Yohana 10:1 - Kutsingken Ira Rimam ti Saen Kyag

¹ “Ame ku ri te ni kubenti, asiti unde a ku sha ti wu na sang rukug mbawen, awu a sang-wu ufu rukug mbawen be, u ru ka tso kiye iki, unde wune si unde ti riyib.

Yohana 10:1 Iomraidhean Croise

Matiyu 7:15

“Ni nung nyinyang ti ande ti ku ya iskin ti rifen. Aba ku ru ba uwog-ni pangma iwentam rimenn ijwe ise ike, amaa uwae utob-ba, aba si ibye anyi.

Yohana 10:7

Ikyaen yine Yesu ri te ba baa, “Ame ku ri te ni kubenti, ame ti si ufu rukug mbawen ayi.

Yohana 3:3

Yesu ri te wu baa, “Ame ku ri te fu kubenti, unde ta-wu ti awu u sang Kujwokwe Rimam be, se iken ti a mbae shem pu ba awu tawe.”

Roma 10:15

Cwucwo, unde u kyang rimang u nwunn ru ka ri ira Rimam te ande, asiti a tom-ba wu tom be? Pangma ti a bae uwae Kutsingken Rimam baa, “Itiba na ande ti ku ya iskin ira ti tinyang nyang timambe.”

Roma 16:18

Ikyaen ti, abane si-ba apyi na Itsekuru-ti Yesu Kristi be. Aba ku fen iken ti ijwe-ba ku sha. Ira unju-ba nyang ti fxen timambe, amaa, aba ku kyaefa ande ti nung-ba ira iki be.

Titus 1:11

Fwan ba kubyag baa, a na bwe tag, ikyaen ti, aba ku kyirunn tag anunn ande yi fengo na iken ti kwen-ba ti nyang-yi ti a u kwen na ande be. Aba sa uwae-ba tsi risu aser amam. Ayi si iken ti ku wae rukwae.

Mbaibrane 5:4

Unde ko-wu ti wu nda risu-wu rurob wande tiyang wune be, se Rimam ti a tsab sa wu, pangma ti awu tsab sa Aruna ti kute.

1 Bitrus 1:10

Ira risu itinwangru yine, ande ti ku ya iskin ira Rimam kute ri baa, itinyang Rimam u tu ni. Aba nùng putsa, u rang ira risu-yi kyig kyig kyig.

2 Bitrus 2:1

Amaa, atom ti ku ya iskin ira tikong ta atang ama ti kute, pangma ti ande ti ku kwen ira ti rifen u nwunn kutampwa-ni. Aba u tam sang ti iken ti kwen ti ku mbub ira na Rimam, u pyir Itsekuru-ba wu ti jab mbe ba te anying-wu, u shir ititwenji si ijwe-ba risu ti kufe.

2 Bitrus 2:3

Ikyaen rimenn ti sam-ba, aba u ci rug tag ni te ira unju ti rag. Ti kucang akwen, Rimam yer mam pu wu rikwen risu utso ande bane, ititwenji-ba ama u tsi-yi tsi be u ba.

1 Yohana 4:1

Ande-m ti ayib ricwu-m, ni ru-ni kubenti baa, meme asung na ru uwog Rimam ba be, amaa, ni myae nung asung yi, ti ni nung baa, ayi si ana Rimam bara. Ikyaen ti, atom ti ku ya iskin ira tikong yang-ba akwen sang ba pu ba utense.