Yohana 12:1 - Kutsingken Ira Rimam ti Saen Kyag

¹ Ayi tsitsi usir itsongnjo titawe ti aba u ci Ukwab Itiyafe. Yesu ru ka uten Betani, uwog ti Lazaru unde ti awu kunn nwunn wu uwae kuskab ku nae atang.

Yohana 12:1 Iomraidhean Croise

Matiyu 21:17

Yesu ya ba ta u ru yi Betani u ka nae atang.

Markus 11:11

Yesu sang uwae uten ti Urushelima u ru ka sang fe yi uwae kusog Rimam tiyang na Mbayawuda ama sae ayib kyife iken ti ta atang meme. Ti awu sae fe iken meme, awu nwunn ruye u kafe ru yi Betani ti atugbug-wu rijwe asu ifaen, ikyaen ti, usir te pu wu.

Luka 24:50

Isim ayine awu pu ba ruye uwae uten ru ka fifer ti Betani u pu ajwo tso u jwam itinyang si ba risu-ba.

Luka 7:37

Unda iki ta uwae uten atang ti si unda ti ku nde ikentitibi. Ti awu fxen baa, Yesu na ku ci wuci kununn Farisi wu, awu sa kushi kindob ti ku nung kuyang timambe ru ka atang.

Yohana 11:1

Unde iki ti rinyi-wu si Lazaru nae kicaeb. Awu ta uwae uten ti Betani ti aba mbiya-wu Mberimu ti Marta.

Yohana 11:43

Isim ti awu ri mam fe ira yine, awu kunn ira ti ribom-wu meme baa, “Lazaru, ruye ba!”

Yohana 11:44

Unde ti cwucwu wu ruye ba tsi, afxen-wu te ajwo-wu yir kyi ti atupwa iticwu. Kutupwa iki yir sang kutxuwe-wu. Yesu ri te ba baa, “Ni saen atupwa yine ru ti ni ya wu ta ti wu ru.”

Yohana 11:55

Kiye kyang ku yaen ku pu wu ti Mbayawuda ku nde Ukwab Itiyafe, ti aba ku tangsom ti itiruye-ba uwae uten ti Ejib. Ande nwunn ruye ko umbae uten titini uwae uten atang tso yi Urushelima.

Yohana 12:12

Ucwefam-yi, ande meme ti ru ba uwog Ukwab Itiyafe fxen baa, Yesu na ta fengo ru ku ba yi Urushelima.

Yohana 12:20

Ande ti Helene iki ta uwae ande ti tso ba Urushelima ikyaen ti a u fen Rimam kiye na ukwab.

Yohana 12:9

Ande yang-ba akwen fxen baa, Yesu na ta uten Betani. Aba nwunn ru yi atang. I si-yi ikyaen Yesu amam ti a ter ru ba be. Aba ku sha ti a na u ru ka nung Lazaru unde ti Yesu kunn nwunn uwae itikicwu.