Yohana 15:2 - Kutsingken Ira Rimam ti Saen Kyag

² Kujwo kutuku ti a ku waen-wu awaen be, Itse-m u pyera wu ruru. Ama awu ku kyaenyang ajwo ti ku waen awaen ti yi na waen awaen kora fa.

Yohana 15:2 Iomraidhean Croise

Daniyel 11:35

Ama ariki uwae ande ti ben ayib ba u jwunnsi, ikyaen ti aba u sisaen u shanum ti riraen ka sang ti usir ti ricwunnkyi, ikyaen ti, ayi si-yi kiye ti a sa tsi khika be.

Matiyu 13:12

“Uwog na unde ti site iken, a u sī na wu ko ra fufa, awu u site iken kuko. Unde ti si-wu te yi be, iken ti kpang ti awu site, a u mbe ra yi ru ru.

Matiyu 13:33

Yesu sunn te kyi ba ira iki cwucwo baa, “Kujwokwe Rimam ti apupwen pangma yisiti ti unda sa pang ahan tsinn fa umung kitu kumyae ita, ama ayi ndub tso ba munn ti ijwe kitu.”

Matiyu 15:13

Yesu ri te ba baa, “Meme ituku ti si-yi ana Itse-m ti apupwen ti yen be, a u mbub pu yi tso ti ipab.

Matiyu 21:19

Awu nung kutuku kututung iki tsi iyen fengo atang. Ti awu ru ka umbyi kututung wu ama, awu tu-wu awaen iki atang be, se atsing-wu amam. Awu ri te kututung wu baa, “Afu u waen-fu awaen cwucwo be.” Ti ritsen, kututung wu wam cwu.

Matiyu 25:29

Ame ku ri te ni baa, unde ti a site iken kujwo, a u sha iken na fa-wu atang. Awu u site iken ko timambe. Amaa, unde ti si-wu te iken kujwo be, ko iken kpang ti awu site, a u mbe ra yi uwog-wu.

Matiyu 3:10

Ko tine, rikae ta pu wu imbyi ituku ti a u yer wu si riben. Kutuku ti a waen-wu awaen ti tinyang be, a u tur ra wu si riben u pu sang urwa.

Matiyu 3:12

Awu ye su kutukwab-wu kujwo ti wu u ru ba skae awum atang. Awu u pu ayaen awum si uwae kurug, ama ifwen-yi awu u yaen yi si uwae urwa ti ku ten u ku jim-wu jim be.”

Matiyu 7:19

Kutuku ti a waen-wu awaen ti tinyang be, a u yer wu si riben u sa jwunn sang uwae urwa.

Markus 4:20

Itso yi ti ta ka si riben ti tinyang si ande ti a fxen ira Rimam u paembe yi. Ira yi ku nde wande uwae riyaen utob-ba, ku waen awaen. Uwog ande iki a tu ikaen ka rijwe ita. Uwog ariki a tu ikaen mae ifaen. Uwog ariki a tu mae itsong.”

Luka 8:13

“Ayaen awum ti ta ka si riben asang si ande iki ti fxen ira Rimam u kyangte yi ti utob ti tsen. Abane pangma awum ti site-yi ipab ti tinyang be. Aba ser uwae usir ifaen, ama kiye ti rikaen a ru ba, aba ku tsi-ba tsi be, u jwunnsi pu ba.

Yohana 15:1

“Kubenti, ame si pangma kutuku anam ti tinyang. Itse-m ti si unde ti risaen.

Yohana 15:16

I si-yi ani ti tsab m be. Ame ti tsab ni u tom ni atom baa, ani na ru ka waen awaen, awaen ti u tsi kukunn. Ayine si ikyaen ti Itse-m u nda ni iken meme ti ani jwam uwae rinyi-m.

Yohana 15:3

Ana-ni, a kyae nyang pu ba ani yi fengo na ira ti ame kwen na ni.

Yohana 15:6

Asiti unde a kata te m, a u sa wu jwunn tika, awu u wombeb. Akyikya kutuku ti pangma ayine, a ku byir yi ru ka jwunn si uwae urwa, ayi ku ten mbumbub.

Yohana 15:8

Iken ti ku nda Itse-m kuko ti rurob si ti ani ku waen awaen timambe. Ayine ti ku tatso ama baa, ani na si pu ni ande ti ana-m ti kubenti.

Yohana 17:12

Kiye ti ame te ba ta tetso, ame ye su ba nyinyang te kuko na rinyi-fu, ayi rinyi ti afu nda m. Ame nungkyi ba, ama ko kinjo uwae-ba yagta-wu be. Nyáng awu ti a sa tsi ti wu na tu itwenji, ikyaen ti ayi ā kumunn ira ti a bae uwae kutsingken kute.

Roma 11:17

Unde u ndeye ti wu pye pu akyikya kutuku zetunn ti a yiyen si riben, u sa akyikya na zetunn ti kutur ba yir iben atang. Ani ande ti ise si akyikya zetunn ti kutur wune. Tine ani ku tu kutunn-ni ijwe ipab zetunn wu pangma ti Mbayawuda tu kucang. Itinyang ipab wu si ana-ni ama.

Roma 11:22

Ni tangsom baa, Rimam na site ayibrisi u fwan timambe ama. Uwog ande ti jwunnsi uwae ikentitibi awu fwan timambe, amaa, uwog-ni awu ku tso itinyang-wu. Amaa ni som usom-ni uwae itinyang-wu ru yi uwe, be awu u yer ra ni ama tika.

Roma 8:28

Ati nung pu ti baa, uwog ande ti site ure te Rimam, meme iken ti ku nde, ku sa tinyang ba na ande ti awu kunn ba uwae kumyae ti ana-wu.

1 Korinti 13:1

Asiti ame a ri tu tag unju ande ti utense meme ko ana atom Rimam ti apupwen, amaa, ame a site-m ure be, ira-m ayi si ukaen pangma kububong ko kyangkóng ti ku ri nyang ira amam.

Titus 2:14

Awu cwu ricwu risu-ti ikyaen ti wu na nwangru ti uwae itso ikentitibi meme, u jwosaen utob-ti, u sa ti kafe ande ti ana-wu, ande ti sa utob na wande ti tinyang ti ti nde.

Mbaibrane 12:15

Ni nung nyinyang ti unde iki ā shanum-wu rinyangwae Rimam be. Ama ti ira titibi iki ā nwunn-yi kutampwa-ni ti u ndembeb ande yang-ba be.

1 Yohana 2:19

Aba ter ya ti ta, ikyaen ti, aba fa-ba uwae-ti be. Á baa, aba na fa uwae-ti, aba ú som kunn te ti. Amaa, aba ter nwunn ikyaen ti ayi ā nae ise paenine baa, aba na fa-ba uwae-ti be.

Ititatso 3:19

Ande ti ame ye ure te ba, si aba ti ame ku fwan ba kibyag, ku byinn ba kimbab. Ikyaen yine, sa uwae-fu tsi ira-m ne, ti fu kafe isim ta ikentitibi-fu.