana 3:11 Iomraidhean Croise

Matiyu 11:27

“Itse-m nda pu wu ame iken meme. Unde iki nung-wu umbae Rimam be, si nyang Itse-wu amam. Unde iki ama nung-wu Itse ti apupwen be, si nyang umbae-wu amam ti ande ti awu a ku sha ti wu u tatso ba.

Matiyu 23:37

“Ani ande ti Urushelima! Ani ande ti ku wen atom Rimam u ku pu atxom jwunn ande ti Rimam tom ba uwog-ni. Ko kiye titini, ame ku sha ti m u kunn byir-ni pangma ti mbakunn ku byir anyisu-wu yi asae-wu, amaa, ani cwe-ni be.

Luka 10:22

Uwog ne, Yesu ri te ande ti putsa wu baa, “Itse-m nda pu wu ame iken meme. Unde iki ta-wu ti nungye Umbae Rimam be, nyang Itse-wu amam. Cwucwo unde iki ta-wu ti nungye Rimam be, nyang Umbae-wu amam, fa ti ande ti awu ku cwe ira-ba u tatso ba.”

Yohana 1:11

Ayi si uten-wu ti awu ru ba sang atang, amaa ande ti uten-wu kyangte-ba wu be.

Yohana 1:18

Unde iki ta-wu ti nung ji pu wu Rimam be. Umbae-wu kinjo-wu amam, awu ti risu-wu ti si Rimam, ku som rinwan Itse-wu. Awu ti nda ande nungye Rimam.

Yohana 12:49

Ira yi ti ame ku ri, ame ku ri-m ayi ti risu-m be, i si awu Itse-m ti tom m ba, awu ti nda m ira ti ame ku ri.

Yohana 14:24

Unde titini ti ye-wu ure te m be, awu ku nae-wu risu riben te ira-m be. Ni tangsom ama baa, ira ti ani fxen uwog-m ne si-yi ana-m be, ayi ru uwog Itse-m ti tom me tom ba.

Yohana 3:12

Ame ku ri te fu ira risu iken ti utense ike. Amaa asiti afu a ru-fu uwae kinjo atang be afu u nde rimang u ru uwae kinjo kiye ti ame a ri te fu ira risu iken ti apupwen?

Yohana 3:13

“Unde iki ta-wu ti tso ka pu wu apupwen be, se awu Umbae Unde amam. Awu ti nung iken ti apupwen, ikyaen ti, awu si apupwen ba.

Yohana 3:3

Yesu ri te wu baa, “Ame ku ri te fu kubenti, unde ta-wu ti awu u sang Kujwokwe Rimam be, se iken ti a mbae shem pu ba awu tawe.”

Yohana 3:5

Yesu ri te wu baa, “Ame ku ri te fu kubenti, unde iki u sang-wu Kujwokwe Rimam be se unde ti a mbae pu ba awu yi fengo na ambyi, ti ana Kusung.

Yohana 5:43

Ame nung iken yine, ikyaen ti, ame ru ba pu m yi rinyi na Itse-m, ani paembe-ni ame be. Kiye ti unde iki a ru ba ti kuko ti risu-wu ani ku paembe wu.

Yohana 7:16

Yesu ri te ba baa, “Iken ti ame ku kwen si-yi iken ti kwen-m be, ayi ru uwog Rimam ba, awu ti tom me ru ba.

Yohana 8:14

Yesu ri te ba baa, “Ko asiti ame a ku tso risu-m, ayi si ira ti kubenti ikyaen ti, ame nung pu m uwog wu ti ame ru atang ba, ti uwog ti ame ku ru yi atang.

Yohana 8:26

Ame site ira kuko ti m u ri risu-ni, ti ira kuko ti u tso ikentitibi-ni, amaa ira ti ame ri te ande ti utense si ira ti ame fxen uwog unde wu ti tom me ru ba. Awu tsi kunn kubenti.”

Yohana 8:38

Iken ti ame ku ri te ni si iken ti ame nung uwog Itse-m. Iken ti ani ku nde si iken ti ani fxen uwog itse-ni.”

Wande Atom 22:18

Uwae iken yi ame nung Yesu ku ri ira te m baa, ame na nde fife ti m na nwunn Urushelima, ikyaen ti, ande ti ta ike na u cwe-ba ira ti ame na ku ri risu-wu be.

2 Korinti 4:4

Aba si ande ti ru-ba uwae kinjo be, ikyaen ti, Shetann ukwe utense wune byi kyi pu wu utob-ba, ikyaen ti aba ā nung-ba uwog ti paenine ti ku ba uwog-ba be. Uwog ti saen kyag ne si Ira Tinyang risu Yesu Kristi, awu ti site kuko, ku tso ti itso unde ti Rimam tsi.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.