Yohana 16:3 - Kutsingken Ira Rimam ti Saen Kyag

³ Aba u nde iken yine te ni ikyaen ti, aba nung-ba Itse-m be, a nung-ba ame be ama.

Yohana 16:3 Iomraidhean Croise

Luka 10:22

Uwog ne, Yesu ri te ande ti putsa wu baa, “Itse-m nda pu wu ame iken meme. Unde iki ta-wu ti nungye Umbae Rimam be, nyang Itse-wu amam. Cwucwo unde iki ta-wu ti nungye Rimam be, nyang Umbae-wu amam, fa ti ande ti awu ku cwe ira-ba u tatso ba.”

Yohana 15:21

“Meme rikaen ti aba u nda ni si ikyaen ti ani si ande ti ana-m, ikyaen ti, aba nung-ba unde wu ti tom me ru ba be.

Yohana 15:23

Unde titini ti awu a sa m kuka awu sa pu wu Itse-m kuka ama.

Yohana 17:25

Itse-m, afu ti ku nde nyang iken ti kubenti amam, ande ti utense nung-ba afu be, amaa ame nung pu m afu. Ande ba nung pu ba ama baa, afu ti na tom me.

Yohana 17:3

Unde ti site unyang ti tsi kukunn, awu u nungye fu Rimam, afu amam ti si Rimam ti kubenti. Cwucwo, awu u nungye Yesu Unde ti Rimam Tsab Tsi, u tom ba.

Yohana 8:19

Aba rang wu baa, “Itse-fu awu ta aka?” Yesu ri te ba baa, “Ani nung-ni ame, ko Itse-m be. A baa, ani na nung m, ani ú nung pu ni Itse-m ama.”

Yohana 8:55

Amaa ani nung ji-ni awu khika be, ame nung pu m awu. A baa ame na ri baa, ame na nung-m awu be, ame ú si unde rifen pangma ani, amaa ame nung pu m awu u ku fur risu riben te ira-wu ama.

Wande Atom 3:17

Bitrus ri kyi cwucwo baa, “Ameinja! Ame nungye pu m baa, iken yi ti ani nde ne, ti iken yi ti ande ti uwe-ni nde te Yesu ne, ani nde yi uwae kufub.

1 Korinti 2:8

Ko kinjo uwae abikwe ti site kuko uwae utense ta-wu ti nung ira ben-ayib na Rimam yine be. Á baa, aba na nungye yi, aba ú cwe-ba ti a u ye Itsekuru-ti ti site riyinn patag kwer risu kutuku ti cice be.

2 Tesalonika 1:8

uwae urwa ti ku cwe jig jig. Ama awu u sa rikwen na Rimam ru ba risu ande ti nung-ba Rimam be, u cwe-ba ti aba na u nae risu riben na Ira Tinyang na Itsekuru-ti Yesu be.

1 Timoti 1:13

ko ti kute, ame ri ira titibi risu-wu u txun wu asu u nda wu rikaen. Awu sae m te ayibrisi ikyaen ti ame nde ikentitibi yine uwae kufub u ru-m kubenti uwog-wu Yesu Kristi be.

1 Yohana 2:23

Unde ti a pyir ira Umbae Rimam, awu pyir pu wu Itse-wu ama. Unde ti a kyangte Umbae Rimam, awu kyangte pu wu Itse-wu ama.

1 Yohana 3:1

Ni sae utso ure ti Itse-ti Rimam ye te ti, ti awu cwe ti a na kunn ti baa anyisu-wu. Kubenti, ati si anyisu-wu ara. Iken ti nde ne ande ti utense nung-ba ati be si ikyaen ti, aba nung-ba Itse-ti Rimam be.

1 Yohana 4:8

Unde ti a ku ye-wu ure be, awu nung-wu Rimam be, ikyaen ti Rimam si ure.

1 Yohana 5:20

Ati ama nung pu ti baa, Umbae Rimam na ba nda pu wu ati itinungye, ti ti na nung Rimam, awu ti si kubenti. Ati ama ta uwog awu ti si kubenti, ikyaen ti, ati bae fa Umbae-wu Yesu Kristi. Awu ti si Rimam ti kubenti, u si unyang ti tsi kukunn.