Yohana 13:1 - Kutsingken Ira Rimam ti Saen Kyag

¹ Ayi tsitsi usir kpang ti Mbayawuda u ci Ukwab Itiyafe. Yesu nungye pu wu baa, kiye na ru ba pu yi ti awu na u ya utense wune ta, u kafe tso tí uwog Itse-wu. Ti ti kucang awu site ure risu ande-wu ti ta utense ike, amaa tine awu u tatso ba baa, ure-wu ayi na site-yi itikunntsi be.

Yohana 13:1 Iomraidhean Croise

Matiyu 26:45

Awu kafe ba tu atugbug-wu u rang ba baa, “Ani ta ti uwae kicwag ti unyang ti pu bwe a. Sae! Kiye nde pu yi, ama a u ye Umbae Unde na ande ti ku nde iken titibi.

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

Luka 22:53

Ti usirsir ame ku te ni som te atso Kusog Rimam, ani ye-ni ame be. Amaa, kiye wune si ana-ni ti ni nde wande-ni atang. Ayi si kiye na awu ukwe kufub.”

Luka 9:51

Ti usir ti a u sa Yesu tso yi apupwen tiri kyang yaen pu yi, awu sa uwae tsi baa, awu na u ye fengo ti ku ru yi Urushelima.

Yohana 11:55

Kiye kyang ku yaen ku pu wu ti Mbayawuda ku nde Ukwab Itiyafe, ti aba ku tangsom ti itiruye-ba uwae uten ti Ejib. Ande nwunn ruye ko umbae uten titini uwae uten atang tso yi Urushelima.

Yohana 12:23

Yesu ri te ba baa, “Kiye ru ba pu yi ti ande u nung kuko na Umbae Unde.

Yohana 13:29

Ariki uwae-ba ku tang baa, ti ayi si Yawuda ti ye su ukyig aser-ba, Yesu na ri te wu baa, awu na ka jab isu ti aba ku sha ikyaen ukwab yi, ko awu na ri te wu baa, awu na sha iken iki na na ande ti rikaen.

Yohana 13:3

Yesu nung pu wu baa, Itse-wu Rimam na nda pu wu awu kuko risu iken meme. Awu nung pu wu baa, awu na ru uwog Rimam ba, ama na u kafe ku ru ti yi uwog Rimam.

Yohana 13:34

Icwe tishe ti ame sa ku na ni si ti ni ye ure tetso. Pangma ti ame ye ure te ni, ni ye itso ure wune tetso ama.

Yohana 14:28

Ani fxen ame ri te ni baa, ame na ku ruru, ama ame na u kafe ru ba ti uwog-ni. A baa, ani na ye ure te m, ani ú tsen utob ti ame ku ru yi uwog Itse-m, ikyaen ti, awu Itse-m skeb pu wu ame.

Yohana 14:31

amaa ame ku sha ti ande ti utense ā nung baa, ame na ye ure te Itse, ama na ku nde iken ti awu ri te m meme. “Ni nwunn ti ti ru uwog iki.”

Yohana 16:28

Ayi si kubenti ti ame ru uwog Itse-m ba sang uwae utense wune ara. Tine ame ya utense ku ta u kafe ku ru ti yi uwog Itse-m.”

Yohana 17:1

Isim ti Yesu ri mam fe ira yine, awu pu ayib tso yi apupwen u ri baa, “Itse, kiye ru ba pu yi, nda ande ti a nungye rurob ukwe na Umbae-fu, ikyaen ti Umbae-fu ú tatso ande rurob ukwe-fu ama.

Yohana 17:16

Aba si-ba ana utense be pangma ti ame si-m ana utense be ama.

Yohana 17:26

Ame tatso pu m aba itso ti afu tsi, ama ame u tsi kunn ti ku tatso ba itso ti afu tsi, ikyaen ti ure ti afu site yi te m ā ta uwog-ba ama, ti ame ama ā ta uwae-ba.”

Yohana 17:5

Tine ama, Itse-m, cwe na m ti m kafe ba sang rurob ukwe-fu u te fu som te atso uwae riyinn-fu, pangma ti ame te fu som uwog ti rurob te atso kute, titawe ti a mam utense wune.

Yohana 18:4

Yesu nung tag pu wu iken ti a u nde te wu meme. Ikyaen yine, kiye ti aba Yawuda ru ba fob uwae rukong atang awu ruye u ru ka tu ba u rang ba baa, “Ani ku sha aye wu?”

Yohana 19:28

Isim ayine, Yesu nung pu wu baa, wande-wu meme na mam tag pu yi. Ama ikyaen ti ira ti a bae uwae Kutsingken Rimam ā kumumunn, awu ri baa, “Ame ku fxen ti unwaen.”

Yohana 2:13

Kiye wu Mbayawuda ku kyae ijwe-ba ikyaen ukwab tiyang-ba ti a kunn wu baa, Ukwab Itiyafe. Yesu nwunn u tso yi Urushelima ama.

Yohana 6:4

Kiye wu, ayi tsitsi kiye kpang ti Mbayawuda u nde ukwab tiyang-ba ti si Ukwab Itiyafe.

Yohana 7:30

Isim ira yine aba ku sha ti a na u ye wu ye, amaa unde iki ta-wu ti sa kujwo tekunn wu be, ikyaen ti, kiye ti Rimam sa tsi na wu ru ba-wu khika be.

Yohana 7:6

Yesu ri te ba baa, “Kiye ti pang atang ti ame u ru yi atang, ba-yi khika be. Ana-ni ani u nde tu ti ni ru-ni yi atang ko kiye titini.

Yohana 8:20

Kiye ti Yesu ku kwen na ba iken yine awu ta kusog Rimam tiyang. Awu tsi fer ti uwog ti ande ku pu rinyangwae na Rimam tsi atang. A ye-ba wu be, ikyaen ti, kiye ti Rimam sa tsi wu ru ba-yi khika be.

Roma 8:37

Kubenti, ati ci pu ti rika risu iken yine meme yi uwae wande na unde wu ti ye ure te ti.

1 Korinti 1:8

Awu ti u ye ni tsi yer fengo-wu ru ka sang ti usir ti ricwunnkyi, ikyaen ti uwae usir wu ti Itsekuru-ti Yesu Kristi a kafe ba, awu u tu-wu ani ti riraen be.

Mbaibrane 3:14

Ati te Kristi ta tetso asiti ati a kpag utob pangma ti ati nde kucang u ru yi uwe ka kwer ricwunnkyi.

Mbaibrane 3:6

Amaa, Kristi si umbae unde ti kununn, awu ku nde wande ti kubenti uwae kusog Rimam. Ati ama si kusog-wu, asiti ati a bom utob ru yi uwe, u pam ipam risu iken ti ati sa uwae tsi atang.

Mbaibrane 6:11

Ayi si utob-ti ti ni tsikunn ti itikwab yine ka ti ricwunnkyi, ikyaen ti ni u tu kang iken ti ani sa uwae tsi atang.

1 Bitrus 1:13

Ikyaen yine, ni kyae utob-ni tsi nyinyang ikyaen wande, ti ni som ti ujwin. Ni sa uwae-ni meme tsi risu itinyang ti a u nda ni, kiye ti Yesu Kristi u kafe ba tso risu-wu.

1 Yohana 4:19

Ati ku ye ure te ande ikyaen ti, Rimam tawe ye ure te ti.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.