Yohana 10:16 - Kutsingken Ira Rimam ti Saen Kyag

¹⁶ Mbawen-m iki ta atang ti ta-ba uwae kumbub wune be. Ame u ka pu yi ba kang. Ayi u fxen afxenjwin-m, ayi u ru ba te ayine u si kumbub kinjo, unde ti ku shi yi shi ama u si kinjo.

Yohana 10:16 Iomraidhean Croise

Kucangtsi 49:10

Kutxomkwe u ta kunn ti ishikununn Yawuda. Ukum Ukwe ama u si kunn ana anyisu Yawuda, se kiye ti unde wu ti ukum wu si ana-wu a ba mbe pu wu awu uwog-wu. Ambukwen ande u ba nae risu riben na wu.

Matiyu 17:5

Ti Bitrus ku ri ira yine, kutakujwujwu si ba ta kyi ba. Kutakujwujwu wune jaen wurwur. Aba fxen afxenjwin uwae kutakujwujwu wu baa, “Awune si Umbae-m ti ame site ure te wu. Ame ku tsen utob te wu. Ni fxen wu.”

Luka 15:8

“A baa, unda iki site acwur aser azurfa rijwe, kinjo uwae-yi ama yag byinn, awu u nde rimang? Awu u teya wu ta-wu be. Awu u bae urwa u fen kusog-wu u sha wu sku se ti awu a tu pu wu awu.

Yohana 10:11

“Ame ti si ukwe asinn ti ti shi. Unde ti ku nungkyi asinn nyinyang ku cwe ti wu na u cwu ikyaen iken ti shi-wu.

Yohana 10:2

Unde ti a ru tsa ufu rukug wu sang, awu ti si unde ti ku shi mbawen yi.

Yohana 10:27

Iwen-m ku fxen afxenjwin-m, ame ama nung pu m aba, aba ama ku putsa m.

Yohana 10:3

Unde ti ku tsi kyi ufu kusog atang ku mbubta na wu ufu ko kiye titini. Mbawen yi ku fxen afxenjwin-wu. Awu ku kunn yi ti rinyi-yi u ku pu yi ruye ise.

Yohana 10:4

Kiye ti awu a pu yi ruye tag pu wu ise, awu ku ta uwe. Ayi ku putsa wu, ikyaen ti, ayi nung pu yi afxenjwin-wu.

Yohana 10:5

Ayi ku cwe-yi ti yi u putsa unde ti rikyen be. Ayi u ter wu ter ikyaen ti, ayi fxen ye-yi afxenjwin-wu be.”

Yohana 11:52

Si-yi nyáng aba ande ti uten Yawuda amam be, ayi si ikyaen ti awu u kunn byir anyisu na Rimam meme ti shag fa shag fa, ti aba na ru ba ren ba ti uwog kinjo.

Yohana 17:20

“Ame ku jwam-m afu iken yine ikyaen ande bane amam be, amaa ikyaen ande meme ti a ru uwae kinjo uwog-m uwae ira ti abane u tsag te ba.

Yohana 6:37

Ande meme ti Itse-m a sa ba na m kujwo, aba u ba yi uwog-m. Ama unde titini ti a ba uwog-m, ame u rwae-m awu rwae be.

Wande Atom 15:14

Siman Bitrus tsag te pu wu ati baa, ti kucang Rimam sae ayibrisi-wu ba uwog ande ti si-ba Mbayawuda be, u tsab pu wu ande uwae-ba ti a u si ana-wu.

Wande Atom 18:10

Ame u te fu ta te atso. Unde u nde-wu afu iken iki uwae uka ike be. Ikyaen ti, ame site ande-m yang-ba uwae uka ike.”

Wande Atom 22:14

Awu ri baa, ‘Rimam na abitse-ti tsab ra pu wu afu ti fu na nungye iken ti awu ku sha ti awu na u nde te fu; cwucwo ti afu na nung unde-wu ti sisaen, ti afu na u fxen afxenjwin-wu.

Roma 11:25

Ameinja, ira ti kitam iki ta atang ti ame ku sha ti ni na nung nyinyang, ikyaen ti ni na ndub pang-ni ijwe uwae ben-ayib-ni be. Ripye ande ti Isirela kwen kyi utob-ba, amaa, ayine u ka-yi uwe be, se kiye ti ujwunn ande ti Rimam ku sha uwae ande ti si-ba Mbayawuda be a sang ba pu ba.

2 Tesalonika 2:13

Amaa ana-ti, ko kiye titini ati ku nde kang fxaefa na Rimam ikyaen-ni, ani ameinja ti Itsekuru ye ure te ni. Ati ku nde fxaefa yine ikyaen ti Rimam tsab ni tsi ti kucang baa, ni na si ande ti kucangtsi uwae ande-wu ti tu itinwangru. Awu nde iken yine yi fengo na Kusung-wu ti nda ni kafe ande-wu ti sisaen ama yi fengo na ira ti kubenti ti ani kyangte, u ru uwae kinjo atang.

Mbaibrane 13:20

Rimam na kujimshwur, awu ti kunn nwunn Itsekuru-ti Yesu uwae iticwu, Rimam ti ku shi iwentam na-wu, uwae anying unju ti yer ti tsi kukunn,

1 Bitrus 2:10

Kute ani si-ni iken iki be, amaa, tine ani si pu ni ande Rimam. Kute ani tu-ni ayibrisi Rimam be, amaa, tine ani tu pu ni.

1 Bitrus 2:25

Tikucang, ani si pangma iwentam ti jwe bibyinn. Amaa, tine, ani kafe ba pu ni uwog Itsekuru-ni ti ku shi ni shi, awu ti ku nungkyi unyang-ni.

1 Bitrus 5:4

Ama, kiye ti Unde ti Uwe na ande ti ku shi iken a ka ru ba, ani u tu kubur ukwe, ti pangma ana ukwe ti kuko ti rinyang-wu ku fwa-wu fwa be.

Ititatso 3:20

Nung, ame tsi ufu kusog ku kwer kujwo. Unde ti a fxen ufxenjwin-m, u mbub ufu ta, ame u sang ba tu wu, u te wu ci tetso, awu ama u ci te m.