Yohana 17:3 - Kutsingken Ira Rimam ti Saen Kyag

³ Unde ti site unyang ti tsi kukunn, awu u nungye fu Rimam, afu amam ti si Rimam ti kubenti. Cwucwo, awu u nungye Yesu Unde ti Rimam Tsab Tsi, u tom ba.

Yohana 17:3 Iomraidhean Croise

Markus 9:37

“Unde ti a ku paembe umbae ti kitinying pangma anyisu tinying bane yi rinyi-m, si ame ti awu ku paembe. Cwucwo, unde titini ti a ku paembe m, si-yi ame ti wu ku paembe amam be. Awu ku paembe Rimam ti tom me ba.”

Luka 9:48

Awu ri te ande ti putsa-wu baa, “Unde ti a kyangte umbae uwae rinyi-m awu kyangte pu wu ame ama. Cwucwo unde ti a kyangte m, awu kyangte pu wu unde ti tom me ru ba, ikyaen ti, unde ti yib siskeb uwae-ni si unde ti ko siskeb uwe Rimam.”

Yohana 10:36

ame ama re? Awu Itse-m tsab ra m u tom m sang ba yi utense. Ani nde rimang titawe u ku ri-ni baa, ame na rimbeb rinyi Rimam kiye ti ame ri baa, ame na si Umbae Rimam?

Yohana 11:42

Ame nung pu m baa, afu na ku fxen m ko kiye titini, amaa ame ku ri ira yine ikyaen ande ti ta ike ne, ikyaen ti ā nungye baa, afu ti na tom m ba utense.”

Yohana 14:26

Awu Kusung ti Saen Kyag, Kusung Itindeya, ti Itse-m u tom si ba uwog-ni yi rinyi-m, awu u kwen tatso ni iken meme, awu u tangsom na ni iken ti ame ri te ni meme.

Yohana 17:18

Pangma ti afu tom me ru ba yi utense, ame tom ba ru ka sang kutampwa ande ti utense ama.

Yohana 17:21

Ame ku jwam ti meme-ba na si kinjo, ama ti aba ā ren tso uwog-ti, pangma ti afu Itse-m ta uwae-m, ame ama ta uwae-fu. Ame ku jwam yine ikyaen ti ande ti utense ā ru uwae kinjo baa, afu ti na tom me ru ba.

Yohana 17:23

Pangma ti afu ta uwae-m, ame ama ta uwae-ba, ikyaen ti aba meme-ba ā si kinjo rikaen. Ayine u tatso ande ti utense baa, afu ti na tom me, ama afu na site ure te ba pangma ti afu na site ure te m.

Yohana 17:25

Itse-m, afu ti ku nde nyang iken ti kubenti amam, ande ti utense nung-ba afu be, amaa ame nung pu m afu. Ande ba nung pu ba ama baa, afu ti na tom me.

Yohana 17:8

Ame sa ira ti afu ri te m tsag te ba, aba ama paembe yi. Aba nung pu ba baa, ayi na si kubenti ti ame ru uwog-fu ba, ama aba ru uwae kinjo baa, afu ti na tom me.

Yohana 3:17

Iken ti nde Rimam tom Umbae-wu ba utense si-yi ti wu na pwen ande rikwén be. Ayi si ti wu na nwangru ba.

Yohana 3:34

Awu ti Rimam tom wu tom ba, ira-wu ti awu ku ri, si ana Rimam, ikyaen ti, Rimam nda wu kuko na Kusung-wu ti ititsikunn-yi ta-yi be.

Yohana 5:44

Ani ku sha ti ni u tu risu tinyang uwog atso, amaa ani ku sha-ni ti ni u tu risu tinyang uwog Rimam be, awu ti si kinjo-wu amam. Né iken ti nde ani ru-ni uwae kinjo uwog-m be.

Yohana 6:57

Itse-m ti tom me ru ba. Ame site unyang ikyaen ti, awu site unyang. Ayi si ahan ama uwog unde ti a kub ibye rimenn-m, awu u som ti unyang ikyaen-m.

Yohana 7:29

Ame nung wu ikyaen ti, ame ru uwog-wu ba, awu ti tom m ba.”

Yohana 8:19

Aba rang wu baa, “Itse-fu awu ta aka?” Yesu ri te ba baa, “Ani nung-ni ame, ko Itse-m be. A baa, ani na nung m, ani ú nung pu ni Itse-m ama.”

1 Korinti 15:34

Ni ya ira ti askwab yine ta ti ni fxae ikentitibi-ni. Ame nung baa, ariki uwae-ni nung-ba Rimam be. Ayine si iken ti ku wae rukwae timambe.

1 Korinti 8:4

Yi ira risu wuci ti a pu fen apxin atang, ati nung pu ti baa, apxin na site-yi unyang be. Ati nung pu ti ama baa, Rimam na si kinjo amam.

2 Korinti 4:6

Ti kute, Rimam ri baa, “Uwog ti paenine ā ruye uwae kufub.” Si sí awu ti nda pu wu ati uwog ti sisaen uwae riyaen utob-ti, ikyaen ti ati ama na u tso ande ti tsitsi kuko ti riyinn ti awu site, ayi kuko ti riyinn ti a ku nung yi kutxuwe Yesu Kristi.

Filipi 3:10

Iken kinjo ti ame ku sha si ti m nung Kristi, fa ti kuko ti ana-wu ti nda wu nwunn uwae kuskab ti unyang. Ame ku sha ti m tu kutunn-m uwae rikaen ti awu ngwa. Ame ku sha ti m putsa afxen-wu yi iticwu-wu,

Filipi 3:8

Ayi si-yi iken yine amam be. Iken meme pab ti ame site yi, ame pwen yi baa, ayi na si iken ti ukaen ikyaen ti, ayi nyang skeb tag ti m nung Yesu Kristi Itsekuru-m. Ame ya iken meme ta ikyaen ti m tu Yesu. Iken na ijwe yine, ame sa yi tsi pangma iken ti isor ikyaen ti ame na u tu Kristi,

1 Tesalonika 1:9

Ikyaen ti, aba ti ku ri te ti fengo ti ani kyangte ti uwog-ni ti ajwo ifaen, ti fengo ti ani ya ira apxin ta u ba putsa ira Rimam, ama tine ani na ku fen Rimam, awu ti site unyang u si Rimam ti kubenti.

2 Tesalonika 1:8

uwae urwa ti ku cwe jig jig. Ama awu u sa rikwen na Rimam ru ba risu ande ti nung-ba Rimam be, u cwe-ba ti aba na u nae risu riben na Ira Tinyang na Itsekuru-ti Yesu be.

Mbaibrane 3:1

Ikyaen yine, ameinja ti sisaen, ti te ti tu itikunn Rimam tetso, ni tangsom te Yesu ti ati ku ri te ande baa awu na si Atom Rimam u si kukwen-ti tiyang.

2 Bitrus 1:2

Rimam ā nda ni itinyang ti utob ti nae riben ko fufa ru yi uwe, yi fengo na iken ti ani ku kwen risu-wu ti risu Yesu Itsekuru-ti.

2 Bitrus 1:3

Rimam, yi uwae kuko-wu, nda pu wu ati meme iken ti u nda ti siser yi fengo Rimam, ti si fengo na unyang tishe. Ati tu iken yine ikyaen ti ati ba nungye Yesu Kristi, ti uwog itinyang-wu ti nyang timambe.

2 Bitrus 1:8

Asiti ani a site itso utob yine, ama ayi a ko fufa ku ru yi uwe, ayi u nda ni si ande ti u ndetu wande, u waen awaen ti tinyang uwae itinungye-ni na Itsekuru-ti Yesu Kristi.

1 Yohana 1:2

Unyang wune tso risu-wu, ati nung pu ti awu, u ku ri ira risu-wu. Ati ku tsag te ni ira unyang ti tsi kukunn wune ti te Rimam ta tetso kucang, ama tine awu tso risu-wu uwog-ti.

1 Yohana 1:3

Iken ti ati sae u fxen, si ayi ti ati tsag ku te ni, ti ni na ren risu te ti. Kubenti, risu ti ren-ti ayi si risu ti ren te Itse-ti Rimam ti Umbae-wu Yesu Kristi.

1 Yohana 2:23

Unde ti a pyir ira Umbae Rimam, awu pyir pu wu Itse-wu ama. Unde ti a kyangte Umbae Rimam, awu kyangte pu wu Itse-wu ama.

1 Yohana 4:6

Ati si ana Rimam. Unde ti a nung Rimam, awu u fxen ti. Unde ti a nung-wu Rimam be, awu u fxen-wu ati be. Fengo wune, ati u nungye Kusung ti kubenti ti kusung ti tikong.

1 Yohana 5:20

Ati ama nung pu ti baa, Umbae Rimam na ba nda pu wu ati itinungye, ti ti na nung Rimam, awu ti si kubenti. Ati ama ta uwog awu ti si kubenti, ikyaen ti, ati bae fa Umbae-wu Yesu Kristi. Awu ti si Rimam ti kubenti, u si unyang ti tsi kukunn.