Yohana 10:4 - Kutsingken Ira Rimam ti Saen Kyag

⁴ Kiye ti awu a pu yi ruye tag pu wu ise, awu ku ta uwe. Ayi ku putsa wu, ikyaen ti, ayi nung pu yi afxenjwin-wu.

Yohana 10:4 Iomraidhean Croise

Matiyu 16:24

Isim yine Yesu ri te atugbug-wu baa, “Asiti unde iki a sha ti wu u putsa m, awu ā munnji te ira ti si ana-wu ti risu-wu, awu ā ye kutuku ti cice-wu tso ukwae-wu, ti awu ā putsa m.

Yohana 10:16

Mbawen-m iki ta atang ti ta-ba uwae kumbub wune be. Ame u ka pu yi ba kang. Ayi u fxen afxenjwin-m, ayi u ru ba te ayine u si kumbub kinjo, unde ti ku shi yi shi ama u si kinjo.

Yohana 10:27

Iwen-m ku fxen afxenjwin-m, ame ama nung pu m aba, aba ama ku putsa m.

Yohana 10:3

Unde ti ku tsi kyi ufu kusog atang ku mbubta na wu ufu ko kiye titini. Mbawen yi ku fxen afxenjwin-wu. Awu ku kunn yi ti rinyi-yi u ku pu yi ruye ise.

Yohana 10:5

Ayi ku cwe-yi ti yi u putsa unde ti rikyen be. Ayi u ter wu ter ikyaen ti, ayi fxen ye-yi afxenjwin-wu be.”

Yohana 10:8

Ande ti ru ba uwe-m meme-ba si ande ti riyib ama mbawen yi fxen-yi ira-ba be.

Yohana 12:26

Unde titini ti awu a baa, awu na u nde na m wande, awu ā putsa m, ikyaen ti, ko aka ti ame a kyang atang, awu umbae kufxen-m te me u ta te atso. Unde titini ti ru ba ku nde na m wande, Itse-m u nda wu kuko.”

Yohana 13:15

Ame tatso pu m ani fengo ikyaen ti ni nde pangma ti ame nde te ni.

Yohana 18:37

Bilatus rang wu baa, “Ayi a si ahan, afu si ukwe a?” Yesu ri te wu baa, “Afu ti ri ira yi. Iken ti nde titawe a mbae m sang ba uwae utense wune si ikyaen ti m na ri ira ti kubenti. Unde titini ti si unde ti kubenti, awu ku naa kutong ku fxen m.”

Yohana 3:29

Uwog ukwab unda ishe, ayi si ubaen unda ishe ti ku mbe unda ishe wu. Urwan ubaen unda ishe tsi te wu atang u ku fxen wu amam. Awu ku tsen utob kiye ti awu a ku fxen afxenjwin ubaen unda ishe wu. Utob ti tsen yine si ana-m tine. Ijwe-m si fa pu yi.

1 Korinti 11:1

Ni putsa kufxen-m pangma ti ame ku putsa kufxen na Kristi.

Afisa 5:1

Ti ani si pu ni anyisu na Rimam ti utob-wu, ni kwab ti ni som pangma awu Itse-ni.

Mbaibrane 12:2

Ti pu ayib cwutsa Yesu ti si ipab ti itikumunn uwae kinjo-ti, awu nung utob ti tsen ti tsi ku ji wu uwe, u ye utob, u cwu ricwu risu kutuku ti cice, u saeru rukwae ti wae yi, u ka som kujwo rici na kutxom ukwe Rimam.

Mbaibrane 6:20

uwog ti Yesu Kristi ti si kukwen-ti tiyang, pu uwe sang pu wu yi atang kutunn unju-ti, ikyaen ti, awu kafe pu wu kukwen tiyang, ti fikyi kufxen Melkizedeg.

1 Bitrus 2:21

Ayi si ikyaen yine nee a kunn ni ba. Kristi ti risu-wu ngwa itso rikaen yine ikyaen-ni, u ceb rifab nae ni ti ni na putsa.

1 Bitrus 4:1

Ikyaen yine, ameinja, ti Kristi ngwa rikaen, ani ama ā kab itso ira ti awu kab ikyaen ti ni kyir utob-ni te-yi. Unde ti a ngwa rikaen uwae rimenn ijwe, awu kafe isim ta pu wu ikentitibi.

1 Bitrus 5:3

Ni si-ni pangma ukwe risu ande ti a pu ba na ni kujwo be, amaa, ni si ande ti ku ceb rifab, ti aba ā putsa afxen-ni.