Yohana 13:5 - Kutsingken Ira Rimam ti Saen Kyag

⁵ Awu sa ambyi yaen si paedi ku jwo na ande-wu afxen ku pu tawur ti awu pu kyae sang umbyi-wu, ku fen wam yi atang.

Yohana 13:5 Iomraidhean Croise

Kucangtsi 18:4

A txi ra ambyi ba na ni ti ni jwo afxen atang, u pu ra unyang imbyi kutuku ike titawe.

Kucangtsi 19:2

Loti ri baa, “Itsekuru-m, ani a cwe, ni ka jwo afxen-ni kununn-m, ti ni cwag atang utitang ne. Ucwe a fam pu wu, ni ru-ni ikyin-ni.” Ande ba ri baa, “Iyee, ati u nae tí rishen ike utitang ne.”

Kucangtsi 43:24

Upyi wu pu ba ru yi kusog Yusufu, u nda ba ambyi ti a jwo afxen atang, u nda ikyinnsu-ba wuci.

Itiruye 29:4

Pu Aruna ti anyisu-wu ti arom ba ba ufu kufug itifen Yaweh, ti fu ba jwo ba ijwe ti ambyi.

Luka 7:38

Awu ba tsi isim, fer ti afxen Yesu u ku jwub, aten-wu jwae tag afxen Yesu. Awu fen aten yi te ikyinn risu-wu u ye afxen yi bur utob u sa kindob yi shin Yesu afxen.

Luka 7:44

Tiri awu kafe uwe tag unda wu u ri te Siman baa, “Afu nung unda wune a? Ame ru ba kununn-fu, afu jwo na-fu ame afxen be. Unda wune jwo afxen-m ti aten ayib-wu u fen wam yi te ikyinn risu-wu.

Yohana 13:10

Yesu ri baa, “Asiti unde a jwo pu wu ijwe, awu saen pu wu. Awu u jwo-wu ijwe meme cwucwo be, se afxen-wu amam. Meme-ni si ande ti sisaen, nyáng unde kinjo amam ti saen-wu saen be.”

Yohana 13:6

Ti awu ru ba sang uwog Siman Bitrus, Siman Bitrus ri te wu baa, “Afu ti si Itsekuru-m, afu u jwo na m afxen ané?”

Yohana 13:8

Bitrus ri baa, “Ame u cwe-m ti fu jwo na m afxen ama be!” Yesu ri te wu baa, “Asiti ame a jwo na-m afu afxen be, afu u si-fu unde-m cwucwo be.”

Yohana 19:34

Amaa, kinjo uwae akyirten ba sa uti-wu ter kang Yesu ti ishi. Ti ritsen, anying ti ambyi kyebkyi.

Wande Atom 22:16

Afu som ku ji-fu imi tine? Sunwunn ti a nde na fu batisima. Jwam Itsekuru ti wu jworu ikentitibi uwae utob-fu.’ ”

1 Korinti 6:11

Kute ariki uwae-ni ta uwae utso ande bane. Amaa, Rimam jwosaen pu wu ani uwae ikentitibi-ni u nda ni kafe ande-wu. Ikyaen wande na Itsekuru-ti Yesu Kristi ti kuko na Kusung Rimam, ani kafe ande ti tinyang uwe Rimam.

Afisa 5:26

Awu nde ahan ikyaen ti wu na kyae nyang ba uwe Rimam yi fengo na ira-wu. Ti uwe-yi awu jwo saen ba yi fengo na batisma u sa ba tsi iyen ikyaeb

1 Timoti 5:10

u si unda ti ande ku teb rinyi-wu ikyaen wande-wu ti tinyang. Awu ā si unda ti shi anyisu-wu nyinyang, u ku kyangte ande ti rikyen kununn-wu, u si unda ti ku ndeya ande na Rimam ti risu ti nae riben. Awu ā si unda ti ku ndeya ande ti ta uwae rikaen u sa ijwe-wu na wande ti tinyang ti ti nde ti tsotso.

Mbaibrane 10:22

Ikyaen yine, ti ko ba fer Rimam ti utob ti kubenti, yi fengo uwae kinjo ti si-yi te uwae ti kab be, ti utob ti a jwo sisaen uwae ira ti kab titibi, ti ijwe ti a jwujwo te ambyi ti sisaen.

1 Yohana 1:7

Amaa, asiti ati a ku kyang ikyin uwae itisaen pangma ti awu ta uwae itisaen, kubenti, ati ren ure tetso. Ama anying na Yesu, Umbae-wu, u jwo saen ti uwae ikentitibi-ti meme.

1 Yohana 5:6

Ayi si Yesu Kristi wune ti ba utense te ambyi batisma-wu, ti anying-wu ti awu sa yaen mbub. Awu ba-wu te ambyi amam be, amaa, awu ba te ambyi fa ti anying. Kusung Rimam ama cwé unju ira yine, ikyaen ti, awu si Kusung ti kubenti.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.