Yohana 19:4 - Kutsingken Ira Rimam ti Saen Kyag

⁴ Cwucwo Bilatus kafe ruye u ka tu ande ba ti funn atang u ri te ba baa, “Ni nung, ame u sa wu ruye na ni ti ni nung baa, ame na tu-m awu te riraen iki be.”

Yohana 19:4 Iomraidhean Croise

Matiyu 27:19

Cwucwo, kiye ti awu ku pwen Yesu rikwen, uwa-wu tom unde iki ba ri te wu baa, “Nde-fu iken iki te unde ti saen kyag wune be, ikyaen ti, ame ngwa rikaen yang-yi akwen uwae kurwa ikyaen-wu.”

Matiyu 27:24

Kiye ti Bilatus nung baa, ande na ku fxen-ba awu cwucwo be, ama ira yi kafe-yi rika tiri, awu sa ambyi ba jwosaen ajwo-wu u ri baa, “Anying unde wune ta-yi risu-m be. I si ira-ni tiri.”

Matiyu 27:4

Awu ri te ba baa, “Ame raen pu m ira ti ame ye unde ti raen-wu ira be jabci na ni.” Aba ri te wu baa, “Ahoo, ira-ti iki fa atang a. Nde iken ti afu ku sha.”

Matiyu 27:54

Kiye ti unde ti uwe na akyirten, ti ande umbyi-wu ti ku kyir kuskab Yesu nung utense ti kyi ijwe, fa ti meme iken yi ti nde, ikyenricwu ye ba si-yi ti ti ri be. Aba ri baa, “Ayi si kubenti, unde wune si Umbae Rimam.”

Luka 23:4

Tiri Bilatus ri te ande ti uwe ande ti ku fen Rimam ti ande ti tsitsi ti funn atang baa, “Ame tu-m riraen iki uwog unde wune be.”

Luka 23:41

amaa, ana-ti, a pwen ti rikwen pang atang. Ati ku bunn iken ti ati tom. Ana-wu, awu nde-wu iken iki titibi be.”

Luka 23:47

Unde ti uwe akyirten nung iken yi ti nde ne u teb rinyi Rimam u ku ri baa, “Kubenti, unde wune nde-wu iken titibi be.”

Yohana 18:33

Bilatus kafe ba sang yi kusog gwamna u nda dogari pu Yesu ru ba tsi uwe-wu u byib wu baa, “Afu ti si ukwe na Mbayawuda a?”

Yohana 18:38

Bilatus rang wu baa, “Imi ti si kubenti?” Ti Bilatus ri tag ira yine, awu nwunn u kafe ruye yi ise uwog ande ndufu Mbayawuda u ri te ba baa, “Ame tu-m unde wune ti riraen iki be.

Yohana 19:6

Kiye ti akwen Rimam tiyang ti dogari ba nungye wu, aba tso ukunn baa, “Ni kwer wu! Ni kwer wu!” Ama Bilatus ri te ba baa, “Ni pu wu ka kwer-ni te ajwo-ni, ikyaen ti, ame tu-m awu te riraen iki be.”

2 Korinti 5:21

Ayi si ikyaen-ti ti Rimam sa Yesu Kristi tsi pangma awu na si unde ti nde ikentitibi, ko ti awu ndeji-wu ikentitibi be, ikyaen ti, yi uwae wande-wu, ati u si ande ti kubenti uwe Rimam.

Mbaibrane 7:26

Ayi kpang atang ti, ti ati site itso kukwen tiyang ne, ti som sisaen, u site-wu riraen ko ajib be, u txi ra te ande ti ku nde ikentitibi, u site rurob ti skeb meme iken ti apupwen.

1 Bitrus 1:19

Ayi si anying na Kristi ti bom kujaeb timambe. Kristi ti si umbae mbawen ti tsaen fufxer u si-wu ti ajib be ti a sa anying-wu jaeb mbe ni atang.

1 Bitrus 2:22

Awu nde ji-wu ikentitibi be. Awu wer-wu rifen usir iki be.

1 Bitrus 3:18

Kristi ti risu-wu ngwa rikaen risu ande titibi. Awu ti si unde ti kubenti cwu ricwu ikyaen ande ti shanum kubenti, ti wu na pu ti ba uwog Rimam. A wen wu yi rimenn ijwe, yi Kusung a ye wu nwunn wu ti unyang.

1 Yohana 3:5

Ani nung pu ni baa, Kristi na ru ba ikyaen ti wu su ikentitibi-ti ru. Awu ku nde-wu ikentitibi ama be.