Yohana 2:11 - Kutsingken Ira Rimam ti Saen Kyag

¹¹ Iken ti Yesu nde uwae uten ti Kana ti Galili wune, si iken ti ku fur ayib ti kucang ti Yesu nde ti wu tso kuko-wu atang. Ikyaen iken yine ti awu nde, ande ti ku putsa wu ru uwae kinjo uwog-wu.

Yohana 2:11 Iomraidhean Croise

Itiruye 14:31

Ti Isirela nung kuko Yaweh ti awu tso risu ande ti Ejib, aba kyen ikyenricwu Yaweh, u ru kubenti uwog Yaweh ti upyi-wu Musa.

Itiruye 4:9

Asiti aba a ru-ba kubenti uwog-fu, ko ti iken ti ku fur ayib ifaen yine be, txi ra ambyi uwae uyinn Nel ti sa yaen mbub riben, ama ambyi yi u kafe anying.”

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Yohana 1:17

Uwog Musa ati tu Icwe Rimam, amaa uwog Yesu Kristi ati tu rinyangwae ti ira ti kubenti.

Yohana 1:43

Ucwefam-yi Yesu sa uwae tsi baa, awu na u nwunn ru yi uten ti Galili. Ti awu ku ruru, awu tu unde iki ti rinyi-wu si Filip u ri te wu baa, “Putsa m!”

Yohana 1:50

Yesu rang wu baa, “Afu ru uwae kinjo uwog-m ikyaen ti ame ri baa, ame na nung fu imbyi kututung a? Afu u nung iken ti ku fur ayib yang-yi ti skeb ayine.”

Yohana 10:41

Ande yang akwen ru ba tu wu atang u ku ri baa, “Yohana nde-wu wande iki ti ku tso kuko na Rimam be, amaa meme ira ti awu ri risu unde wune si kubenti!”

Yohana 11:15

amaa ikyaen ira-ni ame ku tsen utob ti m ta-m atang te wu be. Iken yine nde ikyaen ti ni na ru uwae kinjo. Ni sunwunn ti ti ru yi uwog-wu.”

Yohana 11:47

Ikyaen yine aba ande ti Farisi ti ande ti uwe akwen Rimam ru ka kunn byir ande ndufu ti ku myae ira meme u ru ka ri te ba baa, “Ati u nde rimang? Unde wune ku nde wande ti tsotso ti ku fur ayib.

Yohana 12:18

Iken ti nde titawe ande yang akwen ru ba byir uwog wu, si ikyaen ti, aba fxen pu ba baa, awu na nde wande ti ku fur ayib wune.

Yohana 12:37

Ko ti awu nde wande tiyang ti tsotso uwe ande, aba ru-ba uwae kinjo uwog-wu be.

Yohana 12:41

Ishaya ri ira yine ikyaen ti, awu sae pu wu riyinn Yesu ama ri ira risu-wu.

Yohana 14:13

Ama ko iken titini ti ani a jwam yi rinyi-m meme, ame u nde yi ikyaen ti ande na u nda Itse-m kuko ikyaen Umbae-wu.

Yohana 16:27

Ikyaen ti, awu Itse-m ti risu-wu site ure te ni. Awu ye ure te ni ikyaen ti, ani ye ure te me u ru pu ni uwae kinjo baa, ame na ru uwog-wu na ba.

Yohana 16:30

Ati nungye pu ti tine baa, afu na nung pu fu iken meme. Afu nung iken ti ande ku kab uwae utob-ba titawe aba ku rang fu ira risu-yi. Ayine nda ti ru uwae kinjo baa, afu na ru uwog Rimam ba ara.”

Yohana 2:1

Uwae usir ti fa ti ita a pu unda ishe uwae uten ti Kana ti ta uwae uten ti Galili. Iya Yesu ta uwog ukwab atang ama.

Yohana 2:23

Kiye ti Yesu ta Urushelima kiye na ukwab tiyang, awu nde iken ti ku fur ayib uwe ande atang. Ande yang-ba akwen nung iken yi u ru kubenti uwog-wu.

Yohana 3:2

Utitang usir iki awu ru ba uwog Yesu u ri baa, “Unde ti uwe, ati nung pu ti baa, afu na si unde tiyang ti Rimam tom ru ba. Unde iki u nde tu-wu wande tiyang ti afu ku nde ne be, se unde ti Rimam a te wu som tetso tawe.”

Yohana 4:3

Ti awu nungye ira yine, awu nwunn u ya uten ti Yawudiya ta u kafe ku ru ti yi uten Galili.

Yohana 4:46

Kiye wune awu kafe ru ba kyi ti Kana ti Galili, uwog ti kute awu sa ambyi kafe ambyi anam. Unde ti rurob iki na gomnati ta atang ti umbae-wu nae kicaeb uwae uten ti Kaparnawum.

Yohana 4:54

Ayine si wande ti fa ti ifaen ti Yesu nde nee awu tso kuko-wu, isim ti awu nwunn uten ti Yawudiya ru ba Galili.

Yohana 5:23

ikyaen ti ande meme na nda Umbae Rimam kuko pangma ti aba ku nda Itse-wu Rimam. Unde ti a ku nda-wu Umbae Rimam kuko be, ye si Itse-wu Rimam ti tom wu ba.

Yohana 6:14

Kiye ti ande nung iken yi ti ku fur ayib ti awu nde ne aba ri baa, “Kubenti, awune ti si Unde wu ti ku ya iskin ira Rimam ti kubenti ti a ri baa, awu na u sang ba utense.”

Yohana 6:2

Ande jwunn ba putsa wu ikyaen ti, aba nung pu ba iken ti ku fur ayib ti awu nde uwog ande ti acaeb ti ru ba uwog-wu.

Yohana 6:26

Yesu cwe ba unju baa, “Ame ku ri te ni kubenti, iken ti nde nee ani ku sha rifab-m si ikyaen ti, ani ci u kyaen ti buredi yi kiye wu, si-yi ikyaen ti ani nung iken ti tatso kuko Rimam be.

Yohana 6:30

Aba ama jwam wu baa, “Nde wande ti kuko ti ati u sae u ru uwae kinjo uwog-fu! Tatso ti iken ti afu u ndetu.

Yohana 7:31

Ande ti funn atang yang akwen ru uwae kinjo uwog-wu u ku rang baa, “Kiye ti Unde wu ti Rimam Tsab Tsi a ru ba, awu u nde kyi wande ti u skeb wande ti unde wune nde ne njwaa?”

Yohana 9:16

Ariki uwae kumbub Farisi ri baa, “Unde ti nde wande yine, awu ru-wu uwog Rimam ba be, ikyaen ti, awu ye su-wu icwe na usir ikyinn be.” Ama ariki uwae-ba ku ri baa, “Á baa, unde wu na si-wu unde ti ru uwog Rimam ba be, awu ú kyang rimang titawe m ku nde itso wande ti kuko yine?” Ira yi nda ba kata kumbub ifaen.

2 Korinti 3:18

Meme-ti tine, kutupwa takyi-yi uwe-ti be. Ikyaen na yine uwe-ti si pangma iken ti ku sae ayib ti ande ku sae uwog ti saen kyag na rurob Rimam atang. Ati ti risu-ti, rurob Rimam wune ku nda ti kafe pangma awu Rimam, u ku nda ti riyinn ti ko ku fufa ru ku fife yi uwe. Ayine si wande na awu Itsekuru-ti, awu ti si Kusung Rimam wu.

2 Korinti 4:17

Rikaen ti pang ti ati ku ngwa utense ike u wur ru ti ritsen, amaa ikyaen-yi, ati u tu kuko ti riyinn ti itimyae-yi ta-yi be uwog Rimam apupwen, uwog ti ati u som kukunn atang. Riyinn yine, si-yi ti a u myae yi ti rikaen ti ati ku ngwa utense ike be.

2 Korinti 4:6

Ti kute, Rimam ri baa, “Uwog ti paenine ā ruye uwae kufub.” Si sí awu ti nda pu wu ati uwog ti sisaen uwae riyaen utob-ti, ikyaen ti ati ama na u tso ande ti tsitsi kuko ti riyinn ti awu site, ayi kuko ti riyinn ti a ku nung yi kutxuwe Yesu Kristi.

1 Yohana 5:13

Ame bae ira yine ku na ni ande ti ru kubenti uwae rinyi na Umbae Rimam ikyaen ti ni na nung baa, ani na site unyang ti tsi kukunn.