Yohana 10:10 - Kutsingken Ira Rimam ti Saen Kyag

¹⁰ Unde ti riyib ku ru ba ikyaen ti wu u yib iken. Awu ku wen unde. Awu ku ye iken ndembeb ndembeb ama. Ana-m ame ba ikyaen ti ande na tu unyang – unyang ti rimunn-yi.

Yohana 10:10 Iomraidhean Croise

Matiyu 18:10

“Ni sae ru-ni ko kinjo uwae anyisu tinying bane be. Ame ku ri te ni baa, aba na site atom-ba ti apupwen ti ku sae uwe Itse-m ti ta apupwen.

Matiyu 20:28

pangma ti Umbae Unde ti ba-wu ikyaen ti a u nde wande na wu be, amaa ti wu u nde wande ama u cwu ricwu ikyaen ti wu u nwangru ande yang-ba.”

Matiyu 21:13

Awu ri te ba baa, “A bae uwae Kutsingken Rimam baa, Rimam na ri baa, kusog-wu na si uwog ti a na ku jwam wu atang. Amaa ani sa wu kafe uwog ti ande ti riyib ku tam atang.”

Matiyu 23:13

“Ayae-ni, ani ande ti kumbub Farisi ti ani ande ti ku kwen na ande ira Icwe. Ani ande ti kufur! Ani cwunnkyi ufu kusog Kujwokwe ti apupwen ayib ande, amaa ani ti risu-ni, i si-yi ti ani u sang-ni be, cwucwo ande ti kwab ti a u sang, ani byang kyi ba fengo.

Markus 11:17

Ama awu kwen na ba iken u rang ba baa, “Rimam ri paenine uwae Kutsingken-wu baa, aba na u kunn kusog-wu baa, Kusog ti meme utense na u jwam wu atang. Ama ana-ni, ani sa wu tsi pangma uwog ti ande ti riyib ku tam atang.”

Luka 19:10

Umbae Unde ru ba ikyaen ti wu u ba sha ande ti yag byibyinn u nwangru ba.”

Yohana 10:1

“Ame ku ri te ni kubenti, asiti unde a ku sha ti wu na sang rukug mbawen, awu a sang-wu ufu rukug mbawen be, u ru ka tso kiye iki, unde wune si unde ti riyib.

Yohana 10:11

“Ame ti si ukwe asinn ti ti shi. Unde ti ku nungkyi asinn nyinyang ku cwe ti wu na u cwu ikyaen iken ti shi-wu.

Yohana 12:47

Unde titini ti a fxen ira ti ame ku ri u putsa-wu ayi be, awu u sang uwae rikwen. I si-yi ame ti u pwen wu rikwen be. Ame sang ba-m utense ikyaen ti m na u pwen ande rikwen be, i si ikyaen ti m u nda ba unyang.

Yohana 12:6

Awu Yawuda ri ira yine ikyaen ti, awu si unde ti riyib, ayi si-yi ikyaen ti awu ku nung risi ande ti rikaen be. Awu ti si unde ti ku ye su aser na ande ti putsa Yesu. Awu ku ci kob aser iki atang ikyaen iken ti awu ku sha.

Yohana 3:17

Iken ti nde Rimam tom Umbae-wu ba utense si-yi ti wu na pwen ande rikwén be. Ayi si ti wu na nwangru ba.

Yohana 5:40

Amaa ani cwe-ni ti ni u ba uwog-m ti ni ba tu unyang yi be.

Yohana 6:33

Ikyaen ti, buredi ti Rimam ku nda ande si unde wu ti si apupwen ba u ku nda utense unyang.”

Yohana 6:51

Ame ti risu-m ti si wuci yi ti si apupwen ba, awu ti ku nda unde unyang. Unde titini ti a ci wuci yine, awu u som yiyer. Wuci ti ame u nda ande ti utense ti a na tu unyang si ibye rimenn-m.”

Roma 2:21

Afu ti ku kwen na ariki, afu ku kwen na-fu risu-fu be a. Afu ku fwa ande kusen risu riyib ti yib, afu ku yib riyib a.

1 Timoti 1:15

Ame ku ri te fu ira ti kubenti ti pang ti ande ā kyangte yi u ru kubenti uwae-yi. Yesu Kristi ru ba utense ikyaen ti wu nwangru ande ti ku nde ikentitibi. Uwae-ba ame ti si ukwe.

Mbaibrane 6:17

Isim ti Rimam yer unju te Ibrahim, awu sa tsi ti wu tatso anyisu ti u ci rifunn-wu paenine baa, ira ti awu myae tsi na u kafe-yi fe ama be. Ikyaen yine awu ben uben.

Mbaibrane 7:25

Ikyaen yine, ko kiye titini, awu u ndetu ti wu nwangru meme ande ti a rutsa uwog-wu ba uwe Rimam, ikyaen ti, awu tsikunn ku jwam itijwam ikyaen-ba.

2 Bitrus 1:11

Ani a nde ayine, ufu kusog u mbubta waang ikyaen-ni, sang yi Kujwokwe ti tsi kukunn ti si ana Itsekuru-ti Yesu Kristi Unde ti Nwangru-ti.