Yohana 10:12 - Kutsingken Ira Rimam ti Saen Kyag

¹² Unde ti a yiyae ba, mbawen yi si-yi ana-wu be. Kiye ti awu a nung mbuku ru ku ba, awu u ter ru u ya iwen yi ta. Ama mbuku ba ku ye mbawen yi, ayi ama u ter yaen shag kyi fe kutur meme.

Yohana 10:12 Iomraidhean Croise

Matiyu 10:16

“Nung, ame tom ni ku ru pangma iwentam ti a ku rwae yi sang yi kutampwa mbuku. Ni nung ijwe-ni nyinyang pangma ikentibi, ti ni nde wande-ni te kujimshwur pangma akwae.

Matiyu 7:15

“Ni nung nyinyang ti ande ti ku ya iskin ti rifen. Aba ku ru ba uwog-ni pangma iwentam rimenn ijwe ise ike, amaa uwae utob-ba, aba si ibye anyi.

Yohana 10:13

Awu unde wu ku ter ru ikyaen ti, awu si unde ti a kunn wu kunn ru ba ku nde wande aser amam. Awu u sa uwae tsi-wu risu iwen yi be.

Yohana 10:2

Unde ti a ru tsa ufu rukug wu sang, awu ti si unde ti ku shi mbawen yi.

Yohana 10:3

Unde ti ku tsi kyi ufu kusog atang ku mbubta na wu ufu ko kiye titini. Mbawen yi ku fxen afxenjwin-wu. Awu ku kunn yi ti rinyi-yi u ku pu yi ruye ise.

Wande Atom 20:29

Ame nung pu m baa, isim ti ame a ru pu m, ariki ti pangma aswá u sang ba shir kufxaen sang kutampwa-ni.

1 Timoti 3:3

Awu ā sa utob tsi-wu risu iken ti ngwa be. Awu ā si-wu unde ti ku nde iken ti ribom be, amaa, awu ā si unde ti ku nde iken-wu ti kujimshwur. Awu ā si-wu unde ti ku sha isum be. Awu ā sa utob tsi-wu risu aser be.

1 Timoti 3:8

Aba ande ti a tsab ba tsi ti a na ndeya ande ti uwe, aba ā si ande ti ku kab tu ira u ku ri-ba ira ti unju ifaen be. Aba ā si-ba ande ti ku ngwa iken ku shishaen be. Aba ā si-ba ande ti ku sha aser yi fengo ti tikong be.

2 Timoti 4:10

Ikyaen ti, Demas ter ya me ta pu wu; iken na utense wune taen wu ayib. Awu nwunn ru pu wu yi Tesalonika. Kiresen nwunn ana-wu ru pu wu yi Galatiya. Titus ama ru pu wu yi Dalamatiya.

Titus 1:7

Unde ti uwe ande na Rimam si unde ti ta risu wande Rimam. Ikyaen yine, awu ā si unde ti a tu-ba wu te riraen be. Awu ā si-wu unde ti ku sae ru ande be. Awu ā si-wu unde ti ku tso rinae ti ritsen be. Awu ā si-wu unde ti ku ngwa ku shishaen be. Awu ā si-wu unde ti tsi-wu tsi be ku byinn unde be. Awu ā si-wu unde ti ijaen aser be.

1 Bitrus 5:2

Ni shi iken ti shi ti Rimam pu na ni, ti ni nungkyi ba nyinyang ti utob-ni kinjo, pangma ti Rimam ku sha ti ni na shi ba. Ni nde-ni ayi pangma a na tur ni tur be. Ayi ā si-yi ikyaen ti ni u sha aser atang be, amaa, ni nde yi ikyaen ti ayi si utob-ni.

2 Bitrus 2:3

Ikyaen rimenn ti sam-ba, aba u ci rug tag ni te ira unju ti rag. Ti kucang akwen, Rimam yer mam pu wu rikwen risu utso ande bane, ititwenji-ba ama u tsi-yi tsi be u ba.