Yohana 13:8 - Kutsingken Ira Rimam ti Saen Kyag

⁸ Bitrus ri baa, “Ame u cwe-m ti fu jwo na m afxen ama be!” Yesu ri te wu baa, “Asiti ame a jwo na-m afu afxen be, afu u si-fu unde-m cwucwo be.”

Yohana 13:8 Iomraidhean Croise

Kucangtsi 42:38

Yakubu ri baa, “Umbae-m u te ni ru-wu tetso be. Inja-wu cwu pu wu, awu amam ti tsitsi. Ira titibi iki a tu wu uwae ikyin ti ani ku ru ne, ani u nda m ti m u cwu fae.”

Matiyu 16:22

Bitrus pu ra Yesu ru iyen kyab u ka fwan wu kubyag baa, “Itsekuru, Rimam ā nde-wu ti ira yine ā tu fu be. Ira yine u tu-yi afu be.”

Matiyu 21:29

Umbae wu ri te ite-wu baa, ‘Ame u ka-m be.’ Ama isim-yi tiri, awu kab kyi ira u ru ka nde wande yi.

Matiyu 26:33

Bitrus ri te wu baa, “Ko asiti ande ti tsitsi a ter shag u ya fu ta, ame u cwe ya fu ta-m be.”

Matiyu 26:35

Bitrus ri te wu baa, “Ko asiti ame a u te fu cwu tetso, ame u pyir-m afu be.” Atugbug Yesu ti tsitsi ri ti mbwe-yi ama.

Yohana 13:6

Ti awu ru ba sang uwog Siman Bitrus, Siman Bitrus ri te wu baa, “Afu ti si Itsekuru-m, afu u jwo na m afxen ané?”

Yohana 13:9

Siman Bitrus ri te wu baa, “Itsekuru-m, ayi a si ahan, jwo-fu kum afxen-m amam be. Ame ku jwam fu, jwo fa ti ajwo-m ti risu-m meme!”

Yohana 3:5

Yesu ri te wu baa, “Ame ku ri te fu kubenti, unde iki u sang-wu Kujwokwe Rimam be se unde ti a mbae pu ba awu yi fengo na ambyi, ti ana Kusung.

Wande Atom 22:16

Afu som ku ji-fu imi tine? Sunwunn ti a nde na fu batisima. Jwam Itsekuru ti wu jworu ikentitibi uwae utob-fu.’ ”

1 Korinti 6:11

Kute ariki uwae-ni ta uwae utso ande bane. Amaa, Rimam jwosaen pu wu ani uwae ikentitibi-ni u nda ni kafe ande-wu. Ikyaen wande na Itsekuru-ti Yesu Kristi ti kuko na Kusung Rimam, ani kafe ande ti tinyang uwe Rimam.

Afisa 5:26

Awu nde ahan ikyaen ti wu na kyae nyang ba uwe Rimam yi fengo na ira-wu. Ti uwe-yi awu jwo saen ba yi fengo na batisma u sa ba tsi iyen ikyaeb

Kolosi 2:18

Unde iki ā saeru-wu ani ikyaen ti ani pyi icwe-ba be. Aba tsi ti afxen ifaen baa, ni na fen atom ti apupwen. Aba ku ndub ijwe baa, Rimam na ku tatso ba iken uwae kurwa. Ira ti kab-ba si ana utense wune amam.

Kolosi 2:23

Icwe-ba yine, ande ku sae yi baa, ayi na nyang, ikyaen ti, ayi ku nda ande nae risu riben u ku nda ijwe-ba rikaen. Amaa, ayi si iken ti ukaen, ayi u byangkyi-yi ijaen utense be.

Titus 3:5

u sa ti ruye uwae iken yine. I si-yi ikyaen wande-ti iki ti ati nde be, ayi si ikyaen ti awu nung ti te ayibrisi amam. Awu nde ayine yi fengo na Kusung-wu ti sisaen, awu ti ku kyaenyang utob-ti, ku nda ti unyang tishe.

Mbaibrane 10:22

Ikyaen yine, ti ko ba fer Rimam ti utob ti kubenti, yi fengo uwae kinjo ti si-yi te uwae ti kab be, ti utob ti a jwo sisaen uwae ira ti kab titibi, ti ijwe ti a jwujwo te ambyi ti sisaen.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.