Yohana 13:3 - Kutsingken Ira Rimam ti Saen Kyag

³ Yesu nung pu wu baa, Itse-wu Rimam na nda pu wu awu kuko risu iken meme. Awu nung pu wu baa, awu na ru uwog Rimam ba, ama na u kafe ku ru ti yi uwog Rimam.

Yohana 13:3 Iomraidhean Croise

Matiyu 11:27

“Itse-m nda pu wu ame iken meme. Unde iki nung-wu umbae Rimam be, si nyang Itse-wu amam. Unde iki ama nung-wu Itse ti apupwen be, si nyang umbae-wu amam ti ande ti awu a ku sha ti wu u tatso ba.

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Luka 10:22

Uwog ne, Yesu ri te ande ti putsa wu baa, “Itse-m nda pu wu ame iken meme. Unde iki ta-wu ti nungye Umbae Rimam be, nyang Itse-wu amam. Cwucwo unde iki ta-wu ti nungye Rimam be, nyang Umbae-wu amam, fa ti ande ti awu ku cwe ira-ba u tatso ba.”

Yohana 1:18

Unde iki ta-wu ti nung ji pu wu Rimam be. Umbae-wu kinjo-wu amam, awu ti risu-wu ti si Rimam, ku som rinwan Itse-wu. Awu ti nda ande nungye Rimam.

Yohana 13:1

Ayi tsitsi usir kpang ti Mbayawuda u ci Ukwab Itiyafe. Yesu nungye pu wu baa, kiye na ru ba pu yi ti awu na u ya utense wune ta, u kafe tso tí uwog Itse-wu. Ti ti kucang awu site ure risu ande-wu ti ta utense ike, amaa tine awu u tatso ba baa, ure-wu ayi na site-yi itikunntsi be.

Yohana 17:2

Ikyaen ti, afu nda wu kuko risu ande ti utense meme, ti wu na sa unyang ti tsi kukunn na meme ande ba ti afu pu sang kujwo-wu.

Yohana 3:13

“Unde iki ta-wu ti tso ka pu wu apupwen be, se awu Umbae Unde amam. Awu ti nung iken ti apupwen, ikyaen ti, awu si apupwen ba.

Yohana 3:35

Rimam site ure ti Umbae-wu ko timambe. Awu sa iken meme fae si wu kujwo.

Yohana 7:29

Ame nung wu ikyaen ti, ame ru uwog-wu ba, awu ti tom m ba.”

Yohana 7:33

Yesu ri te ba baa, “Usom ti som-m te ni ko-yi ko cwucwo be. Isim-yi, ame u nwunn ru ka tu unde ti tom me ru ba.

Yohana 8:14

Yesu ri te ba baa, “Ko asiti ame a ku tso risu-m, ayi si ira ti kubenti ikyaen ti, ame nung pu m uwog wu ti ame ru atang ba, ti uwog ti ame ku ru yi atang.

Yohana 8:42

Yesu ri te ba baa, “A baa, Rimam na si Itse-ni, ani ú ye pu ni ure te m, ikyaen ti, ame ru uwog-wu sang ba utense ike.

Wande Atom 2:36

Ikyaen na yine, meme ande ti Isirela ā nung nyinyang baa, Yesu wune ti ani sa kwer risu kutuku ti ta cice, si si awu ti Rimam Tsab Tsi u sa tsi risu ande meme.”

1 Korinti 15:27

ikyaen ti, a bae uwae Kutsingken Rimam baa, Rimam na u nda iken meme nae riben uwe-wu. Imbyi ira yine si ti a nda Yesu kuko risu iken meme, se Rimam amam ti awu site-wu kuko risu-wu be, ikyaen ti, Rimam ti nda wu kuko yi.

Mbaibrane 1:2

Amaa, uwae kiye ti ricwunnkyi ne, awu tom Umbae-wu ba ri ira te ti. Awu tsab umbae-wu tsi ti wu na si risu meme iken ti awu kyae utense. Ayi si si umbae-wu ti Rimam kyae utense yi kujwo-wu.