Yohana 2:2 - Kutsingken Ira Rimam ti Saen Kyag

² A yae Yesu ti atugbug-wu ru ba atang ama.

Yohana 2:2 Iomraidhean Croise

Matiyu 12:19

Awu ku fwan-wu kubyag be, ku taen-wu ira be. A ku fxen-ba ufxenjwin-wu yi fengo kum be.

Matiyu 25:40

“Ukwe-ba wu ama u cwe baa, ‘Ame ku ri te ni kubenti, ti ani nde iken yine te unde ti yib siskeb uwae ameinja-m abane, ani nde yi te m.’

Matiyu 25:45

“Awu u ri te ba baa, ‘Ame ku ri te ni kubenti, ti ani nde na-ni unde ti yib siskeb uwae ande bane be, ani nde na-ni ame be.’

Yohana 2:12

Isim iken yine Yesu ti iya-wu ti ameinja-wu ti ande ti ku putsa-wu ru yi uten ti Kaparnawum u som atang ka usir kpang.

Yohana 2:17

Ti ande ti putsa wu nung iken yine, aba tangsom ti ira ti a bae uwae Kutsingken Rimam baa, “Ure ti ame site risu kusog Rimam si urwa ti ku ten uwae utob-m.”

Yohana 2:22

Ama ande ti putsa wu nungye-ba imbyi ira-wu ayi be, se isim ti a kunn nwunn wu uwae kuskab, titawe aba tangsom baa, awu ri ira yine. Aba ru uwae kinjo ti ira yi ti a bae uwae Kutsingken Rimam fa ti ira ti Yesu tsag te ba meme.

Yohana 2:3

Kiye ti iken ti ngwa mam fe, Mberimu iya Yesu ru ba ri te wu baa, “Iken ti ngwa mam tag pu yi.”

Yohana 3:22

Isim ayine, Yesu ti atugbug-wu nwunn ru yi uten ti Mbayawuda. Awu nde usir ifaen te ba atang u ku nde na ande batisma.

Yohana 4:2

Yesu ti risu-wu nde na-wu ande iki batisma be, se atugbug-wu amam ti ku nde ande batisma.

Yohana 4:33

Aba rang atso baa, “Unde iki nda wu wuci njaa?”

Yohana 4:8

Kiye wu, atugbug-wu nwunn pu ba, u ru ka sang uwae uka ti a na jab iken ti ci.

Yohana 6:12

Kiye ti aba ci kyaen pu ba awu ri te ande-wu baa, “Ni byir amumunn ti tsitsi byir ikyaen ti ayi ā ndembeb-yi ti ukaen amen be.”

Yohana 6:16

Usir pang kujwo ureb, ande na Yesu si yi unju uyinn

Yohana 6:60

Ande-wu fxen ira yine u ri baa, “Iken ti kwen ayine bom pang-yi. Aye ti u kyangte ira yine?”

Yohana 6:66

Ikyaen ira ti awu ri ne, ande ti ku putsa-wu yang-ba akwen kafe ti isim u putsa-ba awu cwucwo be.

Yohana 6:67

Ama Yesu ri te ande rijwe asu ifaen ti awu tsab ba tsi baa, “Ani ama re? Ani u ya m ta ama a.”

Yohana 6:70

Yesu ri te ba baa, “Unde ti tsab ni rijwe asu ifaen si-yi ame be a? Ama kinjo uwae-ni si-wu umbae Shetann.”

Yohana 6:71

Yesu ri ira yine risu Yawuda umbae Siman Iskariyoti, ikyaen ti ko ti awu Yawuda si kinjo uwae ande ti Yesu tsab ba, awu ku kwab ti awu na u ye Yesu jabci.

Yohana 6:8

Unde kinjo uwae ande ti ku putsa Yesu, ti rinyi-wu si Andarawu, inja Siman Bitrus, ri te wu baa,

Yohana 7:3

Ameinja Yesu ba ri te wu baa, “Ya uwog wune ta ti ru yi Yawudiya ikyaen ti ande ti ku putsa-fu ā nung wande ti kuko ti afu ku nde.

Wande Atom 11:26

Ti awu ka tu wu, awu pu wu ba Antiyok. Uwae kusang kinjo, aba som te ande na Yesu ti Antiyok, ku kwen na ande yang-ba ira Rimam. I si uwae uten ti Antiyok né a bag ku kunn ande na Yesu baa, ande ti Kristi.

Wande Atom 11:29

Ikyaen na yine ande na Yesu ti ta uten ti ise ri baa, ayi na u nyang skeb ti a na ndeya ameinja-ba ande na Yesu ti ta uten ti Yawudiya. Unde titini uwae-ba na u tom iken ti awu na ndetu.

1 Korinti 10:31

Iken meme ti afu a ku nde, ko ayi a si iken ti afu ku ci, ko iken ti afu ku ngwa, nde iken ayi yi fengo ti u sa kuko na Rimam.

1 Korinti 7:39

Unda ku som kang te ubaen-wu se ubaen-wu a cwu pu wu. Ubaen-wu a cwu pu wu titawe awu u ndeye ti wu baen unde iki ti nyang uwae-wu. Amaa, awu ā baen unde ti site ure te Itsekuru.

Kolosi 3:17

Uwae iken meme ti ani ku nde, ti uwae ira meme ti ani ku ri, ni nde iken-ni uwae rinyi na Itsekuru-ti Yesu. Yi rinyi-wu ayi ama, ni nde fxaefa na Itse-ti Rimam.

Mbaibrane 13:4

Ko aye ā ye su icwe ribaen-ba ti rurob. Unda ti urom ā pu ajib tso-ba risu uwaen ribaen-ba be. Ikyaen ti, Rimam u pwen meme ande ti amae ti iyag rikwen.

Ititatso 3:20

Nung, ame tsi ufu kusog ku kwer kujwo. Unde ti a fxen ufxenjwin-m, u mbub ufu ta, ame u sang ba tu wu, u te wu ci tetso, awu ama u ci te m.