Yohana 1:51 - Kutsingken Ira Rimam ti Saen Kyag

⁵¹ Yesu ri te wu ama baa, “Ame ku ri te fu ira ti kubenti. Afu u nung apupwen u mbubta, afu u nung atom Rimam ku tsutso ku sisi risu Umbae Unde.”

Yohana 1:51 Iomraidhean Croise

Kucangtsi 28:12

Atang awu sunn kurwa baa, awu na sae kufwá iki ti tsi riben u tso ka sang ti apupwen, ama atom Rimam ti apupwen ku tsutso ku sisi atang.

Matiyu 25:31

“Kiye ti Umbae Unde u ba ti riyinn-wu ti meme atom-wu, awu u somtsa iken ti som-wu ti site riyinn.

Matiyu 26:24

Umbae Unde u ru kang pangma ti aba ri risu-wu ti kute uwae Kutsingken Rimam, amaa ayi si iken ti ku nde risi uwog unde ti ú sa wu jabci na ande bane! A baa, a na mbae-ba awu be ayi u nyang skeb!”

Matiyu 3:16

Isim ti a nde mam na Yesu batisma, awu tso ba yi ukunn. Ti ritsen, apwa apupwen mbubta, awu sae Kusung Rimam si ku ba pangma kikwae u ba som tsa risu-wu.

Matiyu 4:11

Uwog wune, awu ukwe kukyaefa ter ru u ya wu ta, ama ti ritsen, atom Rimam si apupwen ba tu wu, u ndeya wu.

Matiyu 8:20

Yesu ri te wu baa, “Aswáe site uwáe ti ayi ku nae atang, inung ti ku pinn apupwen ama site afug-yi, amaa, Umbae Unde site-wu ti uwog ti awu u nae atang be.”

Matiyu 9:6

Amaa, ame u tatso ni iken ti ni nungye baa, Umbae Unde na site kuko uwae utense ti awu u yata na ande ikentitibi-ba.” Isim yine, awu ri te unde ti cwu afxen ti ajwo wu baa, “Nwunn ritsen, fur kucwo-fu, ti ru yi kununn!”

Markus 1:10

Ti ritsen ti Yesu tso ku ye uwae ambyi, awu sae apupwen mbubta, ama Kusung Rimam si ba risu-wu pangma kikwae.

Markus 14:62

Yesu cwe baa, “Ame si awu. Uwe ike ama, ani u nung Umbae Unde ku som kujwo rici na Rimam. Ani u nung wu awu u si apupwen ba uwae abyi.”

Luka 2:13

Ti awu u nunung, atom na Rimam iki yang-ba akwen si ba tu atom wu ti tsi ne, aba ku teb Rimam ku ri baa,

Luka 2:9

Ti aba u nunung, atom Rimam sī ba tatso risu-wu uwog-ba, ama riyinn na Itsekuru pakob ba. Ikyenricwu ye ba si-yi ti ti ri be.

Luka 22:43

Uwog wune, atom Rimam iki si apupwen ba u ba nda wu kpakang.

Luka 22:69

Amaa sa tsikunn ike ru fe yi uwe Umbae Unde u som kujwo rici na Rimam ti skeb ti tag.”

Luka 24:4

Ti aba tsi u nung-ba iken ti aba u nde be, ande ifaen iki ru ba tsi fer ba. Atupwa-ba tsen poriri u jaen wurwur.

Luka 3:21

Uwae kiye wu ti Yohana ku nde na ande meme batisma, awu nde na Yesu ama. Isim ti Yesu nde mam pu wu batisma u tsi ku jwam Rimam, apwa apupwen mbubta.

Yohana 1:50

Yesu rang wu baa, “Afu ru uwae kinjo uwog-m ikyaen ti ame ri baa, ame na nung fu imbyi kututung a? Afu u nung iken ti ku fur ayib yang-yi ti skeb ayine.”

Yohana 10:1

“Ame ku ri te ni kubenti, asiti unde a ku sha ti wu na sang rukug mbawen, awu a sang-wu ufu rukug mbawen be, u ru ka tso kiye iki, unde wune si unde ti riyib.

Yohana 10:7

Ikyaen yine Yesu ri te ba baa, “Ame ku ri te ni kubenti, ame ti si ufu rukug mbawen ayi.

Yohana 13:16

Ame ku ri te ni kubenti, upyi skeb-wu itsekuru-wu be, unde kutsa ama skeb-wu unde ti tom wu ritom be.

Yohana 13:38

Yesu ri te wu baa, “Afu ri baa, afu na cwe ti afu na u cwu ikyaen-m ané? Ame ku ri te fu kubenti, utitang ne, afu u ri tso atsepu ita baa, afu na nung-fu ame be, titawe mbakunn u ta ira.”

Yohana 14:12

“Ame ku ri te ni kubenti baa, unde titini ti a ru uwae kinjo uwog-m, awu u nde iken ti ame ku nde ama. Awu u nde wande ti skeb ana-m skeb ama, ikyaen ti, ame ku ru yi uwog Itse-m.

Yohana 16:20

Ame ku ri te ni kubenti, ani u jwub ira u ten aten si ayib. Ande ti nung-ba ame be u tsen utob. Ama isim-yi, utob-ni ti tibyir u kafe utob titsen.

Yohana 16:23

“Kiye wu, ani u jwam-ni ame iken iki be. Ame ku ri te ni kubenti, meme iken ti ani a jwam uwog Itse-m yi rinyi-m, awu u nda ni.

Yohana 21:18

Ame ku ri te fu kubenti, kiye ti afu si umbae kitinying afu cwun arun-fu u ku ru yi uwog ti afu ku sha ti fu u ru meme, amaa kiye ti afu a kyaen pu fu, afu u ndab ta kujwo-fu, unde iki u cwun na fu arun u shir fu ru yi uwog ti afu ku sha-fu be.”

Yohana 3:3

Yesu ri te wu baa, “Ame ku ri te fu kubenti, unde ta-wu ti awu u sang Kujwokwe Rimam be, se iken ti a mbae shem pu ba awu tawe.”

Yohana 3:5

Yesu ri te wu baa, “Ame ku ri te fu kubenti, unde iki u sang-wu Kujwokwe Rimam be se unde ti a mbae pu ba awu yi fengo na ambyi, ti ana Kusung.

Yohana 5:19

Yesu ri te ba baa, “Ame ku ri te ni ira ti kubenti, Umbae Rimam ku nde-wu wande ti risu-wu amam be. Awu ku nde nyáng iken ti awu nung Itse-wu ku nde amam. Iken ti Itse ku nde si iken ti Umbae ku nde ama.

Yohana 5:27

Awu sa kuko na pu wu Umbae-wu ti wu na pwen ande rikwen ikyaen ti, awu si Umbae Unde.

Yohana 6:26

Yesu cwe ba unju baa, “Ame ku ri te ni kubenti, iken ti nde nee ani ku sha rifab-m si ikyaen ti, ani ci u kyaen ti buredi yi kiye wu, si-yi ikyaen ti ani nung iken ti tatso kuko Rimam be.

Yohana 6:32

Yesu ri te ba baa, “Ame ku ri te ni kubenti, unde ti nda ni wuci yi si-yi Musa be, i si Itse-m. Cwucwo, buredi ti kubenti ti ku si apupwen ba, Itse-m ti ku nda yi si ba na ni tine.

Yohana 6:47

Ame ku ri te ni kubenti, unde ti a ru uwae kinjo uwog-m, awu site pu wu unyang ti tsi kukunn.

Yohana 6:53

Yesu ri te ba baa, “Ame ku ri te ni kubenti, asiti ani a u kub-ni ibye rimenn na Umbae Unde be, u ngwa-ni anying-wu be, ani u site-ni ti unyang be.

Yohana 8:34

Yesu ri te ba baa, “Ame ku ri te ni kubenti, unde titini ti a ku nde ikentitibi, awu si upyi na ikentitibi.

Yohana 8:51

Kubenti ti ame ku ri te ni, asiti unde iki a fur risu riben te ira ti ame ku ri, unde wune u cwu-wu cwu be.”

Yohana 8:58

Yesu ri te ba baa, “Ame ku ri te ni kubenti, a mbae Ibrahim ayib-m.”

Wande Atom 10:11

Uwae kurwa yi, awu nung apupwen mbub tita, iken iki si ku ba pangma kujwo kutupwa tiyang. Unju-wu si inje, a yir wu yir ti uji u sa kyen si ku ba uwog ti awu ta atang.

Wande Atom 7:56

“Ni nung! Ame nung apwa apupwen mbub tita. Umbae Unde tsi kujwo rici na Rimam!”

2 Tesalonika 1:7

Ama ani ande ti ta uwae rikaen tine, ti ati ama, awu u nda ti unyang ti pu usir ti Itsekuru-ti Yesu u ba tso risu-wu. Awu te atom Rimam ti apupwen u si ba tetso

2 Tesalonika 1:9

Awu u byinn ba kimbab ti si kimbab na rikaen ti tsikukunn. Aba u nung-ba uwe Rimam cwucwo be, u nung-ba uwog ti saen na riyinn-wu be.

1 Timoti 3:16

Ira ti kitam ti Rimam mbubta u tatso ti si iken ti ku fe ayib! Rimam tso risu-wu uwae ijwe unde. Kusung ti Saen Kyag cwe ira-wu baa, awu na site kubenti. Atom na Rimam ti apupwen sae wu te ayib. A sa ira-wu kyang ka ri te ande ti utense meme. Ande uwae utense ru uwae kinjo uwog-wu. A ye ra wu tso yi uwog ti tinyang apupwen.

Mbaibrane 1:14

Atom Rimam ti apupwen si iken iki a. Aba si-ba asung ti ku ndeya Rimam be a. Awu ku tom ba ru ti a kaa ndeya ande ti a u tu itinwangru.

Yawuda 1:14

Enoki ti si ti itsongfaen uwae abitse-ti ti ba isim Adamu, Rimam nda wu ri ira risu ande bane kute baa, “Ni nung! Itsekuru-ti Rimam ru ku ba ti atom-wu ti sisaen, ti ujwunn-ba.

Ititatso 19:11

Isim ayine ame sae apupwen mbubta, ama kakum ti tsen tsi! Rinyi unde wu ti ku tso wu tso si KUBENTI. Awu ku pwen rikwen, ku ta rika uwae kubenti.

Ititatso 4:1

Isim ayine, ame sae, ama ti m nunung, ufu iki mbub tita apupwen! Ame fxen afxenjwin pangma ti ame fxen ti kucang ma kutumu. Awu ri te m baa, “Tso ba ike, ti m tatso fu iken ti u ba nde kang uwe ike.”